Kaca:Bali-lontar-gaguritan-ratmaja-300ppi.pdf/10

Saking Wikisource
Kaca puniki sampun kauji-wacén

[᭙ 9 B]

ᬗ᭄ᬯᬶᬢ᭄᭟ᬳᬶᬲ᭄ᬧᬸᬕ᭄‌ᬳᬶᬲ᭄ᬫᬭᬤᬵᬯ᭞ᬫᬶᬫ᭄ᬬᬦ᭄ᬫᬶᬫ᭄ᬬᬦ᭄‌ᬦᬩᬸᬄᬕᬫ᭄ᬮᬦ᭄ᬲᬳᬶ᭞ᬤᬾᬦᬶᬂᬳᬦᬓ᭄ᬫᬸᬘᬸᬫ᭄ᬧᬸ᭞ᬗᬯᬗᬸᬦ᭄ᬳᬶᬕᭂᬮ᭄ᬳᬶᬕᭂᬮᬦ᭄᭞ᬳᬶᬤᬾᬯᬵᬕᬸᬂᬕ᭄ᬥᬾᬫᬲᬶᬄᬧᬥᬳᬦᬸᬢ᭄᭞ᬓ᭄ᬭᬡᬵ
ᬳᬤᬸᬂᬫᬩᬭᬗᬦ᭄᭞ᬢᬦ᭄ᬧᬲᬄᬲᬤᬶᬦᬮᬢ᭄ᬭᬶ᭟ᬭᬢᬸᬗᬮᬾᬤᬗᬶᬦ᭄ᬫᬦᬄ᭞ᬫᬓᬵᬤᬶᬜᬭᬚᬧᬸᬢ᭄ᬭᬶᬦᬾᬲᬫᬶ᭞ᬢᬦ᭄ᬧᬲᬄᬲᬳᬶᬗ᭄ᬕᬄᬳᬶᬗ᭄ᬕᬶᬄ᭞ᬲᬳᬶᬗᬮᬂᬮᬂᬓᬮᬗ᭄ᬯᬦ᭄᭞
ᬫᬧᬶᬓᬢ᭄‌ᬫᬩᭀᬭᭀᬲ᭄ᬫᬜᬚᬄᬕᬸᬦᬸᬂ᭞ᬗᬶᬦ᭄ᬢᬭᬂᬳᬶᬧᬢᬶᬄᬭᬣ᭞ᬫᬫᬮᬾᬓᬳᬮᬲ᭄ᬕᬦ᭄ᬤᬶ᭟ᬓᬫᬭᭀᬂᬓᬧᬸᬡ᭄ᬥᬸᬂᬦᬕ᭄ᬓᬵ᭞ᬤᬶᬢᬸᬗᭂᬦᬄᬓᬕᬸᬡᬦ᭄ᬜᬦᬾᬲᬫᬶ᭞ᬗᬲᬸᬩᬂᬗᬍ
ᬫ᭄‌ᬫᬗᬚᬸᬫ᭄᭞ᬳ᭄ᬦᭂᬗᬂᬜᬭᬶᬢᬬᬂ᭞ᬤᬾᬦᬶᬂᬮᬫᬵᬚᬦᬶᬓᭀᬘᬧ᭄‌ᬲ᭄ᬥᭂᬓ᭄ᬫᬦ᭄ᬢᬸᬓ᭄᭞ᬤᬶᬩᬢᬯᬶᬭᬢᬸᬗᬸᬭᬄ᭞ᬤᬶᬲ᭄ᬫᬭᬵᬮᬬᬵᬦ᭄ᬫᭀᬦᬶᬦ᭄᭟ᬚᭂᬕ᭄ᬢᭂᬓᬤᬸᬢᬦᬾᬤᬤ᭄ᬯᬵ᭞ᬩᬩᬂ
[᭑᭐ 10 A]
ᬗ᭄ᬭᬜ᭄ᬚᬶᬂᬢ᭄ᬯᬭᬵᬤᬳᬦᬓ᭄ᬳᬸᬦᬶᬂ᭞ᬓᭀᬭᬢᬸᬲ᭄ᬥᭂᬓ᭄ᬫᬮᬸᬗ᭄ᬕᬸᬄ᭞ᬤᬶᬳᬫ᭄ᬩᬾᬦᬾᬗᬭᬕ᭞ᬧᬢᬶᬄᬭᬱᬫᬦᬗ᭄ᬓᬶᬮ᭄ᬫᬓᬸᬫ᭄ᬧᬸᬮ᭄ᬓᬸᬫ᭄ᬧᬸᬮ᭄᭞ᬓᭀᬭᬢᬸᬩᬸᬫᬭᬜᬶᬜᬓ᭄᭞ᬓᬤᬶᬓᬳᬸᬤ
ᬦᬦ᭄ᬫᬡᬶᬓ᭄᭟ᬭᬤᬾᬦ᭄ᬓᬮᬶᬄᬫᬸᬗ᭄ᬕᬳᬦ᭄᭞ᬘᭀᬓᭀᬃᬭᬢᬸᬮᬾᬤᬗᬾᬢᬦ᭄ᬲᬶᬦᬶᬧᬶ᭞ᬓ᭄ᬜᭂᬫ᭄‌ᬫᬗᭂᬦ᭄ᬤᬶᬓᬳᬮᬸᬲ᭄᭞ᬲᬧᬸᬦᬧᬶᬜᬶᬤ᭄ᬥᬬᬂ᭞ᬭᬤᬾᬦ᭄ᬓᬮᬶᬄᬫᬜᭂᬫ᭄ᬩᬄᬫᬸᬦ᭄ᬜᬶᬦᬾᬳᬮᬸᬲ᭄᭞ᬭ
ᬢᬸᬲᬫ᭄ᬧᬸᬦ᭄ᬲᬶᬦᬫ᭄ᬬᬦ᭄᭞ᬭᬳᬶᬦ᭄ᬓᭀᬭᬢᬸᬓᬧᬗ᭄ᬕᬶᬄ᭟ᬲᬕᬾᬢ᭄ᬳᬶᬘᬫ᭄ᬘ᭄ᬬᭀᬢ᭄ᬓ᭞ᬫ᭄ᬯᬂᬳᬶᬓᭀᬥᬾᬅ᭄ᬳᬶᬯᬦ᭄ᬤ᭄ᬭᬲ᭄ᬫᬶᬦᬓᬤᬶ᭞ᬳᬤᭀᬓ᭄‌ᬢ᭄ᬓᬫᬩ᭄ᬭᬶᬬᬸᬓ᭄᭞ᬲᬸᬩᬳᬶᬧᬸᬢ᭄ᬫᬲᬮᬵ
ᬫ᭄᭞ᬘᭀᬓᭀᬃᬭᬢᬸᬗᬦ᭄ᬤᬶᬓᬵᬤᭀᬓ᭄‌ᬓ᭄ᬫᬫᬮᬸ᭞ᬳᬶᬘ᭄ᬧᬸᬕ᭄ᬳᬮᬶᬄᬳᬾᬗ᭄ᬕᬮᬂ᭞ᬳᬶᬤᭀᬓ᭄ᬜᬸᬫ᭄ᬩᬄᬮᬸᬢ᭄ᬫᬫᬃᬕ᭄ᬕᬶ᭟ᬢᬸᬗᬸᬭᬄᬳᬬᬢ᭄ᬫᬫᬃᬕ᭄ᬕ᭞ᬓᬦᬵᬕᬭᬵᬫᬋᬓᬦ᭄ᬲᬸᬩ