Kaca:Bali-lontar-gaguritan-ratmaja-300ppi.pdf/11

Saking Wikisource
Kaca puniki sampun kauji-wacén

[᭑᭐ 10 B]
᭑᭐
ᬢᬶᬢᬶᬩ᭄᭞ᬗᬶᬮᭀᬫᬳᬸᬢᬂᬘᬘᬸᬦ᭄ᬤᬸᬓ᭄᭞ᬦᬾᬤᬤ᭄ᬯᬵᬢ᭄ᬯᬭᬧᬲᬄ᭞ᬲᬕᬾᬢ᭄‌ᬢ᭄ᬓᬵᬳᬶᬤᭀᬓ᭄ᬜᬸᬫ᭄ᬩᬄᬫᬢᬸᬃᬳᬮᬸᬲ᭄᭞ᬤᬭᬓᬜ᭄ᬘᭀᬓᭀᬃᬳᬶᬤᬾᬯ᭞ᬗᬸᬢᬸᬲ᭄ᬢᬶᬢ᭄ᬬᬂᬫᬗᬢᬸ
ᬭᬶᬦ᭄᭟ᬢᬸᬗᬸᬭᬄᬦᭀᬮᬶᬄᬤᬾᬤᬤ᭄ᬯᬵ᭞ᬩᬸᬳᬸᬮ᭄ᬯᬲ᭄‌ᬓᬲᬾᬗᬦ᭄ᬓᬩᬢᬯᬶ᭞ᬦᭀᬗᭀᬲ᭄ᬳᬶᬤᬤᬚᬫᬶᬮᬸ᭞ᬭᬭᬶᬲ᭄ᬳᬶᬤᬫᬫᬃᬕ᭄ᬕ᭞ᬳᬶᬤᭀᬓ᭄ᬗᬶᬭᬶᬂᬳᬲᬓ᭄ᬱᬡᬵᬲᬸᬩᬭ
ᬯᬸᬄ᭞ᬫᬗ᭄ᬭᬭᬶᬲ᭄ᬳᬶᬤᬫᬸᬗ᭄ᬕᬳᬦ᭄᭞ᬫᬦ᭄ᬤᭂᬲᭂᬓ᭄‌ᬭᬳᬤᬾᬦ᭄ᬓᬮᬶᬄ᭟ᬗᬦ᭄ᬤᬶᬓᬵᬫ᭄ᬮᬤ᭄ᬧ᭄ᬭᬡᬵ᭞ᬲᬶᬧᬶᬲᬶᬧᬶᬢᬶᬢ᭄ᬬᬂᬫᬢᬶᬦ᭄ᬤᬶᬄ᭞ᬩ᭄ᬮᬶᬦᬸᬤᬸᬓ᭄ᬚᬮ᭄ᬫᬮᬘᬸᬃ᭞ᬮᬭᬓᬧ᭄ᬮᬦ᭄ᬧ᭄ᬓᬦ᭄᭞ᬭᬤᬾᬦ᭄ᬓ
ᬮᬶᬄ᭞ᬫᬕᬢᬸᬃᬫᬸᬜᬶᬦᬾᬳᬮᬸᬲ᭄᭞ᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬂᬧᬜ᭄ᬚᬗᬂ᭞ᬭᬢᬸᬲᬫ᭄ᬧᬸᬦ᭄‌ᬓ᭄ᬦᬶ᭠ᬲᬫᬶ᭟ᬧᬸᬧᬸᬢ᭄ᬲᬸᬜᬫᬧᬥᬃᬢ᭄ᬣ᭞ᬲᬳᬧᭀᬮᬄᬢ᭄ᬮᬲ᭄ᬓᬳᬢᬸᬃᬲᬫᬶ᭞ᬳᬶᬤᭀᬓ᭄ᬳᬶᬘ
[᭑᭑ 11 A]
ᬫ᭄ᬘ᭄ᬬᭀᬲᬫ᭄ᬧᬸᬦ᭄᭞ᬫᬯᬗ᭄ᬲᬶᬢ᭄ᬫᬜᬯᬶᬲᬂ᭞ᬓᬘᬭᬶᬢᬕᭀᬮᬗᬢᬦ᭄ᬓᭀᬘᬧ᭄ᬯᬸᬲ᭄ᬧᬸᬧᬸᬢ᭄᭞ᬭᬤᬾᬦ᭄ᬓᬮᬶᬄᬲᬸᬩᬫ᭄ᬮᬶᬲᬢ᭄᭞ᬓᬘᬭᬶᬕᭀᬮᬗᬕ᭄ᬮᬶᬲ᭄᭟ᬓᭀᬭᬢᬸᬳ
ᬚᬓ᭄ᬢᬸᬗᬸᬭᬄ᭞ᬫᬃᬫ᭄ᬫᬫᬃᬫ᭄ᬫᬗᬓ᭄ᬱᬶᬧᭀᬮᬦᬾᬲᬫᬶ᭞ᬕᬶᬦᬦ᭄ᬢᬶᬕᬦ᭄ᬢᬶᬲᬶᬦᬫ᭄ᬩᬸᬢ᭄᭞ᬲᬬᬦ᭄ᬓᬗᭂᬦᬶᬂᬘᬶᬢ᭄ᬢ᭞ᬤᬤᬶᬧᬮᬶᬂᬫᬫᬸᬜᬶᬫᬗᬚᬧ᭄ᬲᬸᬯᬸᬂ᭞ᬧᭀᬢ᭄ᬭᬾᬢᬾᬩᬸᬤᬂᬩᬤᬶᬗᬵᬂ᭞
ᬳᬸᬓᬸᬢᬸᬓᬸᬢ᭄ᬧᬧᬲᬶᬳᬶᬦ᭄᭟ᬤᬸᬄᬫᬲ᭄ᬫᬶᬭᬄᬳᬭᬶᬓᬶᬗ᭄ᬯᬂ᭞ᬲᬶᬧᬶᬲᬶᬧᬶᬮᬭᬦ᭄ᬢᬫᬗ᭄ᬓᬾᬬᬬᬶ᭞ᬳᬶᬗᬸᬦ᭄ᬤᬗᬂᬧᬭᬭᬢᬸ᭞ᬕᬶᬦᬯᬾᬲ᭄ᬯᬬᬫ᭄ᬩᬭ᭞ᬤᬸᬄᬓᬢᬸᬯᭀᬦ᭄‌ᬢᬦ᭄ᬲᬶᬳᬶᬂ
ᬯᬶᬤ᭄ᬥᬶᬦᬾᬳᬸᬢᬸᬂ᭞ᬧᬭᬦ᭄ᬢᭂᬫᬄᬢᬫᬵᬲᬶᬗ᭄ᬯᬂ᭞ᬳᬫᬗ᭄ᬕᬶᬄᬮᬭᬫᬃᬳᬢᬶ᭟ᬳᬸᬮᬶᬂᬘ᭄ᬭᬶᬓ᭄ᬮᬭᬩᬭ᭞ᬮᬸᬤ᭄ᬫᬩ᭄ᬮᬲᬦ᭄‌ᬫᭂᬚᭀᬄᬳᭂᬚᭀᬳᬗᬸᬫᬶ᭞ᬓᬸᬤᬸᬳᬤᬳᬦᬓ᭄ᬦᬸᬤᬸ᭠