[ ᭕ 5B]
᭕᭞
ᬳᬓᬃ᭞ᬤ᭄ᬫᬂᬭᬗ᭄ᬕᬵᬧ᭄ᬭᬯᬗ᭄ᬰ᭞ᬫ᭄ᬯᬂᬭᬗ᭄ᬕᬵᬳᬸᬮᬸᬂᬢᬦ᭄ᬓᬭᬶ᭞ᬲᬫ᭄ᬧᬸᬦ᭄ᬲᬶᬦᬾᬪ᭞ᬗᬢ᭄ᬧᬤᬚᭂᬂᬰ᭄ᬭᬶᬳᬚᬶ᭟ᬲᬕᬾᬢ᭄ᬓᭀᬥᬮ᭄ᬰ᭄ᬭᬶᬦᬭᬾᬦ᭄ᬤ᭄ᬭᬭᬶᬂᬩᬜ᭄ᬘᬶᬗᬄ᭞
ᬲᬳᬢ᭄ᬥᬸᬂᬧᬗᬯᬶᬦ᭄᭞ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬋᬂᬗᬶᬭᬶᬂᬓᬚᬩ᭞ᬲᬂᬧ᭄ᬭᬪᬸᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄ᭞ᬭᬶᬂᬲᬶᬗ᭄ᬳᬵᬲᬡ᭞ᬲᬸᬫᬸᬬᬸᬕ᭄ᬲᬂᬫᬦᬗ᭄ᬓᬶᬮ᭄᭟ᬲᬳᬲᭂᬫ᭄ᬩᬄ
ᬫ᭄ᬤᭂᬓ᭄ᬩᬓ᭄ᬧᬤᬦ᭄ᬲᬂᬦᬵᬣ᭞ᬲᬫ᭄ᬧᬸᬦ᭄ᬫᬢᬢᬮᬶᬗ᭄ᬕᬶᬄ᭞ᬦᬭᬾᬦ᭄ᬤ᭄ᬭᬗᬦ᭄ᬤᬶᬓ᭞ᬜᬫᬩ᭄ᬭᬬᬤᬶᬗᭂᬳᬂ᭞ᬧᬫ᭄ᬓᬲ᭄ᬲᬂᬧᬭᬫᬦ᭄ᬢ᭄ᬭᬶ᭞ᬳᬚᬓ᭄ᬫᬓ᭄ᬚᬂ᭞ᬗᬢᭂᬓ᭄ᬳᬶᬥᭂᬧᬾᬚ
ᬦᬶ᭟ᬳᬧᬂᬬᬢ᭄ᬦᬗᬢᭂᬄᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬧᬶᬦᬓᬵᬲᬾᬦᬧᬢᬶ᭞ᬗᭂᬩᬸᬕ᭄ᬤᬾᬰᬧ᭄ᬭᬬᬵ᭞ᬜᭂᬗᬳᬂᬮᬶᬗ᭄ᬕᬶᬄᬳᬶᬭ᭞ᬭᬾᬄᬭᬗ᭄ᬕᬫᬲ᭄ᬢᬧᭀᬦ᭄ᬩᬦᬶ᭞
[ ᭖ 6A]
ᬘᭀᬗᬄᬫᬫᬦ᭄ᬤᬮ᭄᭞ᬦᬕᬶᬄᬫᬮᬶᬓᬂᬕᬸᬫᬶ᭟ᬨᬮᬦ᭄ᬲᬂᬧᬂᬧ᭄ᬭᬲᬗ᭄ᬕᬢ᭄ᬓᬦᬶᬗᬶᬭ᭚ᬬᭀᬕ᭄ᬬᬚᬦᬶᬧᬢᬾᬦᬶᬦ᭄᭞ᬲᬂᬫᬫ᭄ᬗᭂᬓ᭄ᬤᬸᬄᬰᬶᬮ᭞ᬯ᭄ᬦᬂᬓᬭᬚ
ᬤᬬ᭞ᬲᬳᬸᬃᬧᬓ᭄ᬱᬶᬲᬂᬫᬦᬗ᭄ᬓᬶᬮ᭄᭞ᬤᬸᬄᬲᬸᬲᬸᬳᬸᬦᬦ᭄᭞ᬢᬶᬢ᭄ᬬᬂᬫᬶᬲᬥ᭄ᬬᬗᬶᬭᬶᬂ᭟ᬲᬧᬦᬶᬢᬄᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭞ᬫᬢᬾᬦᬶᬓ᭄ᬭᬓ᭄ᬭ᭄ᬬᬦ᭄
ᬧᬢᬶᬄ᭞ᬲᬂᬫᬩᬸᬤ᭄ᬥᬶᬘᭀᬗᬄ᭞ᬲᬸᬫᭂᬮᬾᬂᬫᬦᬯᬶᬢ᭞ᬢᬶᬢ᭄ᬬᬂᬲᬳᬶᬭᬶᬂᬫᬕᬸᬢᬶᬦ᭄᭞ᬤᬸᬫᬤᬓ᭄ᬲᬶᬤ᭄ᬥ᭞ᬯᬧᬸᬄᬯᬢᭂᬓ᭄ᬤᬸᬃᬩᬸᬤ᭄ᬥᬶ᭟ᬲᬧᬸᬦᬶᬓᬵᬲ
ᬗ᭄ᬕᬧ᭄ᬫᬜ᭄ᬘᬧᬸᬗ᭄ᬕᬯ᭞ᬮᬗ᭄ᬓᬸᬂᬮᬾᬥᬂᬰ᭄ᬭᬶᬳᬚᬶ᭞ᬫᬮᬶᬄᬫᬯᬘᬡ᭞ᬭᬶᬂᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬮᬳᬸᬢᬂᬤᬩ᭄ᬤᬩᬂᬚᬦᬶ᭞ᬬᬦ᭄ᬲᬸᬩᬲᬶᬤ᭄ᬥ᭞ᬭᬗ᭄ᬕᬫᬲ᭄ᬢ
Kaca:Bali-lontar-gaguritan-rarajonti-350ppi.pdf/6
Kaca puniki sampun kauji-wacén
