Kaca:Bali-lontar-gaguritan-rarajonti-350ppi.pdf/81

Saking Wikisource
Kaca puniki sampun kauji-wacén

[ ᭘᭐ 80A]
᭘᭐᭞
ᬮᬕᬜᬯᬸᬭᬶᬦ᭄᭞ᬚᬮᬦᬤᬶᬓᬕ᭄ᬥᭀᬗᬦ᭄᭞ᬤᬶᬢᬸᬩ᭄ᬮᬶᬫᬶᬢᬸᬢᬸᬭᬶᬦ᭄᭟ᬢᬗᬦᬾᬭᬭᬶᬲ᭄ᬓᬢᬸᬦ᭄ᬢᬸᬦ᭄᭞ᬲᬂᬓᬮᬶᬄᬓᬕ᭄ᬥᭀᬂᬗ᭄ᬭᬜ᭄ᬚᬶᬂ᭞ᬢ
ᬦ᭄ᬲᬦ᭄ᬤᬂᬫᬮᬶᬄᬩᬯᭀᬲᬂ᭞ᬲᭀᬢᬦᬶᬂᬳᬯᭀᬃᬲᬭᬕᬶ᭞ᬳᬦᬓ᭄ᬯᬯᬸᬧᬗᬦ᭄ᬢᬾᬦᬦ᭄᭞ᬓᬲ᭄ᬫᬭᬦ᭄ᬦᬯᬸᬂᬓᬭᬰ᭄ᬫᬶᬦ᭄᭟᭐᭟ᬲ᭄ᬫᬭᬦ᭄ᬥᬦ᭟
ᬳᬶᬗ᭄ᬕᬶᬄᬬᬦᬓᬸᬤᬂᬰᬰᬶᬄ᭞ᬲᬫ᭄ᬧᬸᬦ᭄ᬮᬶᬦ᭄ᬢᬂᬘᬶᬦᬭᬶᬢ᭞ᬭᬭᬚᭀᬦ᭄ᬢᬶᬭᬶᬂᬧᬢᬸᬭᭀᬦ᭄᭞ᬲᬋᬂᬭᬶᬂᬤᬶᬧᬢᬶᬂᬮᬕ᭞ᬦᬫ᭄ᬢᬫᬶᬦ᭄ᬓᬮᬾᬥᬗᬦ᭄᭞ᬲᬲᬸ
ᬓᬢ᭄ᬫᬢᬸᬮᬓ᭄ᬫᬦ᭄ᬢᬸᬓ᭄᭞ᬲᬓᬶᬂᬩᬮᬶᬧ᭄ᬘᬓ᭄ᬮᬸᬗ᭄ᬳᬵ᭟ᬢᭂᬫ᭄ᬩᬾᬲ᭄ᬫᭂᬗᬦ᭄ᬫᬢᬗᬶ᭞ᬭᬭᬚᭀᬦ᭄ᬢᬶᬓᬧᬸᬧᬸᬗᬦ᭄᭞ᬭᬶᬂᬳᬫ᭄ᬩᬾᬦ᭄‌ᬮᭀᬚᬶᬦᬾᬩᭂ
[ ᭘᭑ 81A]
ᬗᭀᬂ᭞ᬢᬸᬯᭂᬓ᭄ᬘᬘᬶᬗᬓᬾᬲᬯᬢ᭄᭞ᬭᬶᬢᬫ᭄ᬧᬸᬮᬾᬫᬲᬥᬄ᭞ᬲ᭄ᬯᬪᬯᬦᬾᬲ᭄ᬫᬂᬲᭂᬦ᭄ᬤᬸ᭞ᬤ᭄ᬓᬲ᭄ᬤᭂᬓᭂᬲ᭄ᬫᬧᬗᭂᬦᬦ᭄᭟ᬳᭀᬲᬄᬢᬦ᭄ᬚᭂᬦᭂᬓ᭄ᬫᬮᬶ
ᬗ᭄ᬕᬶᬄ᭞ᬓᬲᬃᬓᬾᬲᬾᬃᬗᬸᬭᬶᬓ᭄ᬢᬦᬄ᭞ᬗᬸᬦ᭄ᬢᬸᬮᬂᬢᬦ᭄ᬫᬭᬶᬗᬾᬧᭀᬦ᭄᭞ᬭᬸᬧᬓᬤᬶᬗ᭄ᬭᬫ᭄ᬩᬂᬲᬯᬂ᭞ᬢᬸᬮ᭄ᬬᬩᬸᬮᬦ᭄ᬧᬹᬃᬡ᭄ᬦᬫ᭞ᬓᬲᬧᬸᬢᬦ᭄ᬫᬾᬖ
ᬫᭂᬦ᭄ᬤᬸᬂ᭞ᬋᬫᬺᬫᬸᬘᭂᬫ᭄‌ᬢᬦ᭄ᬧᬢᬾᬚ᭟ᬩ᭄ᬬᬄᬧᬭᬓᬢᬭᬾᬂᬮᬶᬭᬶᬂ᭞ᬲᬯᬶᬭᬾᬄᬧᭀᬮᬶᬄᬜᬸᬫ᭄ᬧ᭄ᬦᬵ᭞ᬲᬶᬧ᭄ᬢᬵᬫᬗ᭄ᬕᬸᬳᬶᬲᭂᬗᬮᬶᬸᬯᭀᬦ᭄᭞ᬢᬦ᭄ᬲᬄ
ᬤᬤᭀᬲ᭄ᬭᬭᬫ᭄ᬩᬗᬦ᭄᭞ᬓᭀᬘᬧ᭄ᬤᬶᬧᬢᬶᬂᬮᬕ᭞ᬗᬢᬩ᭄ᬢᬩ᭄ᬯᬯᬸᬫᬯᬸᬗᬸ᭞ᬓᬧᬸᬧᬸᬗᬦ᭄ᬧᬢᬶᬕᬩᬕ᭄᭟ᬭᬭᬚᭀᬦ᭄ᬢᬶᬢᬦ᭄ᬓᬧᬗ᭄ᬕᬶᬄ᭞