Kaca puniki sampun kauji-wacén
[ ᭔᭕ 45B]
᭔᭕᭞
ᬫᬸᬮᬶᬄ᭞ᬳᬧᬂᬫᬳᬦ᭄ᬫᬓᬶᬦ᭄ᬓᬶᬦᬦ᭄᭟ᬢᬦᬸᬘᬧ᭄ᬳᬶᬤᬲᬂᬦᬵᬣ᭞ᬦᬾᬫᬗ᭄ᬓᬶᬦ᭄ᬢᬸᬢᬸᬭᬂᬫᬮᬶᬄ᭞ᬧᬫᬃᬕ᭄ᬕᬦ᭄ᬤᬶᬧᬢᬶᬂᬮᬕ᭞ᬕᬕᬾᬲᭀᬦ᭄ᬫᬢᬸᬮᬓ᭄ᬫᬦ᭄ᬢᬸᬓ᭄᭞
᭞ᬲᬲᬫ᭄ᬧᬸᬦ᭄ᬭᬯᬸᬄᬭᬶᬂᬧ᭄ᬭᬬ᭞ᬭᬭᬚᭀᬦ᭄ᬢᬶ᭞ᬤᬶᬳᬕᬾᬭᬯᬸᬄᬫᬫᭂᬦ᭄ᬤᬓ᭄᭟ᬫᬗᬢᬸᬭᬂᬯᬲᬸᬄᬧᬤ᭞ᬫᬓᬵᬧᬥ᭄ᬬᬵᬃᬕ᭄ᬖᬵᬘᬫᬡᬶᬲᬓ᭄ᬱᬡ
ᬗᬸᬲᬧᬂᬘᭀᬓᭀᬃ᭞ᬲᬂᬳᬶᬦᬚᬧ᭄ᬯᬳᬸᬭᬯᬸᬄ᭞ᬭᭀᬫᬦᬾᬧᬶᬦᬓᬵᬧᬲᬢᬦ᭄᭞ᬩᬸᬓ᭄ᬲᬤᬓᬶ᭞ᬲᭀᬢᬦᬶᬂᬧᬸᬢ᭄ᬭᬉᬢ᭄ᬢᬫ᭟ᬫᬓᬵᬯᬗᬶᬦᬶᬓᬂ
ᬲᭂᬫ᭄ᬩᬄ᭞ᬲᬸᬰ᭄ᬭᬸᬱᬵᬫᬕᬸᬭᬸᬮᬓᬶ᭞ᬳᬗᬸᬥᬂᬗᬸᬥᬂᬲ᭄ᬯᬩᬃᬬ᭄ᬬ᭞ᬲᬾᬱ᭄ᬝᬓᬵᬭᬢᬫᬾᬂᬮᬓᬸ᭞ᬕᬃᬚ᭄ᬚᬶᬢᬤᬶᬧᬢᬶᬂᬮᬕ᭞ᬬᬦᬸᬧᬫᬶ᭞ᬓᬤᬶᬓ
[᭔᭖ 46A]
ᬦᬶᬭᬢᬦ᭄ᬫᬺᬢ᭄ᬢ᭟ᬤᬶᬦᬕ᭄ᬥᬶᬤᬾᬦᬶᬂᬓᬸᬂᬭᬶᬫᬂ᭞ᬳᬕᬾᬗ᭄ᬮᬸᬢ᭄ᬭᬭᬚᭀᬦ᭄ᬢᬶ,ᬫᬢᬸᬦ᭄ᬢᬸᬦ᭄ᬢᬗᬦ᭄ᬓᬕ᭄ᬥᭀᬂ᭞ᬭᬶᬂᬧᬢᬸᬭᭀᬦ᭄ᬲᬮᬶᬂᬭᬸᬫ᭄ᬭᬸᬫ᭄᭞ᬕᬤᬸᬄᬳᬤᬶ
ᬧᬗᬦ᭄ᬢᬸᬗᬦ᭄᭞ᬳᬸᬭᬶᬧ᭄ᬩᭂᬮᬶ᭞ᬋᬡᬬᬂᬓᬬᬸᬦ᭄ᬳᬶᬤᬾᬯ᭟ᬩᭂᬮᬶᬫᬗ᭄ᬓᬶᬦᬸᬦᬲ᭄ᬮᬸᬕ᭄ᬭ᭞ᬫᬧᬫᬶᬢ᭄ᬮᬸᬯᬲ᭄ᬓᬩᬮᬶ᭞ᬧᬚᬮᬦᬾᬢᬸᬮᬓ᭄ᬯᬮᬶ᭞ᬓᬾ
ᬦ᭄ᬦᬗ᭄ᬓᬶᬓᬓ᭄ᬮᬸᬗ᭄ᬓᬸᬂ᭞ᬫᬫ᭄ᬥᭂᬓ᭄ᬩᬸᬓ᭄ᬧᬤᬦᬶᬤ᭞ᬤᬍᬫ᭄ᬩᬮᬶ᭞ᬚᬸᬫᬄᬳᬤᬶᬳᬧᬂᬫ᭄ᬮᬄ᭟ᬧᬮᬶᬂᬫᬓ᭄ᬮᭀᬳᬩᬸᬮᬦ᭄᭞ᬧᬚᬮᬦᬾᬢᬸᬮᬓ᭄ᬯᬮᬶ᭞ᬓᬾ
ᬯᬮᬲᬸᬩᬧ᭄ᬭᬲᬶᬤ᭄ᬥ᭞ᬧᬗᬸᬢᬸᬲ᭄ᬳᬶᬤᬲᬂᬧ᭄ᬭᬪᬸ᭞ᬲᬶᬦᬄᬮᬓᬭᬦ᭄ᬫᬢᬸᬮᬓ᭄᭞ᬩᭂᬮᬶᬫᬸᬮᬶᬄ᭞ᬢᬦ᭄ᬲᬦ᭄ᬤᬂᬳᬤᬶᬲᬗ᭄ᬰᬬ᭟ᬭᬭᬚᭀᬦ᭄ᬢᬶᬲ᭄ᬫᬸ
