[᭓᭘ 38 B]
᭓᭘
ᬮ᭞ᬯᬶᬃᬬ᭄ᬬᬢᬦ᭄ᬓᬸᬭᬗᬦ᭄ᬪᬸᬓ᭄ᬢᬶ᭞ᬭᬢᬸᬩᬕᬸᬲ᭄᭞ᬭᬳᬶᬓᭀᬘᬧ᭄ᬫᬢᬸᬃᬕ᭄ᬢᬃ᭟ᬢᬶᬗ᭄ᬓᬳᬾᬜᬮᬦᬂᬮ᭄ᬯᬲ᭄᭞ᬫᬗ᭄ᬮᬫᬃᬓᬰᬺᬗ᭄ᬕᬵᬧᬸᬭᬶ᭞ᬧᬢ᭄ᬧᬢ᭄ᬓᬂᬧᬶᬦᬓᬵᬤᬸᬢ᭞ᬢ᭄ᬮᬲ᭄ᬓ
ᬧᬶᬤᬃᬢ᭄ᬣᬲᬫᬶ᭞ᬳᬶᬤᬲᬂᬯᬶᬭᬓᬮᬶᬄ᭞ᬮᬾᬤᬂᬓᬬᬸᬦᬾᬓᬤᬸᬭᬸᬲ᭄᭞ᬮ᭄ᬯᬶᬃᬓᬳᬸᬤᬦᬦ᭄ᬫᬺᬢ᭄ᬢ᭞ᬓ᭄ᬜᭂᬫ᭄ᬫᬗᬦ᭄ᬤᬶᬓᬳᬭᬶᬲ᭄᭞ᬤᬾᬦ᭄ᬢᬸᬫᬸᬮᬸᬲ᭄᭞ᬳᬲᬶᬳᬶᬂᬯᭀᬂᬓᬲᬶᬳᬃᬣᬵ
᭟ᬯᬢᭂᬓ᭄ᬚᬶᬫ᭄ᬧᬲᬮᬶᬂᬢᬶᬫ᭄ᬩᬮ᭄᭞ᬕᬦᬮ᭄ᬳᬢᬸᬭᬾᬧᬤᭂᬗ᭄ᬓᬶᬓ᭄᭞ᬭᬢᬸᬲᬫ᭄ᬧᬸᬦ᭄ᬲᬸᬫᬦ᭄ᬤᬾᬬ᭞ᬢᬶᬢ᭄ᬬᬂᬘᬃᬯᬂᬤᬤᬭᬶᬦ᭄᭞ᬬᬤᬶᬦ᭄ᬫᬧᬲᬶᬄᬕ᭄ᬢᬶᬄ᭞ᬢᬶᬢ᭄ᬬᬂᬓ᭄ᬭᭀᬩᭀᬓᬶᬧᬸᬦ᭄ᬭᬢᬸ
᭞ᬭᬫᭂᬲ᭄ᬧᬲᬮᬶᬂᬢᬶᬫ᭄ᬩᬮ᭄᭞ᬓᬮᬗᬦ᭄ᬳᬤᬗᬢᬸᬭᬶᬦ᭄᭞ᬭᬤᬾᬦ᭄ᬲᬹᬃᬬ᭄ᬬ᭞ᬤᬶᬦᬵᬣᬦᬸᬳᬸᬃᬜᬮᬦᬂ᭟ᬩᬸᬩᬃᬲᬓᬶᬂᬢᬫᬦ᭄ᬲ᭄ᬓᬃ᭞ᬗᬋᬤᭂᬕ᭄ᬭᬭᬶᬲ᭄ᬓᬧᬸᬭᬶ᭞ᬭᬳᬤᬾ᭠
[᭓᭙ 39 A]
᭓᭙
ᬦ᭄ᬲᬸᬃᬬ᭄ᬬᬵᬤᬶᬦᬵᬣ᭞ᬭᬶᬂᬬᬰᬓᭂᬫ᭄ᬩᬂᬢᬶᬦᬗ᭄ᬓᬶᬮ᭄᭞ᬢ᭄ᬩᭂᬂᬯᬢᭂᬓ᭄ᬚᬶᬫ᭄ᬮᬶᬗ᭄ᬲᬶᬃ᭞ᬳᬢᬢᬢᬢᬳᬮᬸᬗ᭄ᬕᬸᬄ᭞ᬲᬕᬾᬢ᭄ᬫᬕᬕᬺᬤᭂᬕᬦ᭄᭞ᬘᭀᬓᭀᬃᬭᬢᬸᬭᬯᬸᬲ᭄᭞ᬢᬗ᭄ᬓᬶᬮᬦᬾ
᭞ᬢ᭄ᬥᬸᬦ᭄ᬤᬶᬦᬢᬳᬾᬳᬢᬧ᭄᭟ᬭᬳᬤᬾᬦ᭄ᬲᬸᬃᬬ᭄ᬬᬤᬶᬦᬵᬣ᭞ᬫᬜᭂᬫᬓ᭄ᬲᬂᬯᬶᬭᬓᬮᬶᬄ᭞ᬗᬢᬸᬭᬶᬦ᭄ᬫᬗ᭄ᬤᬫᬸᬗ᭄ᬕᬳᬦ᭄᭞ᬢᬸᬫᬸᬮᬶᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬯᬢᭂᬓ᭄ᬚᬶᬫ᭄ᬫᭂᬢ᭄ᬯᬵᬗᬶᬭᬶᬂ᭞
ᬤᬶᬤᬸᬳᬸᬃᬳᬢᬧ᭄ᬫᬮᬸᬗ᭄ᬕᬄ᭞ᬲᬓᬜ᭄ᬘᬦ᭄ᬧᬭᬧᬸᬢ᭄ᬭ᭞ᬤᬶᬦᬢᬄᬗᬤᬾᭂᬧᬾᬂᬲᬶᬣ᭞ᬭᬤᬾᬦ᭄ᬲᬸᬃᬬ᭄ᬬᬵ᭞ᬤᬶᬧ᭄ᬭᬪᬸᬫᬘ᭄ᬩᬾᬃᬕ᭄ᬢᬃ᭟ᬭᬢᬸᬢᬶᬢ᭄ᬬᬂᬗᬫᬃᬕ᭄ᬕ᭄ᬬᬂ᭞ᬲᬫ᭄ᬧᬸᬦ᭄ᬓᬰᬺᬗ᭄ᬕᬵᬦᬵᬕ
ᬭᬶ᭞ᬧᬸᬧᬸᬢ᭄ᬲᬸᬩᬓᬧᬶᬤᬃᬣ᭞ᬲᬕᬾᬢᬦ᭄ᬤᬸᬢᬦᬾᬧ᭄ᬭᬧ᭄ᬢᬶ᭞ᬫᬓᭂᬲ᭄ᬬᬃᬲᬋᬂᬲᬫᬶ᭞ᬲᬂᬧ᭄ᬭᬧ᭄ᬢᬩᬶᬗᬃᬫᬢ᭄ᬭᬸᬄ᭞ᬕ᭄ᬮᬶᬲ᭄ᬓᬤᬯᬸᬄᬫᬸᬗ᭄ᬕᬄ᭞ᬦᬸᬦᬲ᭄ᬮᬸᬕ᭄ᬭᬯᬸᬲ᭄ᬫᬮᬶᬗ᭄ᬕᬶᬄ᭞ᬭᬤᬾᬦ᭄ᬯᬶᬦ᭄᭞ᬤ
Kaca:Bali-lontar-gaguritan-ratmaja-300ppi.pdf/39
Kaca puniki sampun kauji-wacén
