[᭓᭖ 36 B]
᭓᭖
ᬧᬘᬂᬫᬫᬤᬶᬓ᭄᭞ᬧᬗ᭄ᬮᬫᬃᬲᬗ᭄ᬓᬾᬦᬶᬦ᭄ᬩᬧ᭞ᬭᬾᬄᬲᬸᬩᬗᬸᬦ᭄ᬤᬂᬪᬸᬧᬢᬶ᭞ᬓᬾᬯᬮᬫᬗᬢᬸᬭᬶᬦ᭄᭞ᬢ᭄ᬥᬸᬦ᭄ᬫᬗ᭄ᬤᬾᬦ᭄ᬭᬯᬸᬄ᭞ᬤᬶᬲᬸᬩᬦᬶᬂᬤᬾᬯᬰ᭞ᬧᬲᬾᬯᬫ᭄ᬩᬭᬩᬋᬗᬶᬦ᭄᭞ᬧ
ᬭᬭᬢᬸ᭞ᬲᬦᬾᬓᬧᬶᬦᬂᬫᬓ᭄ᬚᬂ᭟ᬓᬮᬶᬄᬲᬂᬱᬶᬦᬓᬵᬲᬸᬢᬵ᭞ᬧᬶᬲᬺᬂᬩᬧᬦᬶᬦᬗᬶᬦ᭄᭞ᬫᬗ᭄ᬤᬵᬳᬶᬤᬧᬥᬦᬯᬂ᭞ᬧᭀᬮᬦᬾᬫᬳᬩᬫᬳᬶ᭞ᬦᬾᬧᬸᬢ᭄ᬭᬾᬂᬓᬤᬶᬭᬶ᭞ᬕ
ᬕ᭄ᬮᬂᬘᬶᬦᬶᬢ᭄ᬭᬢᬸᬳᬸ᭞ᬩᬦ᭄ᬓᬚᭀᬳᬦ᭄ᬦᬵᬕᬭ᭞ᬓ᭄ᬭᬡᬧᭀᬢ᭄ᬭᬾᬢ᭄ᬫᬩᬫᬳᬶ᭞ᬬᬦ᭄ᬲᬶᬧᬶᬦ᭄ᬤ᭞ᬢ᭄ᬯᬭᬤᬳᬤᬕᬕ᭄ᬭᬓᬦ᭄᭟ᬳᬶᬤᬧᬥᬲᬮᬄᬢᬸᬗ᭄ᬕᬮ᭄᭞ᬢ᭄ᬯᬭᬧᬘᬂᬗᬤ᭄ᬬ
ᬦᬶᬦ᭄᭞ᬜᬮᬶᬢ᭄ᬤᬓᭀᬳᬶᬤᬢ᭄ᬓᬵ᭞ᬩᬦᭂᬚᭀᬳᬾᬢᬦ᭄ᬲᬶᬦᬶᬧᬶ᭞ᬲᭂᬧᬶᬲᬶᬂᬤᬳᬸᬄᬳ᭄ᬯᬶᬄ᭞ᬧᬫᬸᬜᬶᬦᬸᬢᬸᬲᬦ᭄ᬩᬯᬸ᭞ᬦᬓᬕᬸᬂᬳᬬᬸᬗᬸᬭᬄ᭞ᬕ᭄ᬢᬃᬫᬢ᭄ᬭᬸᬄᬫᬥᬸᬕᭂᬡ᭄ᬥᬶᬲ᭄᭞᭠
[᭓᭗ 37 A]
ᬜᭂᬤᭂᬢ᭄ᬫᬢᬸᬃᬧᭀᬮᬦᬾᬧᬫᬶᬢᬂᬢᬶᬢ᭄ᬬᬂ᭟ᬲᬫ᭄ᬧᬸᬦᬂᬫᬮᬶᬦᬸᬮᬓᬂ᭞ᬫᬗ᭄ᬤᬳᬕᬾᬫᬗ᭄ᬭᬯᬸᬳᬶᬦ᭄᭞ᬲᬂᬓᬮᬶᬄᬫᬦᬫ᭄ᬩᬢ᭄ᬧᭀᬮ᭞ᬲᬂᬧ᭄ᬭᬪᬸᬓᬳᭀᬤᬮ᭄ᬭᬭᬶᬲ᭄᭞
ᬓᬩᬜ᭄ᬘᬗᬄᬓᬢᬗ᭄ᬓᬶᬮ᭄᭞ᬧᬸᬢᬸᬲᬦ᭄ᬲᬸᬩᬓᬢᬸᬯᬸᬃ᭞ᬭᬶᬲᬓ᭄ᬱᬡᬯᬸᬲ᭄ᬧ᭄ᬭᬧ᭄ᬢᬵ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬵᬕᬭᬶᬲ᭄᭞ᬲᬤᬗᭂᬳᭂᬤ᭄᭞ᬳᬶᬗ᭄ᬕᬶᬄᬲᬂᬧᬶᬦᬓᬤᬸᬢ᭟ᬲᬦᬾᬫᬗ᭄ᬓᬶ
ᬦ᭄ᬤᬾᬯᬢᬸᬮᬓ᭄᭞ᬫᬗ᭄ᬕᬾᬳᬕᬾᬫᬗ᭄ᬭᬯᬸᬳᬶᬦ᭄᭞ᬲᬂᬫᬓᬵᬮᬶᬳᬶᬗ᭄ᬕᬾᬂᬘᬶᬢ᭄ᬭ᭞ᬧᬸᬧᬸᬢ᭄ᬓᬧᬶᬯᬃᬣᬲᬫᬶ᭞ᬫᭂᬍᬲᬢ᭄ᬧᬥᬳᬸᬫᬩᬸᬃ᭞ᬢ᭄ᬯᬭᬤᬳᬦᬓ᭄ᬦᬯᬂ᭞ᬢᬶᬗ᭄ᬓᬳᬾᬫᬓ᭄ᬩᬸᬃᬕ᭄ᬮᬶᬲ᭄᭞
ᬦᭂᬗᬓ᭄ᬦᬵ᭞ᬤᬶᬧᬸᬭᬩ᭄ᬯᬶᬦ᭄ᬘᬭᬶᬢᬬᬂ᭟ᬧ᭄ᬭᬧᬸᬢ᭄ᬭᬶᬓᬢᬭᬾᬂᬜᬶᬗᬓ᭄᭞ᬮᬾᬤᬗᬾᬢᬦ᭄ᬲᬶᬧᬶᬲᬶᬧᬶ᭞ᬳᬫᬬᬵᬫᬬᬵᬓᬂᬘᬶᬢ᭄ᬭ᭞ᬕᬶᬦᬫᭂᬮ᭄ᬕᬶᬦᬦ᭄ᬢᬶᬕᬦ᭄ᬢᬶ᭞ᬲᬓ᭄ᬱᬡᬧᬥ
Kaca:Bali-lontar-gaguritan-ratmaja-300ppi.pdf/37
Kaca puniki sampun kauji-wacén
