[᭖᭙ 69 B]
᭖᭙
ᬯᬸᬄᬭᬶᬂᬩᬜ᭄ᬘᬶᬗᬄᬕ᭄ᬮᬶᬲ᭄᭞ᬫᬗ᭄ᬭᬭᬶᬲ᭄ᬓᬳᬡ᭄ᬥᬫᬸᬤ᭄ᬭ᭞ᬧ᭄ᬭᬭᬢᬸᬫᬧᬕ᭄ᬩᬦᬵᬓ᭄ᬱᬶ᭞ᬢᬸᬃᬲᬸᬩᬧᬲ᭄ᬲᬫᬶ᭞ᬳᬤᬳᭂᬕᭂᬲ᭄ᬫ᭄ᬭᬱᬮᬶᬫᬸᬄ᭞ᬕᬤᬢᬦ᭄ᬧᬢᬶᬫ᭄ᬩᬮ
ᬦ᭄᭞ᬫᬗᬯᬲ᭄ᬳᬤᬫᬓ᭄ᬚᬶᬢ᭄᭞ᬳᬤᬗ᭄ᬭᬸᬫ᭄ᬭᬸᬫ᭄᭞ᬤᬶᬚᭂᬭᭀᬦᬶᬓᬂᬋᬥ᭟ᬭᬢᬸᬫᬲ᭄ᬳᬢ᭄ᬫᬚᬸᬯᬶᬢ᭞ᬢᭀᬓ᭄ᬦᬧᬗᬫᬸᬦ᭄ᬕᭂᬲᬶᬢ᭄᭞ᬫᬳᬶᬭᬢᬸᬤᭂᬲᭂᬓ᭄ᬢ᭄ᬬᬂ᭞ᬢᬸᬢᬸ
ᬭᬂᬓ᭄ᬭᬡᬦᬾᬲ᭄ᬤᬶᬄᬜᬾᬦ᭄ᬲᬶᬕ᭄ᬫᭂᬲ᭄ᬫᭂᬦ᭄ᬤᬸᬳᬶᬦ᭄᭞ᬓᬾᬢᭀᬗᬭᬶᬫᬶᬓ᭄ᬤᬶᬢᬦᬸ᭞ᬳᬤᬩ᭄ᬯᬶᬦ᭄ᬫᬦᬶᬫ᭄ᬩᬮ᭄᭞ᬫ᭄ᬦᬳᬂᬰᬶᬮᬗᬧᬶᬓᬶᬦ᭄᭞ᬫᬲᬶᬄᬜᬯᬂ᭞ᬫᬫᬸᬜᬶᬚ᭄ᬭᭀᬦᬶᬂ
ᬋᬥᬬ᭟ᬤᬸᬄᬭᬢᬸᬫᬲ᭄ᬧᬫᬸᬕ᭄ᬭᬦ᭄᭞ᬤᬶᬦᬶᬚᬭᬢᬸᬫᬮᬶᬗ᭄ᬕᬶᬄ᭞ᬳᬭᬄᬳᬾᬫᬦ᭄ᬧᬶᬲᬦ᭄ᬧᬶᬲᬦ᭄᭞ᬳᬶᬤᭂᬦᭂᬕᬓ᭄ᬢ᭄ᬯᬭᬫᬩᬶᬦ᭄᭞ᬩᬶᬄᬫᬳᬶᬚᬭᬢᬸᬗ᭄ᬕᬶᬄ᭞᭠
[᭗᭐ 70 A]
ᬮ᭄ᬬᬸᬬᬾᬦᬸᬘᬧᬂᬢᬸᬧ᭄ᬢᬸᬧ᭄᭞ᬫᬸᬜᬶᬦ᭄ᬳᬦᬓᬾᬤᬦᬦ᭄᭞ᬳᬤᬗᬩᬢᬸᬮᬶᬲ᭄᭞ᬫᬍᬫ᭄ᬧᬶᬭᬦ᭄᭞ᬳ᭄ᬫᬲ᭄ᬫᬯᬤᬄᬦᬦᬫ᭄ᬧᬦ᭄᭟ᬧ᭄ᬭᬧᬸᬢ᭄ᬭᬶᬢ᭄ᬯᬭᬗᬺᬱᭂᬧᬂ᭞ᬧ᭄ᬭ
ᬭᬢᬸᬦᬾᬧᬥᬵᬧᬮᬶᬂ᭞ᬳᬤᬗᭂᬫ᭄ᬩᬸᬲ᭄ᬕᭂᬮᬂᬓᬦ᭞ᬧᬢᬶᬢᬶᬲ᭄ᬮᬦ᭄ᬲ᭄ᬓᬃᬢᬚᬶ᭞ᬲᬸᬩᬵᬦᬸᬦ᭄ᬤᬾᬦ᭄ᬗᬢᬸᬭᬶᬦ᭄᭞ᬳᬲᬶᬂᬓᬬᬸᬦ᭄ᬚᬕᬶᬓᬢᬸᬃ᭞ᬫᬦ᭄ᬚᬂᬧᬥᬦᬸᬮᬓ᭄᭞ᬢ᭄ᬯᬭ
ᬲ᭄ᬳᭂᬫ᭄ᬫᬗ᭄ᬮᬶᬬᬢᬶᬦ᭄᭞ᬘᭀᬓᭀᬃᬭᬢᬸ᭞ᬓᬧᬶᬯ᭄ᬮᬲᬦ᭄ᬫᬜᬶᬗᬓ᭄᭟ᬲᬃᬯ᭄ᬯᬗᭂᬫ᭄ᬩᭂᬂᬗᭂᬫ᭄ᬩᭂᬂᬯᬱ᭄ᬧ᭞ᬳᬫᬮᬾᬦ᭄ᬫᬮᬾᬦᬶᬮᬶᬭᬶᬂ᭞ᬤᬤ᭄ᬬᬜᬫᬫᬧᬲ᭄ᬘᬶᬗᬓ᭄᭞ᬭᬶᬂ
ᬳᬬᬸᬅ᭄ᬓᭀᬭᬢᬸᬕ᭄ᬮᬶᬲ᭄᭞ᬫᬯᬗ᭄ᬲᬶᬢ᭄ᬫᬗᬸᬮᬧᬶᬦ᭄᭞ᬳᬬᬸᬅ᭄ᬫᬗᬾᬗ᭄ᬕᬮᬂᬢ᭄ᬥᬸᬦ᭄᭞ᬗ᭄ᬭᬭᬶᬲ᭄ᬓᬧᬗᬚᬳᬦ᭄᭞ᬧ᭄ᬭᬧᬸᬢ᭄ᬭᬶᬫᬩ᭄ᬭᬶᬬᬶᬓ᭄ᬗᬶᬭᬶᬂ᭞ᬗᬸᬦ᭄ᬢᬸᬓ᭄ᬦᬗᬶᬲ᭄
Kaca:Bali-lontar-gaguritan-ratmaja-300ppi.pdf/70
Kaca puniki sampun kauji-wacén
