Kaca puniki sampun kauji-wacén
[ ᭙᭑ 91B]
᭙᭑᭞
ᬲ᭄ᬓ᭄ᬜᬄᬓ᭄ᬜᬄᬗ᭄ᬭᬾᬤᬾᬧᬮᬸᬲ᭄᭞ᬫᬲᬸᬮᬫᬵᬦ᭄ᬢᬸᬓ᭄ᬩᬜᬸᬫᬲ᭄᭞ᬧᬓᭂᬩᬄᬤᬯᭂᬕ᭄ᬫᬩᬸᬜ᭄ᬘᬶᬂ᭟ᬓᬗ᭄ᬓᬢ᭄ᬓᬾᬦ᭄ᬤ᭄ᬭᬶᬓ᭄ᬧᬸᬦᬶᬓᬵ᭞ᬦᬾᬗ
ᬯᬶᬦᬂᬤᬶᬧᬢᬶᬂᬮᬕᬲ᭄ᬥᬶᬄ᭞ᬚᬦ᭄ᬢᭀᬲ᭄ᬢᬦ᭄ᬫᬮᬶᬄᬗᬭᬸᬗᬸ᭞ᬩᬸᬭᭀᬦᬾᬫᬲᬲᬭᬦ᭄᭞ᬭᬶᬲᬫ᭄ᬧᬸᬦᬾᬗᬢᬸᬗ᭄ᬓᬸᬮ᭄ᬩᭂᬗᭀᬂᬲ᭄ᬥᬶᬄᬗᬸᬦ᭄ᬗᬸᬦ᭄᭞ᬫᬶᬦᭂ
ᬳᬶᬦ᭄ᬦᬧᬶᬳᬯᬦᬦ᭄᭞ᬲᬂᬧ᭄ᬭᬪᬸᬤᬢᬸᬅ᭄ᬧᭀᬄᬚᭂᬗ᭄ᬕᬶ᭟ᬓᬗ᭄ᬕᬾᬦ᭄ᬳᬦ᭄ᬢᭂᬂᬓᬮᬸᬕ᭄ᬧᬸᬦᬶᬓᬵ᭞ᬓᬭᬸᬫᬲᬵᬫᬾᬄᬲᬵᬫ᭄ᬧᬸᬦ᭄ᬭᬭᬚᭀᬦ᭄ᬢᬶ᭞ᬧᭀᬮᬶᬄᬫᬮ
ᬓ᭄ᬱᬡᬤᬸᬤᬸ᭞ᬩᬬᬳᬯᭀᬃᬲᬭᬕ᭞ᬭᬶᬂᬰ᭄ᬭᬶᬳᬚᬶ᭞ᬲᬤᬯᭂᬕ᭄ᬮᬸᬗ᭄ᬳᬵᬓᬓ᭄ᬮᬸᬗ᭄ᬓᬸᬂ᭞ᬓᬳᬸᬢᬸᬲ᭄ᬳᬦ᭄ᬢᬸᬓ᭄ᬲᬂᬦᬵᬣ᭞ᬫ᭄ᬥᭂᬓ᭄ᬳᬶᬤᬤᬍᬫ᭄ᬩᬮᬶ᭟
[ ᭙᭒ 92A]
ᬲᬗ᭄ᬓᬦᬶᬂᬧᬗᬶᬦ᭄ᬤ᭄ᬭᬵᬚᬮ᭞ᬲᬾᬍᬩ᭄ᬲᬶᬮᬶᬩ᭄ᬦᬭᬾᬦ᭄ᬤ᭄ᬭᬵᬗᭂᬧᬾᬢ᭄ᬧᬢᬶ᭞ᬫᬗ᭄ᬤᬵᬭᬭᬚᭀᬦ᭄ᬢᬶᬩᬮᬸ᭞ᬮᬫᬓᬦ᭄ᬓᬤᬶᬤᬗᬦ᭄᭞ᬗᬍᬫᭂᬲᬶᬦ᭄
ᬫᬓᭀᬦᬵᬓᭀᬦ᭄ᬩᬮᬮᬸᬜᬸᬄ᭞ᬲᬫ᭄ᬧᬸᬦ᭄ᬮᬶᬗ᭄ᬲᬶᬃᬯᬯᬤᭀᬦᬦ᭄᭞ᬩᭀᬬᬫᬤ᭄ᬯᬾᬓᬬᬸᬦ᭄ᬜᬮᬶᬢ᭄᭟ᬢᬦ᭄ᬲᬄᬓᬬᬸᬦᬶᬤᬗᭀᬤ᭞ᬭᬭ
ᬚᭀᬦ᭄ᬢᬶᬮᬫᬓᬦ᭄ᬲᬶᬤ᭄ᬥᬳᬸᬕᬶ᭞ᬫᬫᬜ᭄ᬚᬓ᭄ᬓᬧᬸᬭᬶᬳᬕᬸᬂ᭞ᬲᬓᬾᬂᬳᬶᬤᬲᬂᬦᬣ᭞ᬳᭀᬦᭂᬂᬳᬾᬮᬶᬓ᭄᭞ᬮᬶᬧ᭄ᬬᬵᬭᬶᬂᬰᬰᬡᬦ᭄ᬭᬢᬸ᭞ᬢ
ᬦᬾᬭᬂᬭᬶᬂᬳᬸᬚᬃᬧᬭ᭞ᬲᭀᬓ᭄ᬲᬶᬤ᭄ᬥᬵᬗᬸᬮᬸᬭᬶᬦ᭄ᬓᬧ᭄ᬢᬶ᭟ᬲᬧᬸᬦᬶᬓᬵᬓᬭᬸᬫᬲ᭞ᬓᬬᬸᬦᬶᬤᬢᬦ᭄ᬫᬭᬶᬗ᭄ᬕᬯᬾᬯᬾᬘᬶ᭞ᬅᬗ᭄ᬓᬭᬫᬹᬃᬓ᭄ᬓᬵᬓᬧᬶᬮᬸ
