Kaca:Bali-lontar-gaguritan-rarajonti-350ppi.pdf/47

Saking Wikisource
Kaca puniki sampun kauji-wacén

[ ᭔᭖ 46B]
᭔᭖᭞
ᬓᬕ᭄ᬬᬢ᭄᭞ᬳᬢᬸᬭᬾᬲᬭᭀᬭ᭄ᬯᬦ᭄ᬢᬗᬶᬲ᭄᭞ᬤᬸᬄᬩ᭄ᬮᬶᬢᬶᬢ᭄ᬬᬂᬦ᭄ᬤᬢᭂᬕᬂ᭞ᬳᬶᬘ᭄ᬘᬾᬦᬸᬕᬶᬢᬶᬢ᭄ᬬᬂᬦᬸᬢᬸᬕ᭄᭞ᬲᬢᬶᬩᬵᬧᬭᬦᬶᬂᬮᬫ᭄ᬧᬄ᭞ᬢᬶᬢ᭄ᬬᬂᬗᬶᬭᬶᬂ᭞
ᬲᬫ᭄ᬧᬸᬦ᭄ᬩᭂᬮᬶᬗᬸᬢᬂᬢᬶᬢ᭄ᬬᬂ᭟ᬚᬕᬵᬦᬧᬶᬢᬶᬢ᭄ᬬᬂᬚᬸᬫᬄ᭞ᬲᬧᬲᬶᬭᬬᭀᬕ᭄ᬬᬗᬶᬭᬶᬂ᭞ᬬᬦ᭄ᬩᭂᬮᬶᬫᬦ᭄ᬢᬸᬓ᭄‌ᬓᬢ᭄ᬬᬜᬃ᭞ᬲᬯᬸᬲᬦ᭄ᬦᬗ᭄ᬓᬶᬮ᭄ᬓᬓ᭄ᬮᬸᬗ᭄ᬓᬸᬂ᭞
ᬲᬓᬶᬂᬮᬫᬶᬢᬶᬢ᭄ᬬᬂᬗᬗ᭄ᬓᬲ᭄᭞ᬫᬗ᭄ᬤᬳᬸᬦᬶᬂᬭᬶᬂᬧᬸᬭᬶᬦ᭄ᬩᭂᬮᬶᬳᬶᬭᬶᬓᬵ᭟ᬤᬾᬦᬶᬂᬓᬲ᭄ᬢᬯᬭᬶᬂᬲᬲᬓ᭄᭞ᬪᬝᬵᬭᬮᬮᬗᬶᬢ᭄ᬩᭂᬮᬶ᭞ᬢᬸᬫ᭄ᬩᬶᬂᬅᬃᬬ᭄ᬬᬕᬚᬄ
ᬧᬭ᭞ᬲᬲᬸᬓᬢ᭄ᬭᬶᬂᬩᬮᬶᬢ᭄ᬥᬸᬦ᭄᭞ᬦᬸᬗ᭄ᬓᬸᬮ᭄ᬲᬯᭀᬂᬩᬮᬶᬅᬕ᭞ᬦᬸᬦᬲᬸᬭᬶᬧ᭄᭞ᬭᬶᬂᬰ᭄ᬭᬶᬓᬺᬱ᭄ᬡᬵᬓᬧᬓᬶᬲᬦ᭄᭟ᬳᬤᬶᬧᬢᬶᬭᬶᬂᬲᬫ᭄ᬧ᭄ᬭᬗᬦ᭄

[ ᭔᭗ 47A]
᭞ᬲᬂᬕᬸᬡᬕᬡᬭᬶᬂᬩᬮᬶ᭞ᬯᬶᬢᬸᬭᬸᬦ᭄‌ᬓ᭄ᬭ᭄ᬬᬦ᭄ᬕᬚᬄᬫᬥ᭞ᬭᬸᬫᬓ᭄ᬱᬧᭀᬮᬶᬡᬩᬗ᭄ᬲᬸᬮ᭄᭞ᬳᬢᬶᬦ᭄ᬤᬶᬄᬓᬧ᭄ᬭᬪᭀᬜ᭄ᬚᬯ᭞ᬫᬚᬧᬳᬶᬢ᭄᭞ᬲᬧᬸ
ᬦᬶᬓᬵᬳᬸᬚᬃᬧᬭ᭟ᬧᬸᬦᬶᬓᬳᬯᬶᬦᬦ᭄ᬢᬶᬢ᭄ᬬᬂ᭞ᬤᭀᬢ᭄ᬗᬶᬭᬶᬂᬩ᭄ᬮᬶᬓᬩᬮᬶ᭞ᬫᬗ᭄ᬳᬳᬸᬦᬶᬂᬚᬕᬢ᭄ᬢ᭄ᬬᬜᬃᬫᬸᬂᬧᬸᬂᬩ᭄ᬮᬶᬜᬥ᭄ᬬᬵᬫᬦ᭄ᬢᬸᬓ᭄᭞ᬦᬵᬗ᭄ᬳᬶᬂᬬᬦ᭄ᬢᬦ᭄ᬓᬤᬶᬓᬾᬫ
ᬤ᭄᭞ᬓᬬᬸᬦ᭄ᬩᭂᬮᬶ᭞ᬫᬶᬭᬶᬗᬦ᭄‌ᬢ᭄ᬯᬂᬰ᭄ᬭᭀᬦᬶᬲ᭄ᬢᬸᬭ᭟ᬓᬗᭂᬦ᭄ᬤᬶᬧᬢᬶᬂᬮᬕ᭞ᬫᬶᬋᬂᬳᬢᬸᬃᬭᬭᬚᭀᬦ᭄ᬢᬶ᭞ᬗᬲᬶᬳᬲᬶᬄᬗ᭄ᬮᬤ᭄ᬧ᭄ᬭᬡ᭞ᬲᬭᬢ᭄ᬫᬧᬶᬤᬯᭂᬕ᭄ᬦᬸ
ᬢᬸᬕ᭄᭞ᬓᬤᬶᬗ᭄ᬢᬸᬲ᭄ᬳᬸᬮᬸᬦᬵᬃᬱ᭞ᬳᬤᬸᬄᬳᬤᬶ᭞ᬫᬲ᭄ᬫᬶᬭᬄᬩ᭄ᬮᬶᬳᬶᬤᬾᬯ᭟ᬲᬫ᭄ᬧᬸᬦᬸᬕᬶᬲᬮᬶᬢᬃᬱ᭞ᬩᭀᬬᬲᬗ᭄ᬓᬦᬶᬂᬢᬦ᭄ᬲᬸᬤ᭄ᬥᬶ᭞ᬩ᭄ᬮᬶᬢᬸᬢᬸ