[᭔᭓ 43 B]
᭔᭓
ᬫᬗ᭄ᬭᬲᭀᬲ᭄ᬲᬫ᭄ᬩᬶᬮ᭄ᬫᬚᬮᬦ᭄᭞ᬧᬥᬦᬓᭂᬄᬤᬶᬳᬢᬶ᭞ᬭᬯᭀᬲᬾᬩᬶᬲᬜ᭄ᬚ᭞ᬚᬦᬶᬧ᭄ᬤᬲ᭄ᬓᬯᭂᬤᬃ᭞ᬣᬸᬲᬂᬳ᭄ᬬᬂᬯᬶᬱ᭄ᬡᬸᬫᬸᬃᬢ᭄ᬢᬶ᭞ᬓᬾᬩᭂᬓᬶᬂᬦᬬ᭞ᬧᬗᬶᬦ᭄ᬤ᭄ᬭᬚᬮᬲᬦ᭄ᬤᬶ
᭟ᬧᬥᬩ᭄ᬮᬲ᭄ᬳᬕᬸᬦ᭄ᬢᬂᬢᭂᬓ᭄ᬫᬢᬦ᭄ᬤᬂ᭞ᬢᬗ᭄ᬓᭂᬧ᭄ᬦᬕᭂᬮᬂᬜᭀᬲᬮᬶᬦ᭄᭞ᬚᬚᭂᬍᬕ᭄ᬲᬫ᭄ᬧ᭄ᬢ᭞ᬧᬫᬸᬮᬸᬲᬤᬜᬦ᭄ᬤᬢ᭄᭞ᬓ᭄ᬫᬶᬓᬦ᭄ᬩᬶᬩᬶᬳᬾᬫᬦᬶᬲ᭄᭞ᬳᬲᬶᬦ᭄ᬲᬳᬾᬓ᭞ᬭᬶᬂᬲᬂᬮᬸᬗ᭄ᬳ
ᬗᬚᬯᬶ᭟ᬤᬥᬾᬅ᭄ᬳᭀᬓᬫᬗ᭄ᬮᬳᬸᬢ᭄ᬓᬲ᭄ᬫᬭᬩᬯ᭞ᬤᬥᬾᬅ᭄ᬭᬳᬶᬓᬭᬗ᭄ᬓᬶ᭞ᬦᬸᬚᬸᬮᬩ᭄ᬤᬓᬃᬬ᭄ᬬ᭞ᬓᬸᬫ᭄ᬧᬸᬮ᭄ᬤᬶᬢᬸᬫᬓ᭄ᬚᬂ᭞ᬳ᭄ᬦᬓᬕᬸᬂᬳᬕᬸᬂᬲᬫᬶ᭞ᬳᬶᬤᬾᬯᬕᬸᬂᬮᬦᬂ
᭞ᬲᬋᬂᬳᬶᬤᬾᬯᬕᬸᬂᬭᬳᬶ᭟ᬤᬥᬾᬅ᭄ᬕᬸᬦ᭄ᬢᬂᬫᭂᬧᭂᬲ᭄ᬳᬗ᭄ᬕᬵᬫᬢᬸᬃᬕ᭄ᬢᬃ᭞ᬭᬢᬸᬤᬾᬯᬕᬸᬂᬲᬫᬶ᭞ᬢᬶᬢ᭄ᬬᬂᬓᬤᬯᬸᬳᬦ᭄᭞ᬦᬸᬳᬸᬃᬘᭀᬓᭀᬃᬳᬶᬤᬾᬯ᭞ᬦᬸᬦᬲ᭄ᬓᬲᬸᬫ᭄ᬦᭂᬧ᭄ᬫᬗ᭄ᬓᬶᬦ᭄᭞
[᭔᭔ 44 A]
ᬳᬶᬤᬾᬯᬕᬸᬂᬮᬦᬂ᭞ᬓᭂᬜᭂᬫ᭄ᬜᭂᬫ᭄ᬜᭂᬃᬫᬗᬓ᭄ᬱᬶ᭟ᬮᬸᬢ᭄ᬫᬲᬳᬸᬢ᭄ᬳᬧᬲᬶᬚ᭄ᬜᭂᬗᬳᬤ᭞ᬳᬶᬕᬸᬦ᭄ᬢᬂᬫᬢᬸᬃᬲᬶᬲᬶᬧ᭄᭞ᬓᬾᬯᬮᬗᬢᬸᬭᬂ᭞ᬲᬦᬾᬤᬶᬢᬸᬫᬓ᭄ᬚᬂ᭞ᬳᬶᬤᬾᬯᬕᬸᬂᬮᬦᬂᬗ
ᬚᬶᬦᬶᬦ᭄᭞ᬓᬓᬫᬦ᭄ᬢ᭄ᬭᬶᬬᬦ᭄᭞ᬲ᭄ᬭᭀᬤ᭄ᬫᬫᬃᬕ᭄ᬕᬶᬲᬫᬶ᭟ᬭᬶᬲᬓ᭄ᬱᬡᬯᬸᬲ᭄ᬭᬯᬸᬄᬭᬶᬂᬓᬫᬵᬦ᭄ᬢ᭄ᬭᬶᬬᬦ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬶᬗᬓ᭄ᬱᬶ᭞ᬓ᭄ᬜᭂᬫᬗᬦ᭄ᬤᬶᬓ᭞ᬚᬮᬦ᭄ᬧᬥᬓᬲᬾᬗᬦ᭄᭞
ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭄ᬕᬶ᭞ᬜᬸᬦ᭄ᬤᬸᬓ᭄ᬳᬭᬶᬦ᭄ᬤ᭞ᬳᬶᬤᬾᬯᬵᬕᬸᬂᬕ᭄ᬥᬾᬗᬶᬭᬶᬂ᭟ᬕᬕᬗ᭄ᬲᬭᬦ᭄ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬬᬸᬦᬦ᭄᭞ᬫᬩ᭄ᬭᬶᬬᬸᬓ᭄ᬜᭂᬫ᭄ᬩᬄᬲᬫᬶ᭞ᬤᬤᬯᬸᬄᬫᬸᬗ᭄ᬕᬳᬦ᭄᭞ᬫᭂᬧᭂᬲ᭄ᬫᬫᬶᬢᬂ
ᬮᬸᬕ᭄ᬭ᭞ᬢᬗ᭄ᬓᬶᬮ᭄ᬫᬸᬗ᭄ᬕᬳᬦ᭄ᬲᬫᬶ᭞ᬳᬢᬢᬢᬢ᭞ᬳᬍᬧ᭄ᬓᬤᬶᬭᬶᬂᬢᬸᬮᬶᬲ᭄᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬗᬦ᭄ᬤᬶᬓ᭞ᬜᭀᬃᬦᬄᬚᬦᬶᬓᭂᬓᭂᬳᬶᬦ᭄᭞ᬳᬤᬶᬦᬾᬢᭀᬳᬚᬓ᭄᭞ᬩ
Kaca:Bali-lontar-gaguritan-ratmaja-300ppi.pdf/44
Kaca puniki sampun kauji-wacén
