[᭕ 5 B]
᭕
ᬢ᭄ᬳᬸᬧᬲᬶᬂᬯᭀᬂᬲᬪᬹᬫᬶ᭞ᬮᬗᬶᬦᬶᬂᬧᬲᬶᬃᬫ᭄ᬯᬂᬕᬸᬦᬸᬂ᭞ᬓᬯᬶᬲ᭄ᬢᬦ᭄ᬯᬦ᭄ᬬᬵᬢᬗ᭄ᬕᬮ᭄᭞ᬧᬫᬸᬧᬸᬮᬦ᭄ᬫᬦᬶᬲ᭄ᬫᭀᬫ᭄ᬩᬓᬦ᭄ᬚᬸᬭᬸᬄ᭞ᬲᬧᬭᬶᬧᭀᬮᬄᬲᬸᬂᬭᬶᬫᬂ᭞ᬓ᭄ᬜᭂᬫ᭄ᬫᬗᬦ᭄ᬤᬶᬓᬵᬳᬭᬶᬲ᭄᭟
ᬦᬾᬶᬩᬧᬧᬜ᭄ᬚᬓ᭄ᬩᭂᬢᬾᬦᬦ᭄᭞ᬓ᭄ᬫᬵᬩ᭄ᬘᬢ᭄ᬳᬕᬸᬂᬳᬢᬸᬢ᭄ᬤᬶᬓᬶᬦ᭄᭞ᬲᬕᬾᬢ᭄ᬢ᭄ᬓᬳᬦᬓᬕᬸᬂ᭞ᬦᬾᬦᭂᬫ᭄ᬦᭂᬫ᭄ᬫᬩᬭᬗᬦ᭄᭞ᬲᬸᬩᬫᬳ᭄ᬬᬲ᭄᭞ᬧᬧᬢᬸᬳᬦ᭄ᬧᬥᬵᬳᬦᬸᬢ᭄᭞ᬫᬓᬫ᭄ᬩᭂᬦ᭄ᬩᬢᬶ
ᬓ᭄ᬳᬮᬾᬮᬫ᭄᭞ᬩᬗ᭄ᬚᬳᬚᬶᬲ᭄ᬮᬳᬾᬭᬶᬗ᭄ᬕᬶᬢ᭄᭟ᬫᬧᬧᭂᬓᭂᬓ᭄ᬱᬸᬢ᭄ᬭᬕᬥᬂ᭞ᬫᬲᬗ᭄ᬓᬸᬳᬸᬩ᭄ᬕᬕᬸᬮᬸᬂᬤᬤᬸᬳᬮᬶᬫ᭄᭞ᬳ᭄ᬩᭀᬦᬾᬫᬶᬳᬶᬓ᭄ᬫᬗᬮᬸᬩ᭄᭞ᬲᬸᬩᬫᬳᬸᬲᬧ᭄ᬳᬫ᭄ᬩ᭞ᬍᬗᬶᬲ᭄ᬲᬭᬸ᭞ᬫ
ᬭᬢᬲ᭄ᬤᬾᬤᬾᬲ᭄ᬢᬶᬗ᭄ᬕᬮᬸᬦ᭄᭞ᬧᬥᬵᬢᭀᬂᬩᬓᬢ᭄ᬓᭂᬦᭂᬳᬂ᭞ᬧᬢᬸᬄᬢᬸᬃᬫᬕ᭄ᬮᬂᬩᬢᬶᬲ᭄᭟ᬳᬧᬋᬧ᭄ᬲᬦᬾᬳᬶᬦᬸᬘᬧ᭄᭞ᬫᬧᭂᬲᬾᬗᬦ᭄ᬳᬦᬓᬕᬸᬂᬳᬬᬸᬭᬳᬶ᭞ᬰ᭄ᬭᬗ᭄ᬕᬭᬳᬫᬸᬮᬸᬄᬋ
[᭖ 6 A]
ᬫ᭄ᬧᬸᬄ᭞ᬭᬕᬫ᭄ᬭᭀᬲ᭄ᬗᬮᬸᬗ᭄ᬕᬂ᭞ᬚ᭄ᬭᬶᬚᬶᬭᬸᬭᬸᬲ᭄ᬘᬘᬶᬗᬓᬾᬗ᭄ᬘᭀᬃᬚᬸᬭᬸᬄ᭞ᬧᬫᬸᬮᬸᬦᬾᬕᬥᬶᬂᬜᬮᬂ᭞ᬲᬭᬭᬲ᭄ᬢ᭄ᬓᬗ᭄ᬭᬶᬫᬗᬶ᭟ᬲᬫᬮᬶᬄᬦᬾᬦᬾᬳᬮᬶᬢᬦ᭄᭞ᬳᬦᬓᬕᬸᬂᬫᬥᬾᬧ
ᬧᬲᬶᬄ᭞ᬋᬋᬲ᭄ᬧᬸᬦᬶᬓᬵᬓᬲᬸᬫ᭄ᬩᬸᬂ᭞ᬚ᭄ᬕᬾᬕ᭄ᬫᬦᬶᬲ᭄ᬰ᭄ᬭᬗ᭄ᬕᬭ᭞ᬭᬕᬕᭂᬜ᭄ᬚᬶᬂᬧᬫᬸᬮᬸᬦᬾᬜᬡ᭄ᬥᬢ᭄ᬮᬸᬫ᭄ᬮᬸᬫ᭄᭞ᬓ᭄ᬫᬶᬓᬦᬾᬮᬕᭂᬲ᭄ᬕᭂᬢᬃ᭞ᬭᬱᬵᬗᭂᬲᭀᬃᬫᬥᬸᬕᭂᬡ᭄ᬥᬶᬲ᭄᭟ᬦᬾᬧᬢ᭄ᬧᬢ᭄ᬫᬲᬶᬄᬲᬯᬢᬵ᭞
ᬧᬥᬫᬦᬶᬲ᭄ᬰ᭄ᬭᬗ᭄ᬕᬭᬭᬫᬾᬂᬩᬸᬤ᭄ᬥᬶ᭞ᬳᬲᬶᬦ᭄ᬗ᭄ᬕᬯᬾᬓᬸᬂᬮᬸᬮᬸᬢ᭄᭞ᬳᬬᬸᬩᬸᬫᬭᬜᬶᬗᬓ᭄᭞ᬫᬢ᭄ᬭᬸᬄᬢ᭄ᬭᬸᬄ᭞ᬫᬗᬦ᭄ᬤᬶᬓᬵᬳᬮᬸᬲ᭄᭞ᬫᬰᬶᬓᬾᬧᬥᬵᬳᬾᬗ᭄ᬕᬮᬂ᭞ᬚᬮᬦ᭄ᬫᬧᬋᬫ᭄ᬩᬸᬕ᭄ᬚᬦᬶ
᭟ᬳᬶᬋᬋᬧ᭄ᬕᬹᬃᬜᭂᬩᬾᬭᬂᬳᬬᬸᬗᬸᬤᬵᬤᬾᬭᬾᬂᬳᬗᬦ᭄ᬫᬲᬸᬭᬶ᭞ᬳᬬᬸᬓ᭄ᬜᭂᬫ᭄ᬫᬢ᭄ᬭᬸᬄᬫᬥᬸ᭞ᬳ᭄ᬬᬂᬳᬦᬓ᭄ᬗᬦ᭄ᬢᬶᬳᬶᬤ᭞ᬳᬦᬓᬕᬸᬂᬳᬬᬸᬭᬳᬶᬫᬤᬤᬯᬸᬄ᭞ᬜᬾᬦᬶᬩᬵᬧᬜ᭄ᬚᬓ᭄ᬩᭂᬢᬾᬦ
Kaca:Bali-lontar-gaguritan-ratmaja-300ppi.pdf/6
Kaca puniki sampun kauji-wacén
