[᭒᭖ 26 B]
᭒᭖
ᬓᬃᬫ᭄ᬫᬦᬾᬭᬶᬂᬗᬸᬦᬶ᭞ᬢᭀᬂᬤᬤᬶᬳᬸᬮᬄᬓᭂᬮᬶᬤᬂ᭞ᬳᬶᬓᭂᬲ᭄ᬬᭂᬕ᭄ᬓᭂᬜᭂᬫ᭄ᬫᬫᬸᬜᬶ᭞ᬲᬵᬤᬫᬲᬯᬂᬚᬳᬶᬮ᭄᭞ᬦᬗ᭄ᬳᬶᬂᬧᬘᬸᬅ᭄ᬩᬦ᭄ᬫᬦᬩᬸᬄ᭞ᬬᬦ᭄ᬧᬤᬾᬳ᭄ᬬᬂᬓ᭄ᬫᬵ᭞ᬚ᭄ᬦᭂᬂᬤᭂᬫᭂ
ᬦᬦ᭄ᬫᬩᬮᬶᬄ᭞ᬳᬶᬤᬾᬯᬕᬸᬂ᭞ᬭᬳᬶᬫᬶᬗᬶᬲ᭄ᬫᬗᬦ᭄ᬤᬶᬓᬵ᭟ᬢᭀᬢᬾᬗᬸᬤ᭄ᬬᬂᬢᬯᬄᬢᬯᬄ᭞ᬫᬦᬕᬶᬄᬓ᭄ᬫᬫᬩᬮᬶᬄ᭞ᬳᬯᬓ᭄ᬚᭂᬮᬧ᭄ᬓᬸᬦ᭄ᬤᬗᬦ᭄᭞ᬧᬘᬂᬫᬳᬾᬤᬾᬗᬦ᭄ᬧᬸᬢ᭄ᬭᬶ᭞ᬤᬶ
ᬢᬸᬮᬳᬸᬢ᭄ᬳᬧᬶᬓᬶᬦ᭄᭞ᬢᬗ᭄ᬓᭂᬧᬾᬳᬧᬂᬧᬳᬸᬢ᭄᭞ᬭᬭᬲᬂᬫᬗ᭄ᬤᬾᬫ᭄ᬮᬄ᭞ᬳᬶᬤᬾᬯᬕᬸᬂᬧᬸᬢ᭄ᬭᬓ᭄ᬜᬶᬂ᭞ᬫᬗᭂᬦ᭄ᬤᬶᬓᬵ᭞ᬫᬶᬭᬶᬩ᭄ᬗᭂᬲᭀᬃᬥᬂᬥᬂᬕᬸᬮ᭟᭐᭟ᬧᬸᬧᬸᬄᬥᬂᬥᬂᬕᬸᬮ᭟ᬳᬭᬄᬢ᭄ᬬᬂ
ᬳᬾᬫᭂᬂᬕᬢᬶᬕᬢᬶ᭞ᬫᬃᬫ᭄ᬫᬤᬳᬢ᭄᭞ᬢᬶᬢ᭄ᬬᬂᬫᬗᭂᬦᭂᬳᬂ᭞ᬢ᭄ᬓᬾᬦ᭄ᬢᭀᬧᬭᬧᬸᬢ᭄ᬭᬶᬦᬾ᭞ᬧᬘᬂᬧᭂᬲᬸᬜᬮᬸᬓ᭄ᬱᬸᬓ᭄᭞ᬧᬢᬶᬲ᭄ᬳᭂᬩ᭄ᬗᬯᬲ᭄ᬩ᭄ᬮᬶᬯᬢᬶᬦ᭄᭞ᬦᬾᬩᬓᬮ᭄ᬳᬗ᭄ᬕᭀᬦ᭄ᬲᭀ᭠
[᭒᭗ 27 A]
ᬫᬄ᭞ᬢᬸᬲᬶᬂᬓᬾᬬᬳᬶᬩᬸᬓ᭄᭞ᬫᬓᬤᬶᬦᬾᬮᬦ᭄ᬘᬶᬢ᭄ᬢ᭞ᬧᬘᬂᬫᬧᬲ᭄᭞ᬧ᭄ᬭᬭᬢᬸᬧᬥᬧᬳᭂᬗ᭄ᬓᬶᬓ᭄᭞ᬧᬗᬓ᭄ᬗᬓ᭄ᬓ᭄ᬭᬸᬭᬓᬭᬵ᭟ᬳᬶᬤᬾᬯᬕᬸᬂᬭᬳᬶᬫᬢᬸᬃᬳᬭᬶᬲ᭄᭞ᬗᬸᬤᬦᬾᬦ᭄ᬢᭂ
ᬦ᭄᭞ᬬᬦ᭄ᬫᬦᬳᬂᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬓᬮᬶᬦ᭄ᬢᬂᬳᬚ᭄ᬭᬶᬳᬾ᭞ᬳᬶᬤᬾᬯᬕᬸᬂᬮᬦᬂᬦᭂᬫ᭄ᬩᬂ᭞ᬢ᭄ᬓᬩᬦᬶᬢ᭄ᬬᬂᬦᬶᬤᭀᬗᬶᬦ᭄᭞ᬬᬦ᭄ᬢ᭄ᬯᬭᬕᬕᬢ᭄ᬭᬦ᭄᭞ᬢᭂᬍᬩ᭄ᬧᬘᬂᬜᬸᬫ᭄ᬧᬸ᭞ᬓᬳᬸᬦ᭄ᬤ
ᬗᬂᬧᬭᬦᬵᬣ᭞ᬢᭀᬤᬶᬓᬧᬦ᭄᭞ᬧᬬᬸᬗᬸᬦ᭄ᬤᬂᬢ᭄ᬓᭂᬤ᭄ᬫᬳᬶ᭞ᬳᬶᬓᭂᬲ᭄ᬬᭂᬕ᭄ᬫᬜᭂᬩᬾᬭᬂ᭟ᬜᬦ᭄ᬲᬶᬄᬳᬶᬩᬵᬧᬜ᭄ᬚᬓ᭄ᬘ᭄ᬭᬶᬓᬮᬶᬄ᭞ᬩ᭄ᬮᬶᬂᬧᬭᬄ᭞ᬓᬲᬸᬫ᭄ᬦᭂᬧᬾᬗ᭄ᬕᬮ᭄᭞ᬳᬶ᭠
ᬬᬲ᭄ᬢ᭄ᬭᬓᬮᬶᬲ᭄ᬢᬗ᭄ᬓᭂᬧᬾ᭞ᬜᬸᬫ᭄ᬩᬄᬫᬚᬮᬦ᭄ᬮᬳᬸᬢ᭄᭞ᬲᬓ᭄ᬱᬡᬓᬕᬾᬢ᭄ᬫᬯᬮᬶ᭞ᬫᭂᬧᭂᬲ᭄ᬜᬸᬫ᭄ᬩᬄᬢᬸᬭᬂ᭞ᬓᭀᬘᭀᬧ᭄ᬘᭀᬓᭀᬃᬭᬢᬸ᭞ᬳᬶᬤᬲᬶᬋᬧ᭄ᬯᬗᬸᬧᬶᬲ