[᭑᭕ 15 B]
᭑᭕
ᬭᬭᬲ᭄ᬳᬫᬦ᭄ᬢᭂᬲᬶ᭟ᬳᬲᬓ᭄ᬱᬡᬲᬕᬾᬢ᭄ᬭᬯᬸᬄᬫᬕᬺᬤᭂᬕᬦ᭄᭞ᬦᬓᬕᬸᬂᬳᬕᬸᬂᬲᬫᬶ᭞ᬳᬶᬤᬾᬯᬕᬸᬂᬢᬶᬕᬵ᭞ᬕᬗ᭄ᬲᬃᬲᬮᬶᬂᬧᬮᬶᬯᬢ᭄᭞ᬫᬭᬭᬯᬸᬄᬤᬶᬩᬢᬧᬶ᭞ᬓᬵᬢᬸᬃ
ᬳᬚᬶᬦ᭄ᬤᬵ᭞ᬭᬶᬂᬚᬩᬵᬲᬦᬾᬫᬗ᭄ᬓᬶᬦ᭄᭟ᬳᬶᬲᬸᬫᬦ᭄ᬢ᭄ᬭᬶᬳᬩᬡ᭄ᬥᬾᬰᬵᬫᬗᬢᬸᬭᬵᬂ᭞ᬓᬫ᭄ᬧᬸᬄᬧᬧ᭄ᬓᭂᬓ᭄ᬕᭂᬮᬶᬲ᭄᭞ᬳᬶᬤᬾᬯᬕᬸᬂᬧᬸᬢ᭄ᬭ᭞ᬗᬫ᭄ᬧᬸᬄᬭᬭᬶᬲ᭄ᬢᭂᬤᬸᬦᬦ᭄᭞ᬤᬶᬦᬢᬳᬾ
ᬲᬋᬂᬲᬫᬶ᭞ᬭᬯᬸᬄᬳᬚᬶᬦ᭄ᬤᬵ᭞ᬕᭀᬗ᭄ᬲᭀᬃᬫᬸᬗ᭄ᬕᬄᬫᬮᬶᬗ᭄ᬕᬶᬄ᭟ᬫᬃᬫ᭄ᬫᬫᬃᬫ᭄ᬫᬵᬲᬫᬶᬗᭂᬫ᭄ᬩᭂᬂᬢᭀᬬᬦ᭄ᬤ᭄ᬭ᭄ᬬᬵ᭞ᬗᬦ᭄ᬤᬶᬓᬵᬭᬹᬫᬵᬫᬦᬶᬲ᭄᭞ᬕᬶᬦᬦ᭄ᬚᬶᬳᬶᬗᬸᬲᬧ᭄᭞ᬚᬦᬶᬓᬾᬦ᭄ᬓᬾᬦ᭄ᬲᭂ
ᬗ᭄ᬕᬗᬦ᭄᭞ᬢᭂᬕ᭄ᬢᭂᬕᬂᬳ᭄ᬯᬮ᭄ᬬᬢᬶᬦ᭄᭞ᬳᬧᬳᬮᬶᬳᬂ᭞ᬕᬳᬾᬦᬂᬳ᭄ᬯᬢᬳᬶᬳᬶᬦ᭄᭟ᬭᬵᬚᬧᬸᬢ᭄ᬭᬲᬳᬸᬃᬫᬦᬸᬓ᭄ᬲᬮᬶᬂᬢᬶᬫ᭄ᬩᬮ᭄᭞ᬤᬕᬶᬂᬦᬓᬾᬦᬶᬦ᭄ᬲᬫᬶ᭞ᬓᬯᬢᬶᬂᬧᬦᬸᬗ᭄ᬓᬦ᭄᭞
[᭑᭖ 16 A]
ᬓᭀᬭᬢᬸᬫᬢᬸᬃᬩᬦ᭄ᬩᬦ᭄᭞ᬳᬢᬸᬭᬂᬭᬶᬂᬳᬸᬮᬸᬦ᭄ᬳᬢᬶ᭞ᬧᬦᬓᬶᬢ᭄ᬢᬶᬢ᭄ᬬᬂ᭞ᬕ᭄ᬮᬶᬲᬦ᭄ᬳᬾᬯᬃᬲᬫᬶ᭟ᬓᬮᬶᬄᬳᬶᬧᬸᬦ᭄ᬧᬋᬓᬦ᭄ᬘᭀᬓᭀᬃᬳᬶᬤᬾᬯ᭞ᬳᬶᬘᭂᬧᬸᬕ᭄ᬮᬶᬦ᭄ᬢᬂᬕᬜ᭄ᬚᬶᬄ᭞
ᬗ᭄ᬢᭀᬦ᭄ᬲᬓᬶᬢ᭄ᬲᬸᬗ᭄ᬓᬦ᭄᭞ᬳᬶᬧᬸᬦ᭄ᬭᬭᬶᬲ᭄ᬭᬸᬬ᭄ᬯᬂ᭞ᬗᬺᬋᬄᬩᬮ᭄ᬬᬦ᭄ᬫᬢᭂᬧᭂᬢᬶᬦ᭄᭞ᬭᬫᬾᬫᬢᬶᬫ᭄ᬩᬮ᭄᭞ᬗ᭄ᬭᬯᭀᬲ᭄ᬲᬮᬶᬂᬢᬫ᭄ᬩᬸᬗᬶᬦ᭄᭟ᬳᬶᬤᬾᬯᬕᬸᬂᬧᬸᬢ᭄ᬭᬘᬾᬱ᭄ᬝᬫᬢᬸ
ᬮᬶᬳᬦ᭄᭞ᬳᬶᬲᬸᬫᬦ᭄ᬢ᭄ᬭᬶᬓᬳᬓ᭄ᬱᬶ᭞ᬕ᭄ᬮᬶᬲᬶᬧᬸᬦ᭄ᬜᬕ᭄ᬚᬕ᭄᭞ᬳᬶᬤᬾᬯᬕᬸᬂᬫᬦ᭄ᬤᬯᬸᬳᬂᬓ᭄ᬭᬾᬣᬦᬾᬧᭂᬲ᭄ᬯᬂᬚᬦᬶ᭞ᬧᬘᬂᬧᬮᬶᬗ᭄ᬕᬶᬳᬦ᭄᭞ᬳᬶᬩᬮᬦ᭄ᬢᬲ᭄ᬍᬲᬶᬭᬶᬦ᭄᭟ᬫᭂᬧᭂᬲ᭄ᬜᬸ ᬫ᭄ᬩᬄ
ᬳᬶᬲᬸᬫᬦ᭄ᬢ᭄ᬭᬫᬦ᭄ᬤᬯᬸᬳᬂ᭞ᬫᬲ᭄ᬯᬂᬓ᭄ᬭᬾᬣᬕ᭄ᬮᬶᬲ᭄᭞ᬓᬸᬦᬶᬲᬂᬳᬗ᭄ᬮᬯᬤ᭄᭞ᬳᬤᬸᬮᬸᬃᬤᬸᬮᬸᬃᬕᬗ᭄ᬲᬃ᭞ᬫᬓᬵᬤᬶᬧᬭᬲᬸᬮᬶᬗ᭄ᬕᬶᬄ᭞ᬫ᭄ᬯᬂᬧᬭᬫᬜ᭄ᬘ᭞ᬤᬶᬲ᭄ᬢ᭄ᬭᬶᬓ᭄ᬓᭀᬣᬦᬵᬕᬭᬶ᭟ᬳᬶᬘ
Kaca:Bali-lontar-gaguritan-ratmaja-300ppi.pdf/16
Kaca puniki sampun kauji-wacén
