[᭒᭒ 22 B]
᭒᭒
ᬮᬸᬕ᭄ᬭᬫᬗ᭄ᬭᬭᬶᬲ᭄᭞ᬳᬶᬤᬫᬸᬗ᭄ᬕᬳᬦ᭄᭞ᬫᬮᬶᬗ᭄ᬕᬶᬄᬲᬤᬦᬫ᭄ᬧᭂᬓᬂ᭟ᬧᬸᬕ᭄ᬓᬾᬦᬾᬧᬓ᭄ᬦᭂᬄᬢ᭄ᬬᬂ᭞ᬦᬄᬳᬶᬤᬧᬥᬗᭂᬦᭂᬳᬶᬦ᭄᭞ᬗᬢᬸᬭᬂᬧᬗᬸᬦ᭄ᬤᬂᬚᬸᬫᬄ᭞ᬬᬦᬕᬶᬄ
ᬯ᭄ᬓᬲᬂᬫᬳᬶ᭞ᬫᬳᬦ᭄ᬢᭀᬗᭀᬲ᭄ᬫᬧᬫᬶᬢ᭄᭞ᬫ᭄ᬮᬄᬢᭀᬳᬗ᭄ᬕᭀᬦ᭄ᬧᬦᬦ᭄ᬢᬸ᭞ᬜᬕ᭄ᬚᬕᬶᬦ᭄ᬳᬶᬳᬸᬢᬸᬲᬦ᭄᭞ᬢᬸᬗᬸᬭᬄᬫᬳᬢᬸᬃᬳᬭᬶᬲ᭄᭞ᬭᬢᬸᬧᬆᬢᬸᬢ᭄᭞
ᬗᬶᬭᬶᬂᬫᬗ᭄ᬓᬶᬦ᭄ᬓᬦᬵᬕᬭ᭟ᬓᭀᬭᬢᬸᬭᬭᬶᬲ᭄ᬓᬳᭀᬤᬮ᭄᭞ᬫᬩ᭄ᬭᬶᬬᬸᬓ᭄ᬫᬗᬶᬭᬶᬂᬲᬫᬶ᭞ᬢᬦ᭄ᬲᬄᬫᬦᬸᬗ᭄ᬕᬓ᭄ᬭᬾᬣ᭞ᬗᭂᬲᭂᬃᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬳᬗᬸᬦ᭄᭞ᬲᬓ᭄ᬱ
ᬡᬓᬕᬾᬢ᭄ᬧ᭄ᬭᬧ᭄ᬢᬶ᭞ᬭᬶᬂᬦᬵᬕᬭᬲᬫ᭄ᬧᬸᬦ᭄ᬢᭂᬥᬸᬦ᭄᭞ᬤᬶᬲᬸᬫ᭄ᬦᭂᬧᬸᬘᬧᬂ᭞ᬤᬾᬯᬕᬸᬂ᭠ᬳᬚᬶᬓᬢᬗ᭄ᬓᬶᬮ᭄᭞ᬭᬶᬂᬩᬸᬦ᭄ᬤᭂᬭᬾ᭞ᬳᬮᬶᬗ᭄ᬕᬶᬄᬳᬢᬢᬵᬢᬢ᭟ᬧ᭄ᬭᬫᬜ᭄ᬘᬫ᭄ᬯᬂ
[᭒᭓ 23 A]
ᬩᬳᬸᬥᬡ᭄ᬥᬵ᭞ᬫᬓᬤᬶᬧᬭᬲᬸᬮᬶᬗ᭄ᬕᬶᬄ᭞ᬘᭀᬓᭀᬃᬤ᭄ᬥᬧᬸᬭᬶᬓᬗᬶᬦᬦ᭄᭞ᬳᬶᬕᬸᬲ᭄ᬢᬶᬗᬸᬭᬄᬢᬦ᭄ᬓᬭᬶ᭞ᬧᬋᬓᬦ᭄ᬭᭀᬩᬦ᭄ᬢᬶᬢᬶᬩ᭄᭞ᬚᬕ᭄ᬳ᭄ᬩᭀᬫᬶᬬᬶᬓ᭄ᬫᬗᬮᬸᬩ᭄
ᬢᬗ᭄ᬓᬶᬮᬦ᭄ᬲᬫᬶᬫ᭄ᬭᬾᬗᬂ᭞ᬜᬤᬗᬂᬘᬘᬶᬗᬓ᭄ᬮᬶᬦ᭄ᬤᬶ᭞ᬲᬕᬾᬢ᭄ᬭᬯᬸᬄ᭞ᬓᭀᬭᬢᬸᬩᬋᬂᬢᬸᬗᬸᬭᬄ᭟ᬳᬶᬤᬾᬯᬕᬸᬂᬘᬦᭂᬕ᭄ᬫᬜᬶᬗᬓ᭄᭞ᬢᬸᬫ᭄ᬩᬾᬦ᭄ᬫᬗᬭᬗᬦ᭄ᬦᬗ᭄ᬓᬶᬮ᭄᭞
ᬓ᭄ᬜᭂᬫ᭄ᬭᬭᬶᬲ᭄ᬫᬗᬦ᭄ᬤᬶᬓᬵ᭞ᬦᬄᬳᬾᬗ᭄ᬕᬮᬂᬫ᭄ᬦᬾᬓᬦ᭄ᬫᬳᬶ᭞ᬫᬩ᭄ᬭᬶᬬᬸᬓ᭄ᬜᬸᬫ᭄ᬩᬄᬲᬫᬶ᭞ᬫᬫᬶᬢᬂᬮᬸᬕ᭄ᬭᬫᬮᬸᬗ᭄ᬕᬸᬄ᭞ᬳᬶᬤᬾᬯᬕᬸᬂᬩ᭄ᬯᬶᬦ᭄ᬗᬦ᭄ᬤᬶᬓ᭞ᬢ᭄ᬓᬧᬶᬦ᭄ᬤᬦᬶᬂᬗᬕᬢᬶ᭞ᬢᬸᬫ᭄ᬩᬾ
ᬩᬋᬂ᭞ᬫᬳᬶᬓᭀᬭᬢᬸᬫᬜᬸᬫ᭄ᬩᬄ᭟ᬭᬢᬸᬢᬶᬢ᭄ᬬᬂᬗᬸᬦᬶᬗᬬᬂ᭞ᬳᬸᬢᬸᬲᬦ᭄ᬧᬗᬸᬦ᭄ᬤᬂᬯ᭄ᬬᬓ᭄ᬢᬶ᭞ᬲᬓᬶᬂᬦᬵᬕᬭᬰᬺᬗ᭄ᬕᬧᬸᬭ᭞ᬲᬦᬾᬫᬗ᭄ᬓᬶᬦ᭄ᬳᬶᬧᬸᬦ᭄ᬓᬭᬶ᭞ᬭᬶᬂᬫᬥᬸᬭᬦᬵᬕᬭᬶ
Kaca:Bali-lontar-gaguritan-ratmaja-300ppi.pdf/23
Kaca puniki sampun kauji-wacén
