[᭖᭕ 65 B]
᭖᭕
ᬗᬾᬗ᭄ᬕᬮᬂ᭟ᬫᬩᬮᬶᬄᬳᬧᬂᬦᬯᬂ᭞ᬜᬾᬦᬾᬭᬯᬸᬄᬚᬦᬶ᭞ᬩᭂᬡ᭄ᬥᬾᬢᬫ᭄ᬩᬭᬾᬫᬲᬶᬫ᭄ᬩᬦ᭄᭞ᬗᬋᬤᭂᬕ᭄ᬢᬶᬗ᭄ᬕᭂᬮᬶᬄᬶᬲ᭄ᬓᬧᬸᬭᬶ᭞ᬳᬦᬓᬕᬸᬂᬲᬫᬶ᭞ᬮᬶᬦ᭄ᬢᬂᬧᬓᭀᬩᭂ
ᬢᬾᬧᬸᬧᬸᬢ᭄᭞ᬓᬗᬶᬲ᭄ᬓᬸᬫ᭄ᬧᬸᬮ᭄ᬢᭂᬮᬲᬦ᭄᭞ᬫᬶᬦᭂᬄᬚᬕᬓᭀᬤᬮ᭄ᬫᬗ᭄ᬓᬶᬦ᭄᭞ᬲᬕᬾᬢ᭄ᬭᬯᬸᬄ᭞ᬧ᭄ᬭᬫᬶᬰ᭄ᬯᬭᬶᬫᬕᬺᬤᭂᬕᬦ᭄᭟ᬫᬤᬾᬯᬶᬮᬦ᭄ᬭᬦ᭄ᬢᭂᬦᬚ᭄ᬬ᭞ᬳᬬᬢᬦ᭄ᬚᬕ
ᬗ᭄ᬬᬲᬶᬦ᭄᭞ᬓᬧᬗ᭄ᬕᬶᬄᬓᬸᬫ᭄ᬧᬸᬮ᭄ᬫᬓ᭄ᬚᬂ᭞ᬭᬸᬓ᭄ᬱᬳᬲ᭄ᬫᬸᬧ᭄ᬭᬶᬳᬢᬶ᭞ᬩᬮᬸᬢ᭄ᬩᬮᬸᬢ᭄ᬦᬶᬂᬳᬓ᭄ᬱᬶ᭞ᬳᬫᬗᬸᬦ᭄ᬭᬕᬓᬸᬂᬮᬸᬮᬸᬢ᭄᭞ᬲᬸᬲ᭄ᬬᬄᬳᬗ᭄ᬕᬯᬾᬭᬶᬫᬂ᭞ᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬫᬃᬫ᭄ᬫ
ᬲᬶᬄ᭞ᬤᬤᬶᬫᬗᬸ᭞ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓ᭟ᬫᬾᬓᬕᬸᬂᬫᬲ᭄ᬫᬶᬭᬄᬲᬬᬂ᭞ᬦᬄᬧᬥᬫᭂᬲᬾᬄᬚᬦᬶ᭞ᬦᬾᬲᬸᬩᬳᭀᬢ᭄ᬓ᭞ᬮᬓᬃᬦᬩ᭄ᬤᬩ᭄ᬳᬶᬤᬫᬡᬶᬓ᭄᭞ᬜᬦᬾᬗ᭄ᬕᬵ
[᭖᭖ 66 A]
ᬮᬦ᭄ᬫᬳᬮᬶᬄ᭞ᬤᬾᬯᬕᬸᬂᬳᬶᬲ᭄ᬢ᭄ᬭᬶᬫᬲᬳᬸᬃ᭞ᬳᬶᬗ᭄ᬕᬶᬄᬲᬳᬶᬭᬶᬂᬢᬶᬢ᭄ᬬᬂ᭞ᬫᬯᬗ᭄ᬲᬶᬢ᭄ᬢ᭄ᬥᬸᬦᬦ᭄ᬲᬫᬶ᭞ᬚᬕᬫᬳ᭄ᬬᬸᬲ᭄᭞ᬫᬗ᭄ᬭᬜ᭄ᬚᬶᬂᬓᬕ᭄ᬤᭀᬂᬕᬫ᭄ᬩᬃ᭟ᬫᬸᬮᬕ᭄ᬦᬄᬳᬶᬯᬫ
ᬳ᭄ᬬᬸᬲ᭄᭞ᬫᬲᬮᬶᬦᬦ᭄ᬲᬋᬂᬲᬫᬶ᭞ᬫᬯᬲ᭄ᬢ᭄ᬭᬲᬋᬂᬫᬓ᭄ᬚᬂ᭞ᬩᬢᬶᬦ᭄ᬲᬸᬢ᭄ᬭᬋᬫ᭄ᬩᬂᬧᬸᬢᬶᬄ᭞ᬧᬧ᭄ᬓᭂᬓ᭄ᬤᬤᬸᬫᬶᬮᬶ᭞ᬲᬸᬢ᭄ᬭᬳᬾᬮᭀᬳᬦᬾᬳᬸᬫᬸᬃ᭞ᬧᬢᬸᬄᬳᬸᬭᬸᬩ᭄ᬓᬲ᭄ᬬᬮ᭄᭞᭠
ᬕᬕᬸᬮᬸᬂᬤᬤ᭄ᬭᬸᬲ᭄ᬫᬢ᭄ᬮᬸᬓᬶ᭞ᬢ᭄ᬓᬗᬫᬸᬦ᭄᭞ᬯ᭄ᬯᬂᬲᬶᬂᬭᬭᬲᬂᬫ᭄ᬮᬄ᭟ᬫᬲᬶᬄᬧᬂᬳᬤᬧ᭄ᬭᬘᬶᬳ᭄ᬦ᭞ᬓᬾᬯᬮᬫᬕ᭄ᬮᬂᬩᬢᬶᬲ᭄᭞ᬳᬮᬶᬳᬮᬶᬢᬢᬫ᭄ᬬᬗᬦ᭄᭞ᬤᬶᬓᬘᬶᬂᬲᬸᬩ
ᬦᬸᬭᬸᬓ᭄ᬢᬶ᭞ᬚᬭᬶᬚᬶᬮᬸᬭᬸᬲ᭄ᬗᬾᬤᬦᬶᬦ᭄᭞ᬦᬓᬓᬤᬶᬫᬡᬶᬓ᭄ᬩᬜᬸ᭞ᬭᬕᬫ᭄ᬭᭀᬲ᭄ᬗᬮᬸᬗ᭄ᬕᬂ᭞ᬧᬫᬸᬮᬸᬦᬾᬜᬮᬂᬕᬥᬶᬂ᭞ᬳᬬᬸᬦᬸᬮᬸᬲ᭄᭞ᬢᬦ᭄ᬧᬾᬦ᭄ᬤᬄᬧᬸᬢ᭄ᬭᬶ᭠
Kaca:Bali-lontar-gaguritan-ratmaja-300ppi.pdf/66
Kaca puniki sampun kauji-wacén
