Kaca puniki sampun kauji-wacén
[ ᭓᭔ 34B]
᭓᭔᭞
ᬲᬄ᭞ᬢᬦ᭄ᬲᬄᬩ᭄ᬬᬧᬭᬓᬬᬸᬦᬾ᭞ᬤᬾᬦᬶᬂᬢᭂᬫ᭄ᬩᬾᬫᬢ᭄ᬭᬸ᭞ᬭᬶᬂᬕᭂᬥᭀᬗᬦ᭄ᬲᬋᬂᬓᬮᬶᬄ᭞ᬬᬤᬶᬦ᭄ᬤᬶᬧᬢᬶᬂᬮᬕ᭞ᬓᬤᬶᬳ᭄ᬬᬂᬳᬢᬦᬸ᭞ᬲᭀ
ᬢᬦᬶᬂᬧᬸᬢ᭄ᬭᬶᬉᬢ᭄ᬢᬫ᭞ᬓᬦ᭄ᬢᬸᬦ᭄ᬓᬾᬫᬤ᭄᭞ᬫᬧᬧᬲ᭄ᬘᬶᬗᬓ᭄ᬓᬩᬶᬮ᭄ᬩᬶᬮ᭄᭞ᬢᬓᭂᬳᬾᬘᬭᬍᬓ᭄ᬚᭂᬗᬄ᭟ᬚᭂᬚᭂᬄᬗᭂᬢᭀᬃᬓᬤᬶᬧᬶᬢᬶᬓ᭄ᬗᭂᬧᬶᬮ᭄᭞ᬓᬲᬶ
ᬓᭂᬧᬦ᭄᭞ᬓᭂᬲ᭄ᬓᭂᬲ᭄ᬫᬓᬶᬍᬲᬦ᭄᭞ᬳᬸᬬᬂᬭᬶᬂᬢ᭄ᬗᬄᬩᬮᬾᬦᬾ᭞ᬫᬲᬶᬤᬓᭂᬧ᭄ᬓᬩᬸᬘᬸ᭞ᬲᬶᬦᬄᬯ᭄ᬯᬶᬫᬢᬚᬸᬄᬮᬶᬮᬶᬢ᭄᭞ᬭᬶᬂᬲᬗ᭄ᬮᬤᬾᬫᬲᬤᬄ᭞ᬜ
ᬍᬤᭂᬕᬂᬗᬸᬦ᭄ᬢᬸᬮ᭄᭞ᬤᬶᬧᬢᬶᬂᬮᬕᬫᬗ᭄ᬕᬮ᭞ᬗᬭᬲᬭᬲ᭄᭞ᬢᬦ᭄ᬫᬭᬶᬫᬗᬲᬶᬳᬲᬶᬄ᭞ᬤᬸᬄᬳᬤᬶᬳᬢ᭄ᬫᬚ᭄ᬯᬶᬢ᭟ᬗᬸᬤᬓᬾᬗᬶᬦ᭄ᬫ᭄ᬦᭂᬂ
[ ᭓᭕ 35A]
ᬭᬸᬧᬓᬤᬶᬲᬮᬶᬢᬃᬱ᭞ᬮᬮᬶᬲ᭄ᬫᬫ᭄ᬯᬶᬓᬂ᭞ᬳᬦ᭄ᬢᬸᬓ᭄ᬦᬶᬱ᭄ᬝᬸᬭᬦ᭄ᬩᬶᬮᬶᬦᬾᬲᬫ᭄ᬧᬸᬦᬸᬕᬶᬓᬤᬸᬭᬸᬲ᭄᭞ᬳᬤᬶᬢᬦ᭄ᬲᬦ᭄ᬤᭂᬫ᭄ᬜᬶᬗᬓᬶᬦ᭄᭞ᬩ᭄ᬮᬶᬯ
ᬦ᭄ᬢᬄᬫᬶᬲᬥ᭄ᬬ᭞ᬭᬶᬂᬳᬤᬶᬫᬫᬦᬸᬮ᭄᭞ᬗᬚᬧᬚᬧ᭄ᬓᬮᬾᬤᬗᬦ᭄᭞ᬓᬬᬂᬯ᭄ᬓᬲ᭄᭞ᬬᬤᬶᬦ᭄ᬧᬶᬂᬲᬧ᭄ᬢᬤᬸᬫᬤᬶ᭞ᬫᬗ᭄ᬤᬮᬗ᭄ᬕᭂᬂᬫᬫᬋᬓᬦ᭄᭟ᬧᬸᬭᬸ
ᬦ᭄ᬩᭂᬮᬶᬫᬧᬸᬗᬸᬳᬓ᭄ᬤᬶᬓ᭄ᬫᬓᬾᬮᬶᬗᬂ᭞ᬲᬫ᭄ᬧᬸᬦ᭄ᬚᬦ᭄ᬢᭀᬲ᭄ᬮᬶᬧ᭄ᬬ᭞ᬭᬶᬂᬩᬯᭀᬲ᭄ᬳᬚᬶᬦᬵᬤᬶᬦᬾ᭞ᬤᬦᬾᬕᬸᬫᬦ᭄ᬢᬶᬳᬲᬸᬂ᭞ᬫᬳᭀᬓᬭᬶᬂᬤᬾᬯᬾ
ᬓ᭄ᬩᭂᬮᬶ᭞ᬲᬗ᭄ᬓᬦ᭄ᬧᬸᬭᬸᬦ᭄ᬮᬗ᭄ᬕᬦ᭞ᬭᬶᬂᬳᬤᬶᬫᬫ᭄ᬭᬸᬤ᭄᭞ᬦᬸᬦᬲᬶᬘ᭄ᬘᬩᬸᬲᬦ᭄ᬩᬸᬲᬦ᭄᭞ᬗᬥᬸᬧᭀᬗᬄ᭞ᬢᬦ᭄ᬲᬾᬗᭂᬄᬭᬶᬂᬤᬾᬯᬾᬓ᭄ᬕᬸᬤᬶᬕ᭄᭞
