[᭒᭓ 23 B]
᭒᭓
᭞ᬭᬢᬸᬢᬶᬢ᭄ᬬᬂᬓᬾᬦ᭄ᬓᬾᬦᬶᬧᬸᬦ᭄᭞ᬚᬕᬫᬢᬸᬃᬮᬶᬸᬗ᭄ᬮᬭᬧᬂ᭞ᬲ᭄ᬯᬓᬃᬬ᭄ᬬᬦᬶᬧᬸᬦᬾᬯ᭄ᬬᬓ᭄ᬢᬶ᭞ᬚᬕᬶᬦᬸᬳᬸᬃ᭞ᬘᭀᬓᭀᬃᬳᬶᬤᬾᬯᬲᬫ᭄ᬬᬦ᭄᭟ᬓᭀᬘᬧ᭄ᬗ᭄ᬯᬗᬸᬦ᭄ᬲᬾᬯᬫ᭄ᬩᬭ
᭞ᬫᬤ᭄ᬯᬾᬧ᭄ᬬᬦᬓ᭄ᬮᬸᬄᬲᬫᬶ᭞ᬳ᭄ᬲ᭄ᬬᬭᬢᬸᬧᬸᬦᬶᬓᬵ᭞ᬓᬸᬡ᭄ᬥᬗᬦ᭄ᬧ᭄ᬭᬢᬸᬫᬗ᭄ᬓᬶᬦ᭄᭞ᬭᬹᬧᬦᬾᬓᭀᬘᬧ᭄ᬩ᭄ᬘᬶᬓ᭄᭞ᬳᬶᬤᬾᬯᬕᬸᬂᬗᬦ᭄ᬤᬶᬓᬳᬮᬸᬲ᭄᭞ᬩᬲ᭄ᬓᬚᬳᬦ᭄ᬦᬕ
ᬭ᭞ᬢ᭄ᬓᬳᬾᬫᭂᬂᬳ᭄ᬯᬗᭂᬦᭂᬳᬶᬦ᭄᭞ᬧ᭄ᬤᬲ᭄ᬮᬘᬸᬃ᭞ᬬᬫᬳᬶᬦᭀᬦ᭄ᬤᬾᬦ᭄ᬫᬗᬸᬦ᭄ᬤᬂ᭟ᬓᭀᬃᬤ᭄ᬥᬭᬳᬶᬫᬢᬸᬃᬕ᭄ᬢᬃ᭞ᬩ᭄ᬘᬶᬓᬦᬶᬧᬸᬦᭂᬦᬾᬗᬶᬦ᭄᭞ᬫᬗ᭄ᬤᬵᬳᬶᬧᬸᬦᬸᬦᬶᬂᬓᬩᬃ᭞ᬳᬶᬤᬾᬯᬕᬸᬂᬗᭂᬦ᭄ᬤᬶ
ᬓᬵᬳᬭᬶᬲ᭄᭞ᬦᬄᬓ᭄ᬫᬵᬳᬶᬜ᭄ᬘᬃᬳᬮᬶᬄ᭞ᬘ᭄ᬭᬶᬓ᭄ᬘ᭄ᬭᬶᬓᬾᬧᬥᬮᬳᬸᬢ᭄᭞ᬳᬶᬕ᭄ᬬᭀᬃᬮᬦ᭄ᬳᬶᬩᬸᬓᬢ᭄ᬳᬶᬕ᭄ᬢᬃᬫᬓ᭄ᬚᬂᬳᬮᬶᬄ᭞ᬤᬥᬾᬅ᭄ᬳᭀᬓ᭞ᬫᭂᬧᭂᬲ᭄ᬗᬶᬭᬶᬂᬧᬓᬳ᭄ᬬᬸ
᭒᭔ 24 A]
ᬦ᭄᭟ᬗ᭄ᬭᭀᬚᭀᬕ᭄ᬮᬯᬸᬢ᭄ᬓᬫᬦ᭄ᬢ᭄ᬭᬶᬬᬦ᭄᭞ᬗᬢᬸᬭᬶᬦ᭄ᬳᬶᬤᬾᬯᬕᬸᬂᬲᬫᬶ᭞ᬓᭂᬜ᭄ᬚᭂᬓᬦ᭄ᬤᬶᬢᬸᬫᬓ᭄ᬚᬂ᭞ᬲᬸᬩᬵᬫᬧᬶᬤᬃᬣᬕ᭄ᬮᬶᬲ᭄᭞ᬓᬲ᭄ᬫᬭᬪᬯᬗ᭄ᬭᬜ᭄ᬚᬶᬂ᭞ᬳᬶᬤᬾᬯᬵ
ᬕᬸᬂᬕ᭄ᬥᬾᬫᬮᬸᬗ᭄ᬕᬸᬄ᭞ᬳᬢ᭄ᬭᬸᬧ᭄ᬩᬦᬶᬗᬬᬂ᭞ᬓᬤᬯᬸᬄᬧᬘᬂᬗᬢᬸᬭᬶᬦ᭄᭞ᬳᬶᬤᬾᬯᬕᬸᬂ᭞ᬢ᭄ᬥᬸᬦᬦ᭄ᬭᬭᬶᬲ᭄ᬫᬫᬃᬕ᭄ᬕ᭟ᬓᬘᬸᬡ᭄ᬥᬸᬓ᭄ᬤᬶᬚᬩᬢ᭄ᬗᬄ᭞ᬭᬓᬦ᭄ᬤᬭᬭᬶᬲ᭄ᬫᬫᬃᬕ᭄ᬕᬶ᭞ᬲᬸᬩᬭᬯᬸᬄ
ᬤᬶᬧᬬᬸᬤᬦ᭄᭞ᬓᬤᬯᬸᬄᬫᬸᬗ᭄ᬕᬳᬦ᭄ᬤᭂᬮᬶᬲ᭄᭞ᬜᭂᬫ᭄ᬩᬄᬲᬋᬂᬫᬮᬶᬗ᭄ᬕᬶᬄ᭞ᬳᬚᬶᬦ᭄ᬤᬗᬦ᭄ᬤᬶᬓᬳᬮᬸᬲ᭄᭞ᬦᬾᬳᬤᬧᬗᬸᬦ᭄ᬤᬂ᭞ᬳᬸᬮᬶᬤᬶᬰ᭄ᬭᬗ᭄ᬕᬦᬵᬕᬭᬶ᭞ᬤᬶᬫᬥᬸᬭᬵ᭞
ᬓᭀᬘᬧ᭄ᬬᬦᬕᬶᬄᬯ᭄ᬓᬲᬂ᭟ᬗᬦ᭄ᬢ᭄ᬬᬂᬗ᭄ᬯᬗᬸᬦ᭄ᬲᬾᬯᬵᬫ᭄ᬩᬭ᭞ᬫᬗᬸᬦ᭄ᬤᬂᬧ᭄ᬭᬭᬢᬸᬚᬦᬶ᭞ᬳᬶᬭᬢ᭄ᬓᬍᬩᬶᬄᬧᬭᬦ᭄᭞ᬩᬦ᭄ᬳᭂᬚᭀᬳᬾᬢᬦ᭄ᬲᬶᬦᬶᬧᬶ᭞ᬩ᭄ᬯᬶᬦ᭄ᬫᬩᬾᬬᬧᬢᬶ
Kaca:Bali-lontar-gaguritan-ratmaja-300ppi.pdf/24
Kaca puniki sampun kauji-wacén
