Kaca:Bali-lontar-gaguritan-rarajonti-350ppi.pdf/77

Saking Wikisource
Kaca puniki sampun kauji-wacén

[ ᭗᭖ 76B]
᭗᭖᭞
ᬮᬓ᭄ᬱᬓᬾᬂᬩᬮᬶ᭟ᬲᬳᬸᬃᬫᬦᬸᬓ᭄ᬭᬾᬜ᭄ᬘᬗᬾᬯᬦ᭄ᬢᬄᬫᬶᬲᬥ᭄ᬬ᭞ᬗᬸᬓᬸᬩᬶᬦ᭄ᬲᬋᬂᬲᬫᬶ᭞ᬧᬸᬭᬶᬦᬾᬭᬶᬂᬧ᭄ᬭᬬᬵ᭞ᬯᬸᬲ᭄ᬧᬸᬧᬸᬢ᭄ᬧᬲᭂᬗ᭄ᬓᬾᬢ᭞ᬭᬭ
ᬚᭀᬦ᭄ᬢᬶᬦᬸᬮᬶᬗ᭄ᬭᬜ᭄ᬚᬶᬂ᭞ᬭᬶᬂᬧᬓᭀᬍᬫᬦ᭄᭞ᬲᬂᬮᬸᬗ᭄ᬳᬵᬤᬾᬦ᭄ᬓᬶᬦᬦ᭄ᬢᬶ᭟᭐᭟ᬕᬶᬦᬦ᭄ᬢᬶ᭟ᬦᬾᬫᬗ᭄ᬓᬶᬦ᭄ᬫᬮᬶᬄᬓᬯᬸᬯᬸᬲ᭄᭞ᬲᬂᬮᬸᬗ᭄ᬳᬵᬓᬩᬮᬶᬓ
ᬫ᭄ᬧᬶᬄ᭞ᬓᬦ᭄ᬢᬸᬦ᭄ᬭᬶᬂᬲᬸᬱᬮᬾᬫ᭄ᬩᭀᬗᬦ᭄᭞ᬫᬲ᭄ᬦᭂᬓᬦ᭄ᬲᬋᬂᬲᬫᬶ᭞ᬚᬦ᭄ᬢᭀᬲ᭄ᬮᬶᬫᭀᬮᬲ᭄ᬭᬳᬶᬦ᭞ᬳᬶᬭᬶᬓᬵᬜᬦ᭄ᬢᭀᬲᬂᬲᬫᬶ᭟ᬢᭀᬬᬦ᭄ᬲᬕᬭ
ᬦᬾᬢ᭄ᬥᬸᬄ᭞ᬯᬯᬸᬧᬸᬭᬸᬦ᭄ᬲᬋᬂᬲᬫᬶ᭞ᬓᬲᬲᬓ᭄ᬢᬸᬮᬓ᭄ᬫᬮᬬᬃ᭞ᬦᬗ᭄ᬳᬶᬂᬦᬧᬶᬳᬗ᭄ᬕᬾᬦ᭄ᬫᬗ᭄ᬓᬶᬦ᭄᭞ᬚᬗ᭄ᬕᭀᬮᬦᬾᬲᬫ᭄ᬧᬸᬦ᭄ᬩᭂᬜᬄ᭞ᬢᬦ᭄ᬓᬾᬗᬶ
[ ᭗᭗ 77A]
ᬦ᭄ᬮᬬᬭᬂᬫᬮᬶᬄ᭟ᬳᬕᭂᬢ᭄ᬧᭀᬮᬶᬄᬦᬸᬫ᭄ᬧᬂᬧ᭄ᬭᬳᬸ᭞ᬚᬸᬭᬕᬦᬾᬩᬗ᭄ᬰᬩᬸᬕᬶᬲ᭄᭞ᬲᬸᬫᬗ᭄ᬕᬸᬧ᭄‌ᬫ᭄ᬯᬢ᭄ᬓᬲᬲᬓ᭄᭞ᬭᬯᬶᬂᬩᬩᬜ᭄ᬚᬭᬦ᭄ᬲ
ᬫᬶ᭞ᬭᬶᬂᬲᬫ᭄ᬧᬸᬦᬾᬲᬫᬶᬫᬸᬗ᭄ᬕᬄ᭞ᬧ᭄ᬭᬳᬸᬦᬾᬫᬮᬬᬃᬗ᭄ᬲᬶᬃ᭟ᬢ᭄ᬯᬭᬓᬧᬧᬕ᭄ᬓᬧᬗ᭄ᬕᬶᬄ᭞ᬧ᭄ᬭᬳᬸᬦᬾᬫᬮᬬᬃᬕᬲᬶᬃ᭞ᬢᭂᬫ᭄ᬧᬸᬄᬳᬗᬶᬦ᭄‌ᬗᭂᬩᬾᬃ
ᬩᬶᬤᬓ᭄᭞ᬧᬗᬸᬗ᭄ᬲᬶᬦᬾᬩ᭄ᬦᭂᬃᬓᬗᬶᬦ᭄᭞ᬲᬓ᭄ᬱᬡᬭᬯᬸᬄᬭᬶᬂᬲᬲᬓ᭄᭞ᬫᬮᬩᬸᬄᬭᬶᬂᬮᬩ᭄ᬯᬦ᭄ᬢ᭄ᬭᬶᬂ᭟ᬫᬓᬲᬫᬶᬲᬫ᭄ᬧᬸᬦ᭄ᬢᭂᬥᬸᬦ᭄᭞ᬭᬯᬶᬂᬩᬩ
ᬡ᭄ᬥᬭᬦ᭄ᬳᬶᬗ᭄ᬓᬶᬤ᭄᭞ᬲᬓᬶᬂᬳᬶᬭᬶᬓᬫᬥᬭᬢ᭄᭞ᬗᬗᬶᬦᬂᬜ᭄ᬚᬸᬭᬸᬃᬧᭀᬄᬚᭂᬗ᭄ᬕᬶ᭞ᬢᬦ᭄ᬓᬘᬭᬶᬢᬵᬭᬶᬂᬫᬃᬕ᭄ᬕ᭞ᬲᬕᬾᬢ᭄ᬭᬯᬸᬄᬭᬶᬂᬧᭀᬄᬚᭂᬗ᭄ᬕᬶ᭟ᬭᬶᬂ