[ ᭕᭐ 50B]
᭕᭐᭞
ᬦᬂ᭞ᬦᭂᬧᭀᬲ᭄ᬫᬭᬶᬂᬧᬲᬶᬲᬶ᭟ᬕᬕᬜ᭄ᬘᬗᬦ᭄ᬫᬫᬃᬕ᭄ᬕᬶᬢᬦᬶᬫᬦᬶᬫᬦ᭄᭞ᬯᬸᬲ᭄ᬭᬸᬯᬸᬄᬭᬶᬂᬕᬸᬫᬶᬘᬶᬓ᭄᭞ᬫᬫᬃᬕ᭄ᬕᬗᬗᬶᬦᬂ᭞ᬤᬾᬰᬍᬩᬶᬄᬓᬳᬸᬦ᭄ᬢᬢ᭄᭞ᬢ
ᬍᬃᬓᬦ᭄ᬢᬸᬦ᭄ᬗᬸᬗ᭄ᬲᬶᬓᬗᬶᬦ᭄᭞ᬭᬶᬂᬢ᭄ᬕᬮ᭄ᬩᭂᬲᬃ᭞ᬗᬮᬾᬭᬓᬗᬶᬦᬂᬗᬸᬗ᭄ᬲᬶ᭟ᬤᬾᬰᬮᬾᬧᬂᬲᬓᬾᬂᬳᬶᬭᬶᬓᬵᬗᬮᬾᬭᬂ᭞ᬤᬾᬰᬢᬓ᭄ᬫᬸᬂᬓᬧᬗ᭄ᬕᬶᬄ᭞ᬮᬶᬦ᭄ᬢᬂᬳᬸᬫᬵᬮ
ᬗ᭄ᬲᬢ᭄᭞ᬗᬗᬶᬦᬂᬓᬚ᭄ᬭᭀᬓᬸᬣ᭞ᬩᬜ᭄ᬘᬶᬗᬄᬓ᭄ᬮᬸᬗ᭄ᬓᬸᬂᬓᬧᬗ᭄ᬕᬶᬄ᭞ᬦᬸᬮᬶᬫᬭᬃᬬ᭄ᬬᬦ᭄᭞ᬭᬶᬂᬲᭀᬢᬭᬸᬯᬭᬶᬗᬶᬦ᭄᭟ᬩᭂᬗᭀᬂᬳᬗᭀᬩ᭄ᬤᬶᬧᬢᬶᬂᬮᬕ
ᬗᬦ᭄ᬢᭂᬦᬂ᭞ᬓᬤᬶᬭᬶᬂᬤ᭄ᬯᬭᬯᬢᬶ᭞ᬧᬸᬭᬶᬲ᭄ᬫᬭᬭᬚ᭄ᬬ᭞ᬧᬢᭂᬄᬭᬶᬂᬲ᭄ᬯᬾᬘ᭄ᬘᬧᬸᬭ᭞ᬭᬶᬓ᭄ᬮᬸᬗ᭄ᬓᬸᬂᬫᬗ᭄ᬓᬶᬦ᭄ᬫᬕᬶᬗ᭄ᬲᬶᬃ᭞lᬳᬶᬗ᭄ᬕᬶᬄᬲᬂᬦᬵᬣ᭞ᬫᬸᬦ᭄ᬤᭂᬭᬂᬚᬕᬢ᭄ᬩᬮᬶ᭟
[ ᭕᭑ 51A]
ᬤ᭄ᬯᬭᬳᬕᬸᬂᬮ᭄ᬯᬶᬃᬧᬾᬦ᭄ᬤᬄᬕᬸᬯᬸᬂᬫᬡ᭄ᬥᬭ᭞ᬧᬤᬸᬭᬓ᭄ᬱᬫᬳᬸᬓᬶᬃ᭞ᬫᬧᬫ᭄ᬥᬮ᭄ᬓᬚ᭞ᬢᭀᬕᭀᬕ᭄ᬧᬗᬧᬶᬢ᭄ᬮᬯᬶ᭞ᬫᬧᬶᬡ᭄ᬥᬭᬵᬓ᭄ᬱᬲᬦᭂᬗ᭄ᬓᬶᬓ᭄᭞ᬗᬕᭂ
ᬫ᭄ᬲᬜ᭄ᬚᬢ᭞ᬘᬭᬜ᭄ᬓᬸᬓ᭄ᬫᬫᬦ᭄ᬢᬶᬂ᭟ᬓᬭᬂᬪᭀᬫᬩᬤᬸᬳᬸᬃᬓᬭᬸᬭᬓᬭ᭞ᬜᭂᬩᬓ᭄ᬭᬾᬗ᭄ᬕᬄᬫᬘᬮᬶᬂᬅᬃᬱᬜᬧ᭄ᬮᭀᬓ᭄ᬜᬭᬧ᭄᭞ᬕᬮᬓ᭄ᬜᭂᬮᬾᬧᬂᬮᬬᬄ
᭞ᬤᭀᬢ᭄ᬫᬓᬶᬢᬵᬜᬾᬭᬾᬢ᭄ᬕᭂᬢᬶᬄ᭞ᬓᬭᬸᬭᬭᬸᬧ᭞ᬗ᭄ᬭᬲ᭄ᬋᬱᬶᬦ᭄ᬫᬦᬓᬸᬢᬶᬦ᭄᭟ᬍᬫ᭄ᬩᬸᬳᬕᬸᬂᬧᬦ᭄ᬢᭂᬲ᭄ᬜᬦ᭄ᬤᬂᬓᬺᬢ᭄ᬢᬖᭀᬱ᭞ᬩᬜ᭄ᬘᬶᬗᬄᬫᬜ᭄ᬘᬓ᭄ᬲᬚᬶ
᭞ᬢᬦ᭄ᬢᬸᬓ᭄ᬩᬢᬸᬕᬮᬂ᭞ᬧᬯᬶᬚᬶᬮᬦ᭄ᬮᭀᬃᬲᬩ᭄ᬭᬂ᭞ᬯᬦ᭄ᬢᬶᬮᬦᬾᬢ᭄ᬕᭂᬄᬗᭂᬜ᭄ᬘᬶᬓ᭄᭞ᬫᬢᬸᬫ᭄ᬧᬂᬢᬶᬕ᭞ᬯᬮᬸᬬᬜᬸᬘᬸᬓ᭄ᬮᬗᬶᬢ᭄᭟ᬩᬭᬓ᭄ᬗᭂᬦ᭄ᬤᬶᬄᬧᬜᭂ
Kaca:Bali-lontar-gaguritan-rarajonti-350ppi.pdf/51
Kaca puniki sampun kauji-wacén
