[ ᭓᭘ 38B]
᭓᭘᭞
ᬤᭀᬲ᭄ᬲᬤ᭄ᬧᬤᬗᬶᬦ᭄ᬤᬗᬶᬦ᭄᭞ᬭᬾᬄᬗᬤᭂᬓ᭄ᬓᬫᬶᬳᬶᬓᬦ᭄᭞ᬤᭀᬬᬦ᭄ᬗᬶᬲᭂᬧ᭄ᬫᬥᬸ᭞ᬭᬶᬂᬲᬭᬶᬦ᭄ᬲ᭄ᬓᬭᬾᬫ᭄ᬓᬃ᭞ᬲᬸᬫᬃᬕᬡ᭄ᬥ᭞ᬩᬶᬮᬶᬄᬬᬦᬵᬤᬶᬤᬸᬫᬤᬶ᭞
ᬦᬕᬲᬭᬶᬳᬸᬧᬫᬶᬜ᭟ᬲᬳᬵᬫᭂᬦ᭄ᬢᬶᬓ᭄ᬳᬕ᭄ᬦᬳᬾᬧᬶᬗᬶᬢ᭄ᬓᬢ᭄ᬗᭂᬢᬂ᭞ᬤᬸᬫᬤᬓ᭄ᬓᬲᬥ᭄ᬬᬦ᭄᭞ᬯ᭄ᬓᬲ᭄ᬢᬸᬫᬶᬢᬶᬲ᭄ᬩᭂᬮᬶᬦᬾ᭞ᬤᬤᬶᬳᭂᬦ᭄ᬢᬶᬓᬦ᭄ᬕᬥᬸᬂ᭞ᬢᬦ᭄ᬫᬭᬶᬮ
ᬓᬃᬗᬮᬶᬮᬶᬢ᭄᭞ᬓᬤ᭄ᬬᬗ᭄ᬕᬦᬶᬂᬳᬗᬲᬦ᭄᭞ᬢᬦᬶᬫᭂᬤ᭄ᬫᬗᭂᬮᬸᬢ᭄᭞ᬫᬢᬶᬳᬶᬤᬸᬧᬚᬓ᭄ᬤᬤ᭄ᬯ᭞ᬫᬓᬸᬋᬡᬦ᭄᭞ᬤᬶᬧ᭄ᬭᬬᬵᬩ᭄ᬮᬶᬫᬕᬸᬫᬶ᭞ᬗᬕᭂᬦ᭄ᬤᬶᬲᬲ
ᬓ᭄ᬫᬲ᭄ᬫ᭟ᬓᬤᬶᬓ᭄ᬚᬸᬲ᭄ᬓᬬᬸᬦ᭄ᬭᬭᬚᭀᬦ᭄ᬢᬶ᭞ᬫᬫᬶᬋᬗᬂ᭞ᬤᬳᬢ᭄ᬜᬸᬓ᭄ᬱ᭄ᬫᬬᬂ᭞ᬢᬸᬢᬸᬃᬤᬶᬧᬢᬶᬂᬮᬕᬦᬾ᭞ᬲᬗ᭄ᬓᬦ᭄ᬜᭂᬭᬄᬓᬕ᭄ᬮᬸᬢ᭄᭞ᬩᭀᬬᬫᬮᬶᬄ
[ ᭓᭙ 39A]
ᬫᬗ᭄ᬓ᭄ᬭᬓ᭄ᬫᬗ᭄ᬓ᭄ᬭᬶᬓ᭄᭞ᬭᬾᬄᬳᬦ᭄ᬤᭂᬮ᭄ᬭᬶᬂᬳᬸᬪ᭄ᬬᬬ᭞ᬫᬕ᭄ᬢᬶᬄᬳᬩᬸᬂᬩᬸᬂ᭞ᬳᭀᬕᬦ᭄ᬢᬸᬢᬸᬢ᭄ᬓᬋᬩᬳᬂ᭞ᬭᬶᬂᬧᬫᬺᬫᬦ᭄᭞ᬕᬍᬗᬶᬦ᭄ᬢᬗᬦ᭄ᬚᬗ᭄ᬓᬸᬢᬶᬦ᭄᭞ᬳᬸ
ᬭᬸᬢ᭄ᬳᬸᬭᬸᬢ᭄ᬤᭀᬧ᭄ᬤᭀᬧ᭄ᬤᬶᬫᬦ᭄᭟ᬢᬸᬮ᭄ᬬᬓᬤᬶᬓᬸᬫ᭄ᬩᬂᬗᬶᬲᭂᬧ᭄ᬲᬭᬶ᭞ᬬᬦ᭄ᬲᬯᬗᬂ᭞ᬤᬶᬦᬕ᭄ᬥᬶᬓᬸᬂᬭᬶᬫᬂ᭞ᬢᬦ᭄ᬲᬄᬗᬶᬮᬶᬢᬂᬧᬸᬧᬸᬦᬾ᭞ᬗᭂᬩᬸᬲ᭄ᬤᬶ
ᬗᬶᬦ᭄ᬳᬸᬮᬗᬸᬦ᭄᭞ᬲᬂᬲ᭄ᬥᭂᬓ᭄ᬦᬯᬓᬭᬰ᭄ᬫᬶᬦ᭄᭞ᬲᬕᬾᬢᬦ᭄ᬫᬧ᭄ᬮᬾᬗ᭄ᬲᬕᬦ᭄᭞ᬭᬭᬚᭀᬦ᭄ᬢᬶᬗᬤᬸᬄ᭞ᬢᬦ᭄ᬓᭂᬚᬸᬢ᭄ᬫᬚᭀᬕ᭄ᬭᭀᬄᬢᬗ᭄ᬓᬄ᭞ᬫᬧ᭄ᬮᬯᬦᬦ᭄᭞
ᬤᬶᬧᬢᬶᬂᬮᬕᬗᬋᬗᬶᬄ᭞ᬢᬳᭂᬦᬶᬂᬳᬤᬶᬚᬚᬳᬦ᭄᭟ᬭᬭᬚᭀᬦ᭄ᬢᬶᬲᭂᬤ᭄ᬲᭂᬤ᭄ᬗᭂᬧᭂᬲ᭄ᬢᬗᬶᬲ᭄᭞ᬓᬦᬶᬦ᭄ᬭᬳᬢ᭄᭞ᬢᬦ᭄ᬲᬄᬲᬫ᭄ᬩᬢ᭄ᬲᬫ᭄ᬩᬢ᭄᭞
Kaca:Bali-lontar-gaguritan-rarajonti-350ppi.pdf/39
Kaca puniki sampun kauji-wacén
