[᭔᭒ 42 B]
᭔᭒
ᬳᬸᬢ᭄ᬫᬢᬸᬃᬳᬦᬓ᭄ᬤᬓᬮᬶᬄᬫᬯ᭄ᬓᬲ᭄᭞ᬚᬕᬧᬋᬓ᭄ᬦᬾᬫᬗ᭄ᬓᬶᬦ᭄᭞ᬳᬚᬶᬦ᭄ᬤᬓᬕ᭄ᬬᬢ᭄᭞ᬫᬶᬦᭂᬄᬤᬶᬚ᭄ᬭᭀᬦᬶᬂᬋᬥ᭞ᬳ᭄ᬦᭂᬂᬩ᭄ᬯᬢ᭄ᬕᬢᬶᬕᬢᬶ᭞ᬫᬢᬗᬶᬓᭀᬤᬮ᭄᭞ᬳᬶᬤᬾ
ᬯᬕᬸᬂᬳᬚᬶ᭟ᬭᬶᬂᬳᬫ᭄ᬩᬾᬦᬾᬫᬮᬶᬗ᭄ᬕᬶᬄᬲᬋᬂᬳᬭᬶᬦ᭄ᬤ᭞ᬳᬶᬤᬾᬯᬕᬸᬂᬲᬸᬫᬦ᭄ᬤᬶᬂᬳᬦᬓ᭄ᬤᬵᬲᬶᬦᬾᬗᬦ᭄᭞ᬫᬳᬶᬗ᭄ᬮᬳᬸᬢ᭄ᬫᭂᬦᬾᬓᬦ᭄᭞ᬫᬜᭂᬫ᭄ᬩᬄᬳᬦᬓ᭄ᬤᬓᬮᬶᬄ
᭞ᬭᬭᬶᬲ᭄ᬫᬸᬗ᭄ᬕᬳᬦ᭄᭞ᬲᬫ᭄ᬧᬸᬦ᭄ᬳᬶᬤᬫᬮᬶᬗ᭄ᬕᬶᬄ᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫᬗᭂᬦ᭄ᬤᬶᬓ᭞ᬢᬶᬦᬸᬢᬶᬂᬤ᭄ᬭᬶᬬᬵᬫᬦᬶᬲ᭄᭞ᬳᬧᬓᬮ᭄ᬳᭀᬭᬳᬂᬳᬦᬓ᭄ᬤᬵ᭞ᬫᭂᬧᭂᬲᬫᬜᭂᬫ᭄ᬩᬄ᭞ᬗᬢᬸ
ᬭᬂᬧᬧᬶᬦᭂᬄᬓᬮᬶᬄ᭞ᬲᬧᬭᬶᬓᬡ᭄ᬥᬵ᭞ᬢ᭄ᬮᬲ᭄ᬓᬳᬢᬸᬃᬲᬫᬶ᭟ᬳᬶᬤᬾᬯᬕᬸᬂᬳᬚᬶᬳᬭᬶᬲ᭄ᬳᬗᬦ᭄ᬤᬶᬓ᭞ᬯᭀᬄᬩ᭄ᬦᭂᬄᬕᬢᬶᬕᬢᬶ᭞ᬳᬶᬭᬳᭂᬗ᭄ᬲᬧ᭄ᬧᬶᬲᬦ᭄ᬧᬶᬲᬦ᭄᭞ᬫᬦᬶᬚ
[᭔᭓ 43 A]
ᬮᬦ᭄ᬤᬩ᭄ᬤᬩᬂ᭞ᬕᬳᬾᬦᬂᬢᬸᬮᬶᬲ᭄ᬤᬯᬸᬳᬶᬦ᭄᭞ᬳᬧᬗᬮ᭄ᬯᬲ᭄᭞ᬩᬋᬂᬓᬰᬺᬗ᭄ᬕᬵᬧᬸᬭᬶ᭟ᬲᬤᬮ᭄ᬬᬸᬭᬯᭀᬲᬾᬧᬲᬮᬶᬂᬢᬶᬫ᭄ᬩᬮ᭄᭞ᬓᬤᬯᬸᬄᬩᬸᬤᬮ᭄ᬓᬮᬶᬄ᭞ᬳ᭄ᬦᭂᬗᬂᬜ
ᬭᬶᬢᬬᬂ᭞ᬦᬾᬩ᭄ᬯᬶᬦ᭄ᬫᬦᬶᬳᬸᬘᬧᬂ᭞ᬳᬶᬤᬾᬯᬕᬸᬂᬳᬚᬶᬓᬢᬗ᭄ᬓᬶᬮ᭄᭞ᬧᭂᬧᭂᬓ᭄ᬧ᭄ᬭᬫᬜ᭄ᬘ᭞ᬘᭀᬓᭀᬃᬤ᭄ᬥᬭᬳᬶᬫᬓᬵᬤᬶ᭟ᬕᬸᬲ᭄ᬢᬶᬗᬸᬭᬄᬧ᭄ᬭᬩ᭄ᬓᭂᬮ᭄ᬫ᭄ᬯᬂᬩᬳᬸᬤᬡ᭄ᬥ᭞ᬫᬶᬯᬄᬧ
ᬭᬲᬸᬮᬶᬗ᭄ᬕᬶᬄ᭞ᬳᬢᬢᬧ᭄ᬭᬦᬫ᭄ᬬ᭞ᬧᬋᬓᬦ᭄ᬬᭀᬩᬦ᭄ᬩᬫ᭄ᬗ᭄ᬬᬵᬃ᭞ᬗᬦ᭄ᬤᬶᬓᬳᬶᬤᬾᬯᬕᬸᬂᬳᬚᬶ᭞ᬕᬦ᭄ᬢᭂᬂᬫᬚᬮᬦ᭄᭞ᬘᭂᬭᬶᬢᬓ᭄ᬘᭂᬭᬶᬓᬾᬳᬮᬶᬄ᭟ᬚᬓ᭄ᬢᬢ᭄ᬮᬫᬚᬮᬦ᭄ᬳᬧᬂᬤᬓᬤᬵ
ᬢ᭄᭞ᬳᬤᬧᬘᬂᬓᭂᬜ᭄ᬘᬦᬶᬦ᭄᭞ᬳᬶᬩᬸᬗ᭄ᬩᬂᬗᭂᬳᭂᬤᬂ᭞ᬳᬶᬕᬸᬦ᭄ᬢᬂᬫᭂᬧᭂᬲ᭄ᬳᬗ᭄ᬕ᭞ᬳᬶᬢ᭄ᬭᬸᬧ᭄ᬫᬢᬸᬃᬲᬳᬶᬭᬶᬂ᭞ᬮᬳᬸᬢ᭄ᬫᬚᬳᬦ᭄᭞ᬲᬸᬩᬫᬗ᭄ᬮᬶᬦ᭄ᬢᬂᬓᭀᬭᬶ᭟ᬲᬮᬶᬂᬢᭀᬮᬶᬄ᭠
Kaca:Bali-lontar-gaguritan-ratmaja-300ppi.pdf/43
Kaca puniki sampun kauji-wacén
