[᭕᭒ 52 B]
᭕᭒
ᬳᬸᬢᬢᬲ᭄ᬍᬫᬄ᭞ᬫᬤᬩ᭄ᬤᬩ᭄ᬚᬓ᭄ᬫᬓ᭄ᬚᬂ᭞ᬲᬦᬾᬧᬘᬂᬮ᭄ᬯᬲ᭄ᬗᬶᬭᬶᬂ᭞ᬲᬸᬩᬲᬬᬕ᭞ᬳ᭄ᬦᬸᬧᬥᬗᬦ᭄ᬢᬶᬯᬗ᭄ᬲᬶᬢ᭄᭟ᬲᬶᬭᬚᬾᬂᬅᬲ᭄ᬫᬭᬧᬸᬭᬲᬫ᭄ᬧᬸᬦ᭄ᬓᭀᬤᬮ᭄᭞
ᬳᬓ᭄ᬢᬶᬕᬦ᭄ᬫᬮᬶᬗ᭄ᬕᬶᬄ᭞ᬢᬶᬦᬗ᭄ᬓᬶᬮᬶᬂᬩᬮ᭞ᬳᬮᬶᬗ᭄ᬕᬶᬄᬭᬶᬂᬩᬮᬾᬳᬩᬂ᭞ᬧᭂᬧᭂᬓ᭄ᬧᬸᬦᬂᬢᬡ᭄ᬥᬫᬦ᭄ᬢ᭄ᬭᬶ᭞ᬧᬭᬧᬸᬗ᭄ᬕᬯ᭞ᬳᬢᬢᬢᬢᬫᬮᬶᬗ᭄ᬕᬶᬄ᭟ᬧᬭᬯᬶᬓᬸᬓᬓ
ᬮᬶᬄᬓᬤᬯᬸᬄᬮᬸᬗ᭄ᬳ᭞ᬲᬫ᭄ᬧᬸᬦ᭄ᬲᬬᬕᬓᬮᬶᬄ᭞ᬓᬸᬦᬂᬳᬶᬓᬂᬩᬮ᭞ᬧᬥᬳᬓᬦ᭄ᬤᬓᬦ᭄ᬤ᭞ᬲᬩ᭄ᬓᭂᬮ᭄ᬩ᭄ᬓᭂᬮᬦᬰ᭄ᬭᬶ᭞ᬳᬘᬶᬭᬶᬤ᭄ᬯᬚ᭞ᬢᬫ᭄ᬩᬸᬃᬮᬦᬸᬩᬃᬳᬩᬶᬃ᭟ᬢᬸ
ᬥᬾᬅ᭄ᬓᬮᬶᬄᬲᬫ᭄ᬧᬸᬦ᭄ᬫᬦ᭄ᬢᬸᬓ᭄ᬲᬓᬶᬂᬢᬫᬦ᭄᭞ᬫᬳ᭄ᬬᬲ᭄ᬤᬶᬕ᭄ᬥᭀᬂᬘᬃᬫ᭄ᬫᬶ᭞ᬫᬳᬸᬢ᭄ᬧᬧᬭᬲᬦ᭄᭞ᬳᬮᬶᬲ᭄ᬢᬚᭂᬧ᭄ᬫᬩᭂᬗᬤ᭄᭞ᬗᬲᭀᬭᬂᬓᬫ᭄ᬧᬶᬤ᭄ᬲ᭄ᬭᬯᬢᬶ᭞ᬕᬶᬕᬶ
[᭕᭓ 53 A]
ᬦᬾᬳᬢᬧ᭄᭞ᬩᬩᬭᭀᬤᭂᬫ᭄ᬤᭂᬫ᭄ᬯᬶᬮᬶᬲ᭄᭟ᬢᬸᬥᬾᬅ᭄ᬳᭀᬓᬓ᭄ᬜᭂᬫ᭄ᬩᬸᬓᬜᭂᬫ᭄ᬩᬸᬃᬕᬸᬮ᭞ᬢᬸᬥᬾᬅ᭄ᬚᬮᬦ᭄ᬓᬾᬚᬦᬶ᭞ᬢᬸᬦ᭄ᬤᬾᬦᬂᬗᬩᬬᬂ᭞ᬢᬫ᭄ᬬᬸ
ᬦᬾᬤᬶᬢᬫᬦ᭄᭞ᬓᬫ᭄ᬩᭂᬦ᭄ᬩᬩᬲᬅ᭄ᬓᬸᬮᬫ᭄ᬩᬶ᭞ᬳᬶᬧᬲᬵᬩᬶᬗᬃ᭞ᬓ᭄ᬜᭂᬫ᭄ᬮᬳᬸᬢ᭄ᬦ᭄ᬤᬯᬸᬳᬶᬦ᭄᭟ᬓ᭄ᬫᬵᬳᬶᬩᬵᬳᬶᬘᬶᬤ᭄ᬭᬫᬬᬵᬫᬚᬮᬦ᭄᭞ᬩᬋᬂᬮᬦ᭄ᬳᬶᬘᬶ
ᬢ᭄ᬭᬧᬢᬶ᭞ᬮᬦ᭄ᬳᬶᬘᬶᬢ᭄ᬭᬓ᭄ᬱᬭ᭞ᬳᬶᬩᬘᬶᬢ᭄ᬭᬚᬬ᭞ᬓᬢᬫᬦ᭄ᬳᬶᬜᬦᬾᬚᬦᬶ᭞ᬳᭂᬦ᭄ᬢᭀᬳᬩᬬᬂ᭞ᬜᬸᬫ᭄ᬩᬄᬜᭂᬫᬓ᭄ᬫᬧᬫᬶᬢ᭄᭟ᬢᬜ᭄ᬘᬭᬶᬢᬤᬶᬚᬮᬦ᭄᭞ᬬᬕᬕᬵ
ᬗ᭄ᬲᬭᬦ᭄᭞ᬢ᭄ᬓᭂᬤ᭄ᬤᬶᬢᬫᬦ᭄ᬲᬭᬶ᭞ᬢᬫ᭄ᬬᬸᬦᬾᬳᬸᬘᬧᬂ᭞ᬲᬸᬩᬗᬦ᭄ᬢ᭄ᬬᬂᬫᬧᬬᬲ᭄᭞ᬫᬗᬶᬮᭀᬤᬶᬳᬫ᭄ᬩᬾᬮᭀᬚᬶ᭞ᬦᬧ᭄ᬢᬧᬂᬫᬶᬫ᭄ᬩᬵ᭞ᬩᬕᬸᬲ᭄ᬧᬥᬘᬮᬶᬭᬶᬂ᭟
Kaca:Bali-lontar-gaguritan-ratmaja-300ppi.pdf/53
Kaca puniki sampun kauji-wacén
