[᭑᭖ 16 B]
᭑᭖
ᬫ᭄ᬘ᭄ᬬᭀᬧᬸᬧᬸᬢ᭄ᬲᬸᬩᬵᬫᬦᬩ᭄ᬤᬩᬂ᭞ᬲᬲᬗᬦᬦ᭄ᬮᬦ᭄ᬓᭀᬧᬶ᭞ᬓᭂᬫ᭄ᬧᬸᬧᬗ᭄ᬯᬾᬤᬗᬦ᭄᭞ᬯᬲ᭄ᬢ᭄ᬭᬲᬸᬩᬓᬢᬸᬭᬦ᭄᭞ᬫᬓᬵᬤᬶᬳᬶᬤᬾᬶᬯᬵᬕᬸᬂᬳᬚᬶ᭞ᬳᬦᬓᬦᬓ᭄ᬤᬵ᭞ᬢᬦ᭄ᬓᭀ
ᬘᬧ᭄ᬳᬸᬲᬦ᭄ᬗᭀᬧᬶ᭟ᬲᬸᬩᬲᬜ᭄ᬚᬳᬶᬤᬾᬯᬕᬸᬂᬳᬚᬶᬗᬦ᭄ᬤᬶᬓᬵ᭞ᬳ᭄ᬯᬚᬦᬶᬗᬦ᭄ᬢ᭄ᬬᬂᬫᬸᬮᬶᬄ᭞ᬬᬦ᭄ᬲᬶᬤ᭄ᬥᬵᬫᬗᭂᬦ᭄ᬢᬄ᭞ᬢᬸᬦ᭄ᬤᬾᬦ᭄ᬫᬸᬮᬶᬄᬫᬦᬸᬤ᭄ᬢᬸᬤᬂ᭞ᬦᬾᬘ᭄ᬭᬶᬓ᭄ᬘ᭄ᬭᬶᬓᬾᬤᬶᬦᬶ᭞ᬳᬶ
ᬦᭂᬧᬶᬦ᭄ᬬ᭞ᬭᬾᬄᬳᬶᬧᬸᬦ᭄ᬳ᭄ᬦᬸᬲᬓᬶᬢ᭄᭟ᬲᬳᬸᬃᬲᭂᬫ᭄ᬩᬄᬳᬦᬓ᭄ᬤᬲᬶᬦᬫ᭄ᬬᬦ᭄᭞ᬓᭀᬲᬶᬸᬤᬮ᭄ᬳᬶᬤᬾᬯᬵᬕᬸᬂᬳᬚᬶ᭞ᬯᬸᬲ᭄ᬭᬯᬸᬄᬭᬶᬂᬚᬩᬵ᭞ᬘᬦᭂᬕ᭄ᬭᬭᬶᬲ᭄ᬗᬦ᭄ᬤᬶᬓ᭞ᬦᬾᬳᬧᬜ
ᬍᬫ᭄ᬧᬄᬤᬶᬦᬶ᭞ᬓᬩᬶᬦᬩᬶᬦ᭞ᬳᬶᬘᬧᬵᬫᬢᬸᬃᬳᬭᬶᬲ᭄᭟᭐᭟ᬭᬢᬸᬤᬾᬯᬵᬕᬸᬂᬫᬾᬮᭀᬃᬚᬕᬧᬮᬶᬗ᭄ᬕᬶᬳᬦ᭄᭞ᬳᬶᬤᬾᬯᬕᬸᬂᬫᬸᬗ᭄ᬕᬄᬭᬭᬶᬲ᭄᭞ᬧ᭄ᬭᬫᬜ᭄ᬘᬧᬵ
[᭑᭗ 17 A]
ᬤᬡ᭄ᬥᬵ᭞ᬲᬫᬶᬫᬸᬗ᭄ᬕᬄᬓᬓ᭄ᬭᬾᬣ᭞ᬧᬥᬮᬾᬥᬗᬾᬢᬦ᭄ᬲᬶᬧᬶ᭞ᬫᬭᬭᬳᭀᬲᬦ᭄᭞ᬤᬶᬫᬾᬮᭀᬭᬾᬲᬋᬂᬲᬫᬶ᭟ᬧᬢᬶᬄᬭᬣᬗᬸᬲᬶᬭᬶᬦ᭄ᬦᬩ᭄ᬤᬩᬂᬓᬸᬤ᭞ᬮᬚᬸᬧ
ᬫᬃᬕ᭄ᬕᬶᬦᬾᬫᬗ᭄ᬓᬶᬦ᭄᭞ᬩᭂᬲᭂᬃᬮ᭄ᬯᬶᬃᬧᬯᬦ᭞ᬢ᭄ᬯᬭᬳᬤᬳᬚᬫ᭄᭞ᬲᬸᬩᬦᬧᬓ᭄ᬤᬶᬦᬵᬕᬭᬶ᭞ᬩᬢᬦ᭄ᬩᬜ᭄ᬘᬶᬗᬄ᭞ᬫᬭᬂᬬ᭄ᬬᬦ᭄ᬢᭂᬤᬸᬦ᭄ᬲᬫᬶ᭟ᬢᬦ᭄ᬘᬭᬶᬢᬲᬸᬩᬭᬯᬸᬄᬤᬶᬦᬵᬕᬭᬵ
᭞ᬤᬶᬫᬬᬵᬰᬺᬗ᭄ᬕᬚᬦᬶ᭞ᬩᬮᬶᬓᬶᬦ᭄ᬳᬸᬘᬧᬂ᭞ᬓᭀᬭᬢᬸᬭᬢᬸᬗᬸᬭᬄ᭞ᬢᬦ᭄ᬧᬾᬦ᭄ᬤᬄᬓᬤᬶᬳᬲᬸᬚᬶ᭞ᬧᬜ᭄ᬚ᭄ᬭᬳᬶᬂᬲᬶᬦ᭄ᬯᬫ᭄᭞ᬮᬶᬦᬯᬤ᭄ᬭᬶᬭᬶᬲ᭄ᬳᬮᬶᬢ᭄᭟᭐᭟ᬧᬸᬧᬸᬄᬲᬶᬦᭀ
ᬫ᭄᭟ᬫᬶᬭᬶᬩ᭄ᬢ᭄ᬯᬭᬮᬳᬤ᭄ᬲᬸᬗᬓᬦ᭄᭞ᬮᬾᬤᬗᬾᬢᬦ᭄ᬲᬶᬧᬶᬲᬶᬧᬶ᭞ᬲᬯᬢᬭᬢᬶᬕᬂᬤᬶᬦ᭞ᬓᭀᬭᬢᬸᬲᬸᬗ᭄ᬓᬦ᭄ᬓᬧᬢᬶ᭞ᬧᬭᬧᬸᬢ᭄ᬭᬶᬫᬗ᭄ᬕᬶᬄᬲᬫᬶ᭞ᬫᬓᬵᬤᬶᬜᬳᬶᬤᬾᬯᬕᬸᬂ᭞
Kaca:Bali-lontar-gaguritan-ratmaja-300ppi.pdf/17
Kaca puniki sampun kauji-wacén
