Kaca puniki sampun kauji-wacén
[ ᭔᭓ 43B]
᭔᭓᭞
ᬫᬗ᭄ᬓᬶᬦ᭄ᬭᬭᬶᬲ᭄ᬫᬫᬃᬕ᭄ᬕ᭟ᬧᬫᬃᬕ᭄ᬕᬶᬦᬾᬲᬓᬾᬂᬧ᭄ᬭᬬ᭞ᬕᬜ᭄ᬚᬂᬓᬧᬸᬭᬶᬧᭀᬄᬚᭂᬗ᭄ᬕᬶ᭞ᬢᬦ᭄ᬓᬘᬭᬶᬢᬭᬶᬂᬫᬃᬕ᭄ᬕ᭞ᬓᭀᬘᬧ᭄ᬫᬗ᭄ᬓᬶᬦ᭄ᬲᬫ᭄ᬧᬸᬦ᭄ᬭᬯᬸᬄ᭞
ᬚᬸᬫᬸᬚᬸᬕ᭄ᬫᭂᬥᭂᬓ᭄ᬲᬂᬦᬵᬣ᭞ᬫᬗᬜ᭄ᬚᬮᬶ᭞ᬲᬂᬧ᭄ᬭᬪᬸᬤᬯᬸᬄᬯᬲᬡ᭟ᬤᬸᬄᬘᬳᬶᬤᬶᬧᬢᬶᬂᬮᬕ᭞ᬳᬯᬦᬦᬶᬭᬗᭂᬲᬾᬗᬶᬦ᭄᭞ᬤᬾᬦᬶᬂᬳᬶᬭᬦᬶ
ᬗᭂᬄᬳᭀᬃᬣ᭞ᬓᭀᬦᬾᬦᬾᬚᬦᬶᬤᬶᬓ᭄ᬮᬸᬗ᭄ᬓᬸᬂ᭞ᬧᬸᬭᬶᬦ᭄ᬳᬶᬤᬲᬲᬸᬳᬸᬦᬦ᭄᭞ᬕᬸᬫᬶᬩᬮᬶ᭞ᬤᬾᬯᬵᬕᬸᬂᬚᬫ᭄ᬩᬾᬪᬶᬰᬾᬓ᭟ᬲᬲᬸᬓᬢ᭄ᬲᬂᬫᭀ
ᬝᬘᭀᬗᬄ᭞ᬳᬶᬕᬸᬲ᭄ᬢᬶᬳᬕᬸᬂᬫᬭᬸᬢᬶ᭞ᬕᬸᬮᬶᬧᬸᬭᬶᬕᬾᬮ᭄ᬕᬾᬮ᭄ᬩᭀᬗ᭄ᬮᭀᬢ᭄ᬫᬢᬶᬮᬃᬓᬧ᭄ᬭᬤᭀᬦ᭄ᬭᬭᬸᬲ᭄᭞ᬤᬾᬦᬶᬂᬓᬧᭂᬲᬦ᭄ᬫᬬᬸᬥ᭞ᬫᬲᬸᬄ
[ ᭔᭔ 44A]
ᬢᬦ᭄ᬓᭀᬝᬶᬲᬸᬫᬳᬩ᭄᭟ᬳᬸᬮᬶᬓᬚᬵᬓᬕᬶᬦ᭄ᬜ᭄ᬚᬕ᭄ᬚᬕ᭄᭞ᬲᬶᬓᭂᬧ᭄ᬲᬶᬗᬃᬱᬗᭂᬦ᭄ᬤᭀᬦᬶᬦ᭄᭞ᬓᭀᬦᬾᬳᬸᬮᬶᬓ᭄ᬮᭀᬤ᭄ᬫᬗ᭄ᬓᬢ᭄᭞ᬧᬫᭂ
ᬘᬸᬢᬦ᭄ᬲᬶᬓᭂᬧ᭄ᬩᬥᬸᬂ᭞ᬳᬸᬮᬶᬓᬚᬓᬯᬸᬄᬫᬗ᭄ᬓᬢ᭄᭞ᬗᬍᬤᭀᬦᬶᬦ᭄᭞ᬲᬶᬓᭂᬧ᭄ᬜᬸᬮᬾᬮᬾᬂᬓ᭄ᬢᬶᬬᬦ᭄᭟ᬳᬯᬦᬦ᭄ᬮᬶᬗ᭄ᬕᬃᬱᬧᬸᬭ᭞ᬤᭂᬓ᭄ᬤᭂᬓ᭄ᬮᬶᬤᭂᬓ᭄ᬕᭂ
ᬲᬂᬪᬱ᭄ᬫᬶ᭞ᬤᬤᬶᬧᬕᬸᬬᬗᬦ᭄ᬓᭂᬩᭀ᭞ᬲᬗ᭄ᬓᬦ᭄ᬫᬕᬶᬗ᭄ᬲᬶᬃᬓᬓ᭄ᬮᬸᬗ᭄ᬓᬸᬂ᭞ᬤᬾᬯᬵᬕᬸᬂᬫ᭄ᬩᬯᭀᬲᬶᬦ᭄ᬚᬕᬢ᭄᭞ᬦᬗᬸᬦ᭄ᬧᬸᬭᬶ᭞ᬚᬦᬶᬫᬤᬦ᭄ᬲ᭄ᬫᬭᬧᬸᬭ
᭟ᬚᬦᬶᬘᬳᬶᬳᬸᬢᬸᬲᬶᬭ᭞ᬗᬮᬯᬤ᭄ᬮ᭄ᬯᬲ᭄ᬓᬩᬮᬶ᭞ᬓᬢᬤ᭄ᬧᬗᬸᬪᬓ᭄ᬢᬶᬦᬶᬭ᭞ᬭᬶᬂᬮᬶᬗ᭄ᬕᬶᬄᬳᬶᬤᬤᬾᬯᬕᬸᬂ᭞ᬲᬧᬜ᭄ᬚᬓᬶᬭᬤᬶᬲᬲᬵ
