[᭔ 4 B]
᭔
ᬗᬦ᭄᭞ᬧᬸᬗ᭄ᬓᬸᬃᬯᬯᬦᬶᬦ᭄ᬫᬮᬶᬄ᭟᭐᭟ᬧᬸᬧᬸᬄᬧᬗ᭄ᬓᬸᬃ᭟ᬭᬤᬾᬦ᭄ᬭᬢ᭄ᬫᬚᬵᬗᬦ᭄ᬤᬶᬓ᭞ᬲᬳᬲ᭄ᬫᬶᬢᬫᬸᬜᬶᬦᬾᬭᬸᬫ᭄ᬳᬫᬦᬶᬲ᭄᭞ᬬᬦ᭄ᬧᬓ᭄ᬱᬫᬸᬮᬶᬄᬫᬗ᭄ᬮᬳᬸᬢ᭄᭞ᬲᬶᬂᬜᬧ᭄ᬮᬶᬄᬤᬩ᭄ᬤᬩ
ᬦ᭄᭞ᬤᬾᬦᬶᬂᬫᬸᬮᬵ᭞ᬧᬔ᭄ᬬᬸᬦᬦ᭄ᬘᭀᬓᭀᬃᬭᬢᬸ᭞ᬤᬭᭀᬧᭀᬦ᭄ᬧᬘᬂᬗᬕᬾᬬᬂ᭞ᬦᬾᬂᬳᬲ᭄ᬬᬵᬫᬮᬸᬳᬮᬶᬄ᭟ᬚᬦᬶᬲᬸᬩᬫᬤᬩ᭄ᬤᬩᬦ᭄᭞ᬧᬘᬂᬫᬶᬩᭂᬃᬲᬂᬓᬵᬮᬶᬄᬳᬸᬫ
ᬩᬸᬕ᭄ᬮᬶᬲ᭄᭞ᬧᬓᭂᬜᬸᬭᬾᬮᬮᬶᬮᬦ᭄ᬤᬸᬄ᭞ᬭᬾᬄᬢ᭄ᬯᬓᬭ᭄ᬯᬦ᭄ᬧᬢᬲ᭄᭞ᬳᬤᬍᬄᬤᬾᬰᬲᬯᬢ᭄ᬲᬤᬮᬗᬸ᭞ᬲᬂᬓᬮᬶᬄᬦᭀᬕᬲ᭄ᬩᬗ᭄ᬲᭂᬳᬂ᭞ᬫᬾᬄᬧ᭄ᬭᬧ᭄ᬢᬵᬭᬶᬂᬰ᭄ᬭᬗ᭄ᬕᬦ᭄ᬤᬶᬭᬶ᭟ᬢᬸᬫᬸᬮᬶ
ᬭᬭᬶᬲ᭄ᬢᬫ᭄ᬥᬓ᭄᭞ᬮᬩ᭄ᬥᬓᬃᬬ᭄ᬬᬤᬶᬥᬦᬸᬰᬺᬗ᭄ᬕᬵᬯᬢᬶ᭞ᬦ᭄ᬫᭀᬦᬶᬦ᭄ᬧᬳᬘᬶᬤᬶᬢᬸ᭞ᬯᭀᬂᬤᬾᬰᬧᬥᬵᬢ᭄ᬓ᭞ᬤᬸᬮᬸᬃᬤᬸᬮᬸᬃ᭞ᬫᬗᬩᬵᬩᬩᬦ᭄ᬢᭂᬦ᭄ᬮ᭄ᬬ᭞ᬫ᭄ᬭᬾᬭᬾᬦ᭄ᬧᬥᬫᬗᬫ᭄ᬩ᭄ᬬᬃ
[᭕ 5 A]
ᬤᬶᬲᬶᬲᬶᬦ᭄ᬥᬳᬸᬦᬾᬓᬗᬶᬦ᭄᭟ᬭᬫᬾᬬᬧᬥᬫᬭᬭᬯᭀᬲᬦ᭄᭞ᬫᬦᬸᬢᬸᬭᬂᬢᬶᬗ᭄ᬓᬳᬾᬦᬾᬦᬾᬗᬸᬦᬶ᭞ᬤᬸᬓ᭄ᬳᬦᬓᬕᬸᬗᬾᬦᬸᬤᬸᬢ᭄᭞ᬧᬭᬧᬸᬢ᭄ᬭᬶᬦᬾᬳᬲ᭄ᬬ᭞ᬓᭀᬘᬧ᭄ᬤᬶᬦᬶ᭞ᬧ
ᬳᬶᬘ᭄ᬙᬦ᭄ᬳᬶᬤᬳ᭄ᬬᬂᬢᬸᬤᬸᬄ᭞ᬭᬤᬾᬦ᭄ᬭᬢ᭄ᬫᬚᬵᬯᬶᬚᬬ᭞ᬧ᭄ᬤᬲ᭄ᬩᬦ᭄ᬤᬦᬾᬫᬶᬭᬕᬶ᭟ᬫᬦᬸᬃᬭᬭᬶᬲ᭄ᬫᬗ᭄ᬤᬕᬡ᭞ᬫᬗᬯᬲᬂᬲᬦᬾᬧᬘᬂᬢ᭄ᬥᬸᬦᬶᬦ᭄᭞ᬭᬶᬂᬲᬓ᭄ᬱᬡᬵᬲᬕᬾᬢ᭄ᬭᬯᬸᬄ᭞ᬤᬶᬦᬵᬕᬭ
ᬢᬸᬫ᭄ᬥᬓ᭄᭞ᬫᬧᬯᬲᬦ᭄᭞ᬤᬶᬩᬢᬦ᭄ᬩᬜ᭄ᬘᬶᬗᬄᬳᬕᬸᬂ᭞ᬢ᭄ᬯᬭᬳᬤᬳᬦᬓ᭄ᬦᬯᬂ᭞ᬧ᭄ᬭᬢᬶᬗ᭄ᬓᬳᬶᬂᬚᬶᬫ᭄ᬰᬓ᭄ᬢᬶ᭟ᬤᬶᬧᬸᬭᬶᬚᬦᬶᬳᬸᬘᬧᬂ᭞ᬧᬭᬧᬸᬢ᭄ᬭᬶᬤᬶᬗᬃᬬ᭄ᬬᬦᬾᬕᬲᬫᬶ᭞ᬫᬧᬬᬲ᭄ᬧᬥᬵ
ᬫᬩ᭄ᬭᬶᬬᬸᬓ᭄᭞ᬳᬬᬢ᭄ᬚᬕᬓ᭄ᬱᬾᬗᬦ᭄᭞ᬳᬶᬤᬾᬯᬵᬕᬸᬂ᭞ᬳᬶᬲ᭄ᬢ᭄ᬭᬶᬤᬳᬵᬲᬦᬾᬫᬸᬗ᭄ᬕᬸᬄ᭞ᬧ᭄ᬭᬫᬸᬓᬵᬓᬢ᭄ᬯᬗᬶᬂᬭᬭᬲ᭄᭞ᬲᬭᬭᬲ᭄ᬢᭂᬓᬫᬦ᭄ᬢᭂᬲᬶ᭟ᬩᬬᬲᬂᬳ᭄ᬬᬂᬲ᭄ᬫᬭᬓᬤ᭄ᬬᬵ᭞ᬳᬫᬶᬡ᭄ᬥᬾᬂᬭᬵ
Kaca:Bali-lontar-gaguritan-ratmaja-300ppi.pdf/5
Kaca puniki sampun kauji-wacén
