Kaca:Bali-lontar-gaguritan-ratmaja-300ppi.pdf/13

Saking Wikisource
Kaca puniki sampun kauji-wacén

[᭑᭒ 12 B]
᭑᭒
ᬩᭂᬮᬓᬂ᭞ᬗᭂᬗ᭄ᬓᭂᬩᬂᬓᬤᬸᬢᬦ᭄ᬤᭂᬮᬶᬲ᭄᭞ᬧᬢᬶᬄᬭᬣᬦ᭄ᬭᭀᬥᬫᬓ᭄ᬭᬓ᭄᭟ᬫᬢ᭄ᬭᬬ᭄ᬯᬦ᭄‌ᬭᬱᬫᬗᬸᬳᬸᬕᬂᬕᬸᬫᬶ᭞ᬦᬾᬤᬤ᭄ᬯᬫᬍᬲᬢ᭄᭞ᬳᬶᬕᬭᬾᬂᬳᬚᬓ᭄ᬳᬶᬕᬭᬶᬢ᭄᭞
ᬫ᭄ᬮᬳᬶᬩ᭄‌ᬗᬗ᭄ᬲᭂᬄᬓᬦᬵᬕᬭ᭟ᬭᬤᬾᬦ᭄ᬓᬮᬶᬄᬜᬕ᭄ᬚᬕ᭄‌ᬕ᭄ᬮᬶᬲ᭄ᬓᬤᬢᬯᬶ᭞ᬳᬲᬵᬓ᭄ᬱᬡᬢ᭄ᬓ᭞ᬓᬕ᭄ᬬᬢ᭄‌ᬓᬯ᭄ᬗᬦ᭄ᬢᬦ᭄ᬲᬶᬧᬶ᭞ᬚᬕ᭄ᬫᬸᬗ᭄ᬕᬄᬦ᭄ᬕᬓ᭄ᬦᬫ᭄ᬧᭂᬓᬂ᭟ᬗᭂᬧᬸᬲ᭄ᬳᬢᬶᬳ
ᬢᬹᬭᬾᬫᬗᬲᬶᬳᬲᬶᬄ᭞ᬭᬢᬸᬕᬸᬲ᭄ᬝᬶᬦ᭄ᬢᬶᬢ᭄ᬬᬂ᭞ᬲᬫ᭄ᬧᬸᬦᬂᬩᬗᭂᬢ᭄ᬮᬮᬶ᭞ᬓᬬᬸᬦᬾᬧᬶᬦᭂᬄᬧᬶᬦᭂᬳᬂ᭟ᬲᬂᬓᬦ᭄ᬢᬓᬵᬳᬸᬥᬦᬶᬫᬗ᭄ᬮᬶᬮᬶᬃᬓᬮᬶᬄ᭞ᬫᬭᬫᬗᭂᬮ᭄ᬬᬩ᭄᭞ᬳᬩᬓ᭄ᬱᬶᬭᬤᬾᬦ᭄ᬓᬮᬶᬄ
᭞ᬓᭀᬭᬢᬸᬳᬤᬾᬂᬗᬦ᭄ᬤᬶᬓᬵ᭟ᬤᬸᬄᬳᬫ᭄ᬧᬸᬭᬵᬢᬶᬢ᭄ᬬᬂᬮᬶᬦ᭄ᬢᬂᬳᬶᬦᬩᬸᬤ᭄ᬥᬶ᭞ᬮᬶᬦᬶᬧᬸᬢ᭄ᬭᬶᬮᬭ᭞ᬓᬂᬧᭀᬮᬳᬦᬓᬭᬶ᭞ᬍᬩᬸᬃᬳᬚᬃᬢᬦ᭄ᬧᬰᬾᬱ᭟ᬭᬤᬾᬦ᭄ᬓᬵ
[᭑᭓ 13 A]
ᬮᬶᬄᬫᬳᬢᬸᬃᬫᬸᬜᬶᬦᬾᬫᬦᬶᬲ᭄᭞ᬭᬢᬸᬧᬮᬶᬮᬬᬂ᭞ᬢᬢᬲ᭄ᬚᬕᬓ᭄ᬦᬲᬫᬶ᭞ᬧᬦ᭄ᬲᬫ᭄ᬧᬸᬦ᭄‌ᬲᬢ᭄ᬫᬸᬗ᭄ᬕ᭄ᬯᬶᬂᬢᬗᬦ᭄᭟ᬲᬦᬾᬫᬗ᭄ᬓᬶᬦ᭄‌ᬢᬶᬢ᭄ᬬᬂᬤᬯᭂᬕᬂᬫᬧᬫᬶᬢ᭄᭞ᬫᬦ᭄ᬤᬸᬓ᭄ᬫᬦᬩ᭄ᬥ
ᬩᬂ᭞ᬫᬸᬓ᭄ᬱᬾᬂᬧᬮᬶᬗ᭄ᬕᬶᬳᬦ᭄ᬕᭂᬮᬶᬲ᭄᭞ᬢ᭄ᬯᬭᬳᬤᬳᬦᬓ᭄ᬦᬯᬂ᭟ᬳᬶᬘᬫ᭄ᬘ᭄ᬬᭀᬦ᭄‌ᬦ᭄ᬤᭂᬲᭂᬓᬂᬫᬢᬸᬃᬧᬓᬾᬮᬶᬂ᭞ᬳᬶᬤᭀᬓ᭄‌ᬦᬸᬩ᭄ᬢᬾᬦᬦ᭄᭞ᬫᬗᬼᬫ᭄ᬧᭂᬂᬗᬢᭂᬓ᭄ᬦᬾᬲ᭄ᬥᬶᬄ᭞ᬧᬢᬶᬄ
ᬭᬱᬵᬲᬸᬩᬵᬲᬸᬲᬄ᭟ᬓᬘᬭᬶᬢᬵᬳᬶᬕᬭᬾᬂᬳᬶᬕᬭᬶᬢ᭄᭞ᬩ᭄ᬮᬶᬂᬗᬭᬩᬭᬩ᭄᭞ᬲᬸᬩᬵᬢ᭄ᬓᭂᬤ᭄‌ᬤᬶᬦᬵᬕᬭᬶ᭞ᬩᬩᬃᬩ᭄ᬮᬢᬸᬓ᭄‌ᬓᬫᬦ᭄ᬢ᭄ᬭᬬᬦ᭄᭟ᬲᬬᬦ᭄ᬳᬲ᭄ᬭᬸᬳ᭄ᬮᬶᬗᬾᬦ
ᬕᬶᬄᬢᬸᬮᬸᬗᬶᬦ᭄᭞ᬫ᭄ᬭᬶᬓᬳᬾᬗ᭄ᬕᬮᬾᬗ᭄ᬕᬮ᭄᭞ᬓᭀᬭᬢᬸᬚᬦᬶᬢᬸᬮᬸᬗᬶᬦ᭄᭞ᬲᬫ᭄ᬧᬸᬦ᭄ᬲᬾᬤᬤᬹᬃᬫᬗ᭄ᬕᬮ᭟᭐᭟ᬧᬸᬧᬸᬄᬥᬸᬃᬫ᭄ᬫ᭟ᬤᬤᬶᬕ᭄ᬮᬸᬤᬾᬯᬕᬸᬂᬧᬸᬢ᭄ᬭᬫᬫᬶᬋᬗᬂᬫᬃᬫ᭄ᬫ