Kaca:Bali-lontar-gaguritan-ratmaja-300ppi.pdf/29

Saking Wikisource
Kaca puniki sampun kauji-wacén

[᭒᭘ 28 B]
᭒᭘
ᬍᬜᭂᬳ᭄ᬫᬦᬶᬲ᭄᭞ᬗᬮᬧ᭄ᬚᬶᬯᬵ᭞ᬫᬾᬦᬓᬵᬕᬸᬂᬲᬬᬂ᭞ᬳᬫ᭄ᬧᬸᬭᬧᬜ᭄ᬚᬓ᭄ᬳᬶᬤᬾᬯ᭞ᬢᬦᬸᬳᬶᬧᬸᬦ᭄ᬮᬸᬘᬸ᭞ᬫᬗᭂᬲᬾᬗᬶᬦ᭄‌ᬓᬕᬸᬂᬫᬭᬶᬓᬶ᭞ᬳᬄᬳᭀᬳᭀᬦ᭄ᬧᬶᬲᬦ᭄ᬧᬶᬲᬦ᭄᭞
ᬧ᭄ᬗᭂᬂᬮᬶᬦᬸᬤᬶᬦᬶᬗᬸᬄ᭞ᬳᬓᬾᬢᭀᬧᬫᬸᬜᬶᬦ᭄ᬲᬭᬢ᭄᭞ᬦᬾᬳᬢᬸᬭᬂ᭞ᬳᬶᬘ᭄ᬬᬮ᭄‌ᬫᬦᬫ᭄ᬧᬶᬢᬸᬮᬶᬲ᭄᭞ᬫᬚᬮᬦ᭄ᬕᬕᬗ᭄ᬲᬭᬦ᭄᭟ᬫᬭᬢ᭄ᬓᭂᬤ᭄‌ᬤᬶᬩᬮᬾᬫᬵᬲ᭄ᬓᭂᬜᬶᬂ᭞ᬫᬗ
ᬢᬸᬭᬂ᭞ᬳᬶᬤᬾᬯᬕᬸᬂᬧᬸᬢ᭄ᬭ᭞ᬯᬸᬲ᭄ᬧᬸᬧᬸᬢ᭄ᬫᬯᭀᬲ᭄ᬲᬸᬭᬢᬾ᭞ᬓ᭄ᬜᭂᬫ᭄ᬗᬦ᭄ᬤᬶᬓᬳᬮᬸᬲ᭄᭞ᬩ᭄ᬘᬢ᭄ᬲᬩᬸᬓ᭄‌ᬚ᭄ᬫᬓᬂᬓᬳᬶ᭞ᬭᬭᬶᬲ᭄ᬳᬶᬤᬢ᭄ᬥᬸᬦᬦ᭄᭞ᬳᬶᬓᭂᬘ᭄ᬬᬮ᭄ᬦᬸᬢᬸᬕ᭄᭞ᬲᬸᬩᬫᬦᬶ
ᬓᬸᬮ᭄ᬩᬩᬲᬅ᭄᭞ᬲᬤᬕᬗ᭄ᬲᬃ᭞ᬳᬶᬤᬾᬯᬕᬸᬂᬲᬸᬩᬗ᭄ᬭᬜ᭄ᬚᬶᬂ᭞ᬕ᭄ᬮᬶᬲ᭄ᬓᬩᬮᬾᬓᬨᬮ᭄᭟ᬘᭀᬓᭀᬃᬭᬢᬸᬜᭂᬜᭂᬃᬫᬢ᭄ᬭᬸᬄᬕᭂᬡ᭄ᬥᬶᬲ᭄᭞ᬩᬸᬫᬜᬶᬗᬓ᭄᭞ᬳᬶᬤᬾᬯᬕᬸᬂᬧᬸᬢ᭄ᬭᬵ
[᭒᭙ 29 A]
ᬫᬕᭂᬩ᭄ᬬᬸᬕ᭄ᬮᬸᬢ᭄ᬤᬶᬲᬶᬲᬶᬦᬾ᭞ᬲᭀᬢᬦᬾᬂᬚᬬᬾᬂᬧ᭄ᬗ᭄ᬭᬸᬲ᭄᭞ᬧᬰ᭄ᬘᬢ᭄ᬯᬕᭂᬤ᭄‌ᬫᭂᬢᬸᬫᭂᬢᬸᬲᬶᬄ᭞ᬗᬮᬧ᭄ᬫᬡᬶᬓᬶᬂᬳ᭄ᬭᬤ᭄ᬥᬬ᭞ᬲᬃᬯ᭄ᬯᬶᬫᬸᬭᬸᬢ᭄ᬳᬸᬭᬸᬢ᭄᭞ᬦᭂᬲᭂᬓ᭄ᬧᬶᬧᬶᬫᬗᬦ᭄ᬤᬶᬓᬵ᭞ᬩᬶᬄ
ᬳᬯᬓᬾ᭞ᬜᬬᬗᬂᬚᬳ᭄ᬬᬂᬚᬦᬶ᭞ᬦᬄᬳᬓᬸᬢᬢ᭄ᬯᬶᬬᬦ᭄᭟ᬘᭀᬓᭀᬃᬭᬢᬸᬓ᭄ᬜᭂᬫ᭄ᬦᬶᬫ᭄ᬗᬮ᭄ᬳᬭᬶᬲ᭄᭞ᬫᭂᬫ᭄ᬩᬄᬕᬸᬮ᭞ᬫᬾᬦᬓ᭄ᬳᬕᬸᬂᬲᬬᬂ᭞ᬗᬸᬤᬢᬦ᭄ᬲᭂᬗ᭄ᬓᬵᬓᬳ᭄ᬬᬸᬦᬾ᭞
ᬭᬾᬄᬲᬸᬩᬳᭀᬜᬓᬢᬸᬃ᭞ᬳᬧᬧᬘᬂᬳᬗ᭄ᬕᭀᬦ᭄ᬗᭂᬦ᭄ᬢᬶᬦᬶᬦ᭄᭞ᬦᬾᬢᬸᬳᬸᬦ᭄ᬲᬸᬩᬧ᭄ᬭᬕᬢ᭄᭞ᬫᬾᬢᬾᬮ᭄ᬦᬸᬗ᭄ᬓᭂᬓ᭄ᬢ᭄ᬭᬸᬲ᭄᭞ᬦ᭄ᬓᭂᬤ᭄ᬓᬲᬧ᭄ᬢᬧᬢᬮ᭞ᬲᬦᬾᬗᬸᬃᬤ᭄ᬥ᭞ᬤᬸᬤᬸᬕ᭄ᬢᭀᬂ
ᬩᬓᬢ᭄ᬓᭂᬦᭂᬳᬶᬦ᭄᭞ᬗᬮᬶᬯᬢᬶᬦ᭄‌ᬪᬸᬃᬪ᭄ᬯᬄᬲ᭄ᬯᬄ᭟ᬦᬾᬧᭂᬗ᭄ᬓᬸᬂᬢ᭄ᬯᬭᬫᬗᬸᬕᭀᬦᬶᬦ᭄᭞ᬳᬢᬸᬃᬧᬜ᭄ᬚᬓ᭄᭞ᬪᬓ᭄ᬢᬶᬢᬦ᭄ᬓᬧᬮᬂ᭞ᬳᬶᬤᬾᬯᬕᬸᬂᬫᬲᬲᬸᬢ᭄ᬳᬭᬶᬲ᭄᭞ᬦᬄᬦᬄ