Kaca puniki sampun kauji-wacén
[ ᭒᭗ 27B]
᭒᭗᭞
ᬯᬶᬦᬂᬳᬦ᭄ᬢᬸᬓ᭄ᬧᬗᬸᬮᬸ᭞ᬢᬶᬢ᭄ᬬᬂᬳᬶᬭᬶᬓᬵᬦᭀᬤ᭄ᬬ᭞ᬫᬓᬲᬓ᭄ᬱᬶᬬᬤ᭄ᬬᬦ᭄ᬯᬯᬸᬓᬯᬶᬗᬦ᭄ᬢᬸᬂ᭞ᬲᬫ᭄ᬧᬸᬦ᭄ᬫᬯᬱ᭄ᬝᬵᬮᬭᬗᬦ᭄᭞ᬢᬦᬵᬲᬶᬓ᭄ᬚᭂᬦᭂᬓ᭄ᬭᬶᬂ
ᬧᬸᬭᬶ᭟ᬓᬳᬸᬧᭂᬢ᭄ᬘᭀᬓᭀᬃᬳᬶᬤᬾᬯ᭞ᬬᬦ᭄ᬧᬾᬢ᭄ᬳᬶᬧᬸᬦᬵᬤᭂᬕᬂᬧ᭄ᬭᬫᬶᬰ᭄ᬯᬭᬶ᭞ᬭᬾᬄᬲᬫ᭄ᬧᬸᬦ᭄ᬫᬤᬾᬯᬾᬓ᭄ᬍᬢᬸᬄ᭞ᬲᭀᬫᬄᬤᬶᬧᬢᬶᬂᬮᬵ
ᬕ᭞ᬬᬤ᭄ᬬᬦ᭄ᬤᬸᬭᬸᬂᬫᬢ᭄ᬫᬸᬳᬯᭀᬃᬲᬮᬸᬮᬸᬢ᭄᭞ᬓᬵᬮᭀᬓᬶᬧᬸᬦ᭄ᬘᭂᬫᭂᬃᬘᬫᬄ᭞ᬢᬦ᭄ᬓᬬᭀᬕ᭄ᬬᬳᬗ᭄ᬕᬾᬓ᭄ᬭᬩᬶ᭟ᬧᬶᬤᬕᬶᬂᬤᬶᬧᬢᬶᬂᬮᬕ᭞ᬧᬶᬓᬵ
ᬳ᭄ᬬᬸᬦᬶᬦ᭄ᬨᬮᬦᬶᬧᬸᬦ᭄ᬲᬸᬪᬓ᭄ᬢᬶ᭞ᬫᬗ᭄ᬤᬵᬲᬫ᭄ᬧᬸᬦᬂᬗᬤᬸᬯᬸᬂ᭞ᬳᬬᬄᬳᬶᬧᬸᬦ᭄ᬫᬫᬜ᭄ᬚᬓ᭄᭞ᬭᬶᬂᬧᭀᬄᬚᭂᬗ᭄ᬕᬶᬢᬸᬲ᭄ᬮᬩ᭄ᬥᬓᬃᬬ᭄ᬬᬓᬳᬸᬢᬸᬲ᭄᭞ᬗ
[ ᭒᭘ 28A]
ᬍᬩᭀᬦᬶᬦ᭄ᬚᬕᬢ᭄ᬧ᭄ᬭᬬ᭞ᬬᬦ᭄ᬳᬦᬶᬧᬸᬦ᭄ᬫᬤᬩ᭄ᬤᬩᬶᬦ᭄᭟ᬤᬸᬭᬸᬲ᭄ᬧᬜ᭄ᬚᬓᬾᬫᬬᬸᬥ᭞ᬲᬶᬓᭂᬧ᭄ᬭᬬᬵᬬᬦᬫᬋᬧ᭄ᬧᭀᬄᬚᭂᬗ᭄ᬕᬶ᭞ᬫᬤᬾ
ᬕ᭄ᬤᭂᬕ᭄ᬲᭂᬗᬶᬢ᭄ᬫᬢᬭᬸᬂ᭞ᬢᬦᬸᬭᬸᬂᬓᬩᬜ᭄ᬘᬡ᭞ᬫᬓᬵᬓᬮᬶᬄᬩᭀᬬᬢᬶᬢ᭄ᬬᬂᬲᬓᬾᬂᬳᬚᬸᬫ᭄᭞ᬮᬓ᭄ᬱᬡᬤᬶᬧᬢᬶᬂᬮᬕ᭞ᬯᬕ᭄ᬫᬶᬫᬬᬲᬾ
ᬗᭂᬢ᭄ᬭᬶᬭᬶᬄ᭟ᬳᬗᬫᬾᬢ᭄ᬫᬶᬦᬾᬂᬢᬮᬕ᭞ᬬᬦᬸᬧᬫᬶᬢᭀᬬᬦᬾᬓᬦ᭄ᬢᬸᬦ᭄ᬳᭂᬦᬶᬂ᭞ᬢᬸᬜ᭄ᬚᬸᬗᬾᬢᬦ᭄ᬓᬦ᭄ᬢᭀᬲ᭄ᬮᬬᬸ᭞ᬲᬗ᭄ᬓᬦᬶᬂᬘᬾᬱ᭄ᬝᬓᬵᬭ᭞ᬢᬫᬾᬂᬕ
ᬢᬶᬗᭂᬧᬾᬢ᭄ᬘᬤ᭄ᬭᬦᬶᬂᬭᬶᬧᬸ᭞ᬚᬮᬭᬦ᭄ᬲᬧᬜ᭄ᬚᬓ᭄ᬧ᭄ᬭᬬᬵ᭞ᬲᬶᬤ᭄ᬥᬗᬬᬸᬄᬫᬮᬶᬄᬪᬓ᭄ᬢᬶ᭟ᬲᬯᬶᬭᬾᬄᬲᬫ᭄ᬧᬸᬦ᭄ᬫᬯᬢᬂ᭞ᬳᬬᬄᬳᬶᬧᬸᬦ᭄ᬜ
