Kaca:Bali-lontar-gaguritan-rasutama-350ppi.pdf/27

Saking Wikisource
Kaca puniki sampun kauji-wacén

[᭒᭖ 26B]
᭒᭖
ᬢᬸᬦᬲ᭄ᬢᬸᬦᬲᬂ᭞ᬫᬦᬯᬶᬕᬸᬭᬸᬦᬾᬮᬮᬶ᭞ᬚᬸᬫ᭄ᬦᭂᬂᬭᬶᬂᬮ᭄ᬬᬦ᭄᭞ᬬᬤᬶᬦ᭄ᬫᬭᬶᬂᬲᬵᬦᬓ᭄ᬤᬶᬥᬃᬫ᭄ᬫᬵ᭞ᬳᬲᬶᬂᬯᬶᬓᬦ᭄ᬳᬲᬶᬂᬳᬸᬦᬶᬂ᭞ᬕᬸᬭᬸ‌ᬭ᭄ᬯᬂ᭞ᬤᬸᬮᬸᬭᬶ[strike]ᬦ᭄ᬧᬶᬢᬺᬱ᭄ᬡᬵ
ᬪᬓ᭄ᬢᬶ᭟᭔᭓᭟ᬯᬶᬭᬾᬄᬢᬸᬗ᭄ᬕᬮ᭄‌ᬧᬯᬓᬦᬾᬫᬓᭂᬚᬂ᭞ᬤᬶᬢᬸᬩ᭄ᬮᬶᬫᬗᬾᬮᬶᬗᬶᬦ᭄᭞ᬳᭂᬗ᭄ᬓᬾᬦ᭄ᬢᭂᬓᬮᬸᬗ᭄ᬳᬵ᭞ᬳᭂᬗ᭄ᬓᬾᬦ᭄ᬲᬦᬾᬓᬭᬶᬫᭀᬮᬄ᭞ᬳᭂᬗ᭄ᬓᬾᬦ᭄
ᬲᬦᬾᬜᬦ᭄ᬤᬂᬋᬚᬶ᭞ᬳᭂᬗ᭄ᬓᬾᬦ᭄ᬜᬦ᭄ᬤᬂᬢᬸᬮᬤ᭄᭞ᬳᬶᬗᭂᬢᬶᬦ᭄ᬲᬦᬾ᭠ᬲᬸᬚᬢᬶ᭟᭔᭔᭟ᬳᬸᬮᬢ᭄ᬕᭂᬢᬃᬭᬯᭀᬲᬾᬘᬭᬦᬵᬕᬭ᭞ᬦᬶᬸᬬᬦ᭄ᬯᬲ᭄ᬯᬲᬶᬦ᭄ᬳᬸᬮᬶᬄ
ᬫᬸᬜᬶ᭞ᬩᬶᬮᬶᬄᬫᬲ᭄ᬭᬩᬸᬢᬦ᭄᭞ᬢ᭄ᬯᬭᬜᬓ᭄ᬗᭂᬜ᭄ᬚᭂᬓ᭄‌ᬰᬵᬲ᭄ᬢ᭄ᬭᬵ᭞ᬢ᭄ᬓᬵᬮ᭄ᬬᬸᬦᬦ᭄ᬫᬜᬫ᭄ᬧᬶᬂ᭞ᬫᬭᬶᬂᬰᬵᬲ᭄ᬢ᭄ᬭᬵ᭞ᬬᬦ᭄ᬲᭂᬲᭂᬤ᭄‌ᬗ᭄ᬭᬸᬫᬸᬓ᭄ᬧᬮᬶᬂ᭟᭔᭕᭟

[᭒᭗ 27A]
ᬓᬾᬢᭀᬩ᭄ᬮᭀᬢᬸᬢᬹᬃᬢᬶᬢ᭄ᬬᬗᬾᬳᬾᬮᬶᬗᬂ᭞ᬲᬓᬾᬂᬧᬶᬢᬺᬱ᭄ᬡᬵᬪᬓ᭄ᬢᬶ᭞ᬳᬾᬮᬶᬗᬾᬫᬜᬫ᭞ᬢ᭄ᬯᬭᬧᬘᬂᬩ᭄ᬮᬲ᭄‌ᬩ᭄ᬮᬲ᭄᭞ᬲᬮᬸᬂᬮᬸᬂᬲᬤᬾᬤᬾᬲᬶᬗ᭄ᬕᬶᬄ᭞ᬧ
ᬗᬧ᭄ᬢᬶᬢᬸᬗ᭄ᬕᬮ᭄᭞ᬧᬥᬗᬱ᭄ᬝᬶᬢᬶᬭᬶᬂᬯᬶᬥᬷ᭟᭔᭖᭟ᬳᬶᬓᬯᬷᬰ᭄ᬯᬭᬦᬸᬮ᭄ᬬᬵᬮᭀᬦ᭄ᬳᬗᬸᬘᬧ᭄᭞ᬤᬸᬄᬫᬵᬲ᭄ᬫᬶᬭᬄᬳᬶᬗ᭄ᬲᬸᬦ᭄ᬳᬤᬶ᭞ᬤᬾᬯᬭᬰᬹᬢ᭄ᬢᬫ᭞ᬢᭂᬳᭂᬭᬂᬳ
ᬤᬶᬧᬶᬢᬺᬱ᭄ᬡᬵ᭞ᬫᬜᬫᬢ᭄ᬓᬾᬦᬶᬂᬩᭂᬮᬶ᭞ᬫᬕᬸᬭᬸᬢᬸᬗ᭄ᬕᬮ᭄᭞ᬫᬢᭂᬫ᭄ᬯᬂᬧᬵᬢᬶᬉᬭᬶᬧ᭄᭟᭔᭗᭟ᬫᬮᬶᬄᬢᬶᬗ᭄ᬓᬄᬳᬦᬓᬾᬗᬕᭂᬫ᭄ᬅᬕᬫ᭞ᬧᬸᬦᬶᬓᬩ᭄ᬮᬶᬢᬸ᭠
ᬢᬹᬭᬶᬦ᭄᭞ᬯᬶᬭᬾᬄᬫᬯᬓ᭄‌ᬤᬤ᭄ᬯ᭞ᬕᬫᬯᬾᬘᬶᬕᬫᬢᬷᬃᬣ᭞ᬕᬫᬲ᭄ᬮᬫ᭄‌ᬕᬫᬓᬧᬶᬃ᭞ᬳᭂᬦ᭄ᬢᭀᬢᬸᬢᬹᬭᬂ᭞ᬳᬧᬂᬩ᭄ᬮᬶᬲᬋᬂᬳᬸᬦᬶᬂ᭟᭔᭘᭟ᬭᬰᬹᬢ᭄ᬢᬫᬗᬸ