[ ᭒᭘ 28B]
᭒᭘᭞
ᬦ᭄ᬤᬂᬫᬗ᭄ᬓᬶᬦ᭄ᬤᬕᬶᬗᬶᬦ᭄᭞ᬧᬗ᭄ᬮᬸᬗ᭄ᬲᬸᬃᬧᬶᬦᬸᬦᬲᬶᬧᬸᬦ᭄᭞ᬲᬫᬥ᭄ᬬᬗᬗ᭄ᬕᬾᬦ᭄ᬲᭀᬫᬫᬄ᭞ᬭᬭᬚᭀᬦ᭄ᬢᬶ᭞ᬲᬢ᭄ᬫᬓᬬᬂᬳᬗ᭄ᬕᬾᬦ᭄ᬦᭂᬕᬸᬮ᭄᭞ᬲᬸ
ᬪᬓ᭄ᬢᬶᬤᬶᬧᬢᬶᬂᬮᬕ᭞ᬫᬫᬋᬓᬦ᭄ᬭᬶᬂᬧᭀᬄᬚᭂᬗ᭄ᬕᬶ᭟ᬳᬋᬧᬾᬓᬰᬾᬮᬧᬭᬂ᭞ᬜᬦ᭄ᬤᬂᬢᬍᬃᬧᬶᬢ᭄ᬫᭂᬲᬂᬦᬗᬭᬶᬦ᭄᭞ᬭᬾᬄᬲᬫ᭄ᬧᬸᬦ᭄ᬫᬕᬦ᭄ᬢᬶ
ᬰᬢ᭄ᬭᬸ᭞ᬲᬫ᭄ᬧᬸᬦ᭄ᬢᬸᬦᬯᬶᬯᬾᬓ᭞ᬫᬶᬓᬬᬸᬦᬶᬦ᭄᭞ᬳᬶᬮᬳᬶᬮᬵᬤᬸᬄᬲᬂᬧ᭄ᬭᬪᬸ᭞ᬓ᭄ᬦᬶᬲᬫ᭄ᬧᬸᬦ᭄ᬓᬤᬸᬭᬸᬲᬦ᭄᭞ᬳᬾᬭᬂᬳᬦ᭄ᬢᬸᬓᬵᬓᬓᬶᬲ᭄ᬢ᭄ᬭᬶ᭟ᬍᬓ᭄ᬚᭂ
ᬗᬄᬢᬶᬢ᭄ᬬᬂᬫᬶᬭᬕ᭄ᬬᬂ᭞ᬳᬸᬚᬃᬧᬭᬧ᭄ᬭᬲᬗ᭄ᬕᬵᬧᬸᬭᬸᬦ᭄ᬦᬮᬶᬄ᭞ᬘᭀᬓᭀᬃᬳᬶᬤᬾᬯᬓᬧᬶᬮᬸᬕ᭄᭞ᬢᬦ᭄ᬫᬕᭂᬳᬂᬰᬰᬡ᭞ᬳᭀᬦᭂᬂᬳᬾᬮᬶ
[ ᭒᭙ 29A]
ᬓ᭄᭞ᬢᬦ᭄ᬲᬸᬚᬢᬶᬲ᭄ᬯᬾᬘ᭄ᬘᬦᬸᬮᬸᬲ᭄᭞ᬭᬶᬂᬳᬶᬧᬸᬦ᭄ᬳᬶᬧᬢᬶᬂᬮᬕ᭞ᬳᬦ᭄ᬤᭂᬮᬦ᭄ᬤᭂᬮ᭄ᬭᬶᬂᬧᭀᬄᬚᭂᬗ᭄ᬕᬶ᭟ᬧᬸᬦᬶᬓᬵᬳᬯᬶᬦᬦ᭄ᬢᬶᬢ᭄ᬬᬂ᭞ᬧᬸᬭᬸᬦ᭄ᬫᬢᬹᬃᬲᬳ
ᬦ᭄ᬤᬯᭂᬕᬂᬳᬸᬕᬶ᭞ᬤᬕᬶᬗᬶᬦ᭄ᬓᬤᬶᬧᬗ᭄ᬮᬸᬗ᭄ᬲᬸᬃ᭞ᬳᬶᬧᬸᬦ᭄ᬤᬶᬧᬢᬶᬂᬮᬕ᭞ᬧᬢᬸᬢ᭄ᬮᬸᬕ᭄ᬭᬵᬭᬸᬫᬲᬢᬗ᭄ᬕᬾᬦ᭄ᬧᬦᬸᬓᬸ᭞ᬲᬸᬪᬓ᭄ᬢᬶᬦᬶᬧᬸᬦ᭄ᬫᬫᬜ᭄ᬚᬓ᭄᭞ᬢᬦ᭄ᬓᬸ
ᬤᬸᬦ᭄ᬗᭂᬢᭀᬳᬂᬳᬸᬭᬶᬧ᭄᭟ᬮᬫᬓᬓ᭄ᬮᬗ᭄ᬕᭂᬂᬲᬸᬤᬶᬓ᭄ᬱ᭞ᬢᬺᬧ᭄ᬢᬶᬮᬦ᭄ᬤᬸᬄᬚᬕᬢᬾᬭᬶᬂᬧᭀᬄᬚᭂᬗ᭄ᬕᬶ᭞ᬭᬸᬫᬲᬢ᭄ᬚᬕ᭄ᬭᬯᬶᬦᬸᬗᬸ᭞ᬮᬶᬗ᭄ᬕᬶᬄᬘᭀᬓᭀᬃᬳᬶ
ᬤᬾᬯ᭞ᬤᬸᬄᬦᬺᬧᬢᬶ᭞ᬧᬳᬸᬍᬄᬫᬮᬶᬄᬭᬶᬂᬓᬳ᭄ᬬᬸᬦ᭄᭞ᬫᬗ᭄ᬤᬢᬘᭀᬓᭀᬃᬳᬶᬤᬾᬯ᭞ᬯᬶᬦᬱᬲᬗ᭄ᬓᬦᬶᬂᬭᬸᬦ᭄ᬢᬶᬓ᭄᭟ᬲᬧᬸᬦᬶᬓᬵᬧᬧᬢᭂᬳᬵ
Kaca:Bali-lontar-gaguritan-rarajonti-350ppi.pdf/29
Kaca puniki sampun kauji-wacén
