Kaca:Bali-lontar-gaguritan-ratmaja-300ppi.pdf/55

Saking Wikisource
Kaca puniki sampun kauji-wacén

[᭕᭔ 54 B]
᭕᭔
ᬯᬭᬸᬂᬳᬰ᭄ᬭᬶᬗ᭄ᬮᬦᬂ᭞ᬧᬕᭂᬃᬧᬕᭂᬃᬦ᭄ᬬᬳᬭᬤᬶᬦ᭄᭞ᬲᬍᬢ᭄ᬲᬍᬢ᭄ᬧᬲᬗ᭄ᬕ᭄ᬭᬳᬦ᭄᭞ᬯᬢᭂᬓ᭄ᬚᬶᬫ᭄ᬲᬫ᭄ᬧᬶᬳᬾᬓᬗᬶᬦ᭄᭞ᬦᬮᬶᬓᬸᬃᬤᬶᬳᬮᬲ᭄ᬕᬦ᭄ᬤ᭄ᬭᬶᬂ᭞ᬫᬢᭀᬮᭀᬂᬓᬚᬵᬫᬩᭂ᭠
ᬚᬸᬕ᭄᭞ᬦᬾᬓᬯᬸᬄᬲᬸᬩᬧ᭄ᬭᬕᬢ᭄᭞ᬯᬢᭂᬓ᭄ᬫᬥᬸᬭᬦᭀᬗᭀᬲᬶᬦ᭄᭞ᬘᭀᬓᭀᬃᬭᬢᬸᬢᬸᬗᬸᬭᬄᬤᬶᬢ᭄ᬗᬄᬗᬼᬕ᭄᭟ᬳᬤᬳᬶᬗᬦ᭄ᬧᬶᬢᬸᬂᬤᬶᬦ᭞ᬫᬫᭀᬦ᭄ᬤᭀᬓ᭄ᬤᬶᬳ
ᬮᬲ᭄ᬕᬦ᭄ᬤ᭄ᬭᬶᬂ᭞ᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬤᬶᬧᬾᬢᬓ᭄᭞ᬢ᭄ᬯᬭᬤᬓ᭄ᬯᬗᬦ᭄ᬪᬸᬓ᭄ᬢᬶ᭞ᬳᬶᬲᬶᬦᬵᬮᬲ᭄‌ᬫ᭄ᬯᬂᬧᬲᬶᬄ᭞ᬳᭂᬩᬾᬦᬾᬮ᭄ᬬᬸᬫᬢᬸᬭᬸᬢ᭄᭞ᬓᬮᬶᬄᬲᬸᬩᬜᬮᬦᬂ᭞ᬧᬦᬢᬲ᭄ᬧᬘᬂ
ᬦᭂᬮᬶᬓᬶᬦ᭄᭞ᬓᬦᬕᬭ᭞ᬢᬦ᭄ᬓᭀᬘᬧ᭄ᬲᬸᬩᬫᬚᬮᬦ᭄᭟ᬚᬕ᭄ᬓᬧᬮᬾᬲᬕᬾᬢ᭄ᬢᭂᬓᬵ᭞ᬗᬫ᭄ᬩ᭄ᬬᬃᬫᬗᭂᬩᭂᬓᬶᬦ᭄ᬧᬲᬶᬄ᭞ᬦᭀᬭᬢᬸᬮᬾᬤᬂᬫᬜᬶᬗᬓ᭄᭞ᬓ᭄ᬜᭂᬫ
[᭕᭕ 55 A]
ᬗᬦ᭄ᬤᬶᬓᬳᬭᬶᬲ᭄᭞ᬮᬸᬯᬶᬄᬫᬢ᭄ᬭᬸᬲ᭄‌ᬫᬥᬸᬕᭂᬡ᭄ᬥᬶᬲ᭄᭞ᬚᬮᬦ᭄ᬓᬾᬚᬕ᭄ᬚᬕᬶᬦ᭄ᬫᬮᬸ᭞ᬢᬸᬗᬸᬭᬄᬫᭂᬧᭂᬲᬗ᭄ᬕ᭞ᬫᬕᬾᬗ᭄ᬭᬲ᭄ᬧᬥᬫᬫᬃᬕ᭄ᬕᬶ᭞ᬭᬶᬲᬓ᭄ᬱᬡ᭞ᬭᬯᬸᬄᬤᬶᬩ᭄ᬬ
ᬲᬾᬗᬫ᭄ᬩ᭄ᬬᬃ᭟ᬓᬨᬮᬾᬕᬗ᭄ᬲᬃᬫᬓ᭄ᬚᬂ᭞ᬦᬦ᭄ᬤᭂᬲ᭄ᬲᬸᬩᬤᬶᬧᬲᬶᬲᬶ᭞ᬳᬶᬚᬸᬭᬕᬦ᭄ᬲᬗᬕᬾᬯᬂ᭞ᬫᬫᬶᬦᭂᬳᬂᬭᭀᬤᬕ᭄ᬮᬶᬲ᭄᭞ᬫᬸᬮᬂᬫᬗ᭄ᬕᬃᬫᬓᬤᬶ᭞ᬫᬫᬲᬗᬂᬚᬫ᭄ᬩᬢᬦ᭄ᬧᬸᬧᬸ
ᬢ᭄᭞ᬲᬶᬢᬸᬩᬦ᭄ᬤᬜᬍᬫ᭄ᬧᬄ᭞ᬢᬸᬥᬾᬅ᭄‌ᬳᭀᬓᬢᬸᬥᬾᬅᬳᬶ᭞ᬫᬤᬩ᭄ᬤᬩᬦ᭄᭞ᬢᬸᬳᬸᬦ᭄ᬗᬚᬓᬶᬦ᭄‌ᬦᬾᬧᬢ᭄ᬧᬢ᭄᭟ᬧᬢᬶᬄᬭᬣᬫᬶᬯᬄᬭᭀᬩᬦ᭄᭞ᬫᬩ᭄ᬭᬶ
ᬬᬸᬓ᭄‌ᬫᬭᬾᬭᭀᬤ᭄ᬗᬶᬭᬶᬂ᭞ᬲᬓ᭄ᬱᬡᬭᬯᬸᬄᬤᬶᬩ᭄ᬬᬲ᭄᭞ᬢᬸᬗᬸᬭᬄᬮᬾᬥᬂᬫᬗᬓ᭄ᬱᬶ᭞ᬓᭀᬭᬢᬸᬓᬗ᭄ᬕᭂᬓ᭄ᬤᬤᬶ᭞ᬩᬸᬜᬶᬗᬓ᭄‌ᬗᬓ᭄ᬤᬶᬓᬳᬮᬸᬲ᭄᭞ᬩᬶᬄᬜᬾ