[ ᭒ 2B]
᭒᭞
ᬮ᭄ᬚᭂᬦᭂᬓ᭄ᬭᬶᬂᬧᬢᬸᬃᬦ᭄᭞ᬳᬭᬂᬫᬶᬚᬶᬮ᭄᭞ᬓᬢᬗ᭄ᬓᬶᬮ᭄ᬫᬜ᭄ᬘᬧᬸᬗ᭄ᬕᬯ᭟ᬧᬚᬦ᭄ᬢᭀᬲᬦ᭄ᬚᬕᬢ᭄ᬭᬸᬲᬓ᭄᭞ᬫᬢᬸᬗ᭄ᬓᬲ᭄ᬭᬶᬂᬲᬗᬧᬢᬶᬄ᭞ᬫᬧᬭᬩ᭄ᬕᬗ᭄ᬕᬵ
ᬫᬲ᭄ᬢᬧᭀᬦ᭄᭞ᬭᬶᬂᬤᬾᬰᬧ᭄ᬭᬬᬵᬳᬓᬸᬯᬸ᭞ᬲᬂᬧᬶᬦᬓᬵᬩᬡ᭄ᬥᬾᬰ᭄ᬯᬃᬬ᭄ᬬ᭞ᬮᭀᬂᬲᬸᬪᬓ᭄ᬢᬶ᭞ᬮᬗ᭄ᬕᬦᬧᬸᬭᬸᬦ᭄ᬫᬫᬦ᭄ᬤᬮ᭄᭟ᬧᬶᬂᬓᬸᬤᬓᬸᬤᬵᬓᬲᬾ
ᬗᬦ᭄᭞ᬢᬦ᭄ᬓᬬᬸᬦ᭄ᬦᬗ᭄ᬓᬶᬮ᭄ᬓᬧᬸᬭᬶ᭞ᬲᬢᬢᬫᬲᬗ᭄ᬓᬾᬲᬸᬗ᭄ᬓᬦ᭄᭞ᬚᬮᬭᬦ᭄ᬲᬂᬧ᭄ᬭᬪᬸᬩᭂᬡ᭄ᬥᬸ᭞ᬲᬮᬶᬢᬃᬱᬫᬗᬮᭀᬓᬂ᭞ᬭᬓ᭄ᬭ᭄ᬬᬦ᭄ᬧᬢᬶᬄ᭞ᬧᬲᬗ᭄ᬕ
ᬘᭀᬗᬄᬕᬡ᭄ᬥᬕᬵ᭟ᬲᬂᬧ᭄ᬭᬪᬸᬫᭂᬗ᭄ᬕᬄᬧᬶᬤᬸᬓ᭞ᬲᬓ᭄ᬱᬡᬳᬶᬤᬗᭂᬲᬾᬗᬶᬦ᭄᭞ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬓᬚ᭄ᬭᭀ᭞ᬫᬗ᭄ᬤᬵᬤᬦᬾᬤᬶᬕ᭄ᬮᬶᬲ᭄ᬭᬯᬸᬄ᭞ᬲᬂ
[ ᭓ 3A]
ᬓᬳᬸᬢᬸᬲ᭄ᬯᬸᬲ᭄ᬮᬸᬫᬫ᭄ᬧᬄ᭞ᬫᬗᬢᬸᬭᬶᬦ᭄᭞ᬲᬂᬓᬲᬾᬗᬦ᭄ᬭᬶᬂᬤᬸᬦᬸᬗᬦ᭄᭟ᬓᭀᬘᬧ᭄ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲ᭄ᬤᭂᬓ᭄ᬩᭂᬗᭀᬂᬗᬸᬦ᭄ᬗᬸᬦ᭄ᬲ᭄ᬥᬶᬄ᭞ᬫᭂᬍᬂᬮᬗᬶᬢ᭄ᬗ
ᬚᬧ᭄ᬢᬯᬂ᭞ᬫᬘ᭄ᬮᬶᬕ᭄ᬧᬋᬓᬦ᭄ᬭᬯᬸᬄ᭞ᬦᬢ᭄ᬬᬵᬫᬢᬸᬃᬫᬢᬗᬦᬦ᭄᭞ᬭᬤᬾᬦ᭄ᬫᬗ᭄ᬓᬶᬦ᭄᭞ᬓᬲᬾᬗᬦᬵᬦ᭄ᬢᬸᬓ᭄ᬲᬂᬦᬵᬣ᭟ᬗᬶᬭᬶᬂᬦᬗ᭄ᬓᬶᬮ᭄ᬗᬧᬸᬭᬶᬬᬂ᭞ᬭᬤᬾ
ᬦ᭄ᬩᬜ᭄ᬚᬃᬕ᭄ᬢᬲ᭄ᬓᭂᬜᬶᬂ᭞ᬳᬦ᭄ᬢᭀᬲᬂᬫᬮᬶᬳᬚᭂᬩᭀᬲ᭄᭞ᬢ᭄ᬬᬂᬓᬭᬶᬗᬫ᭄ᬩᬶᬮ᭄ᬲᬧᬸᬢ᭄᭞ᬳᬕᬾᬭᬭᬶᬲ᭄ᬫᬪᬸᬧᬡ᭞ᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄᭞ᬫᬘ᭄ᬩᬸᬃᬦᬸᬮᬶ
ᬫᬫᬃᬕ᭄ᬕ᭟ᬲᬫ᭄ᬧᬸᬦ᭄ᬭᬯᬸᬄᬭᬶᬂᬩᬜ᭄ᬘᬶᬗᬄ᭞ᬲᬓ᭄ᬱᬡᬗᭀᬚᭀᬕ᭄ᬓᬧᬸᬭᬶ᭞ᬫᬫ᭄ᬥᭂᬓ᭄ᬳᬶᬤᬲᬂᬓᬢᭀᬂ᭞ᬭᬶᬂᬓᬢᬃᬦᬧᬓ᭄ᬫᬮᬸᬗ᭄ᬕᬸᬄ᭞ᬧ᭄ᬭᬡᬢᬜᬓᬸ
Kaca:Bali-lontar-gaguritan-rarajonti-350ppi.pdf/3
Kaca puniki sampun kauji-wacén
