Kaca:Bali-lontar-gaguritan-rarajonti-350ppi.pdf/23

Saking Wikisource
Kaca puniki sampun kauji-wacén

[ ᭒᭒ 22B]
᭒᭒᭞
ᬭᬭᬫᬦᬶᬧᬸᬦ᭄ᬢᬶᬢ᭄ᬬᬂᬫᬚᬜ᭄ᬚᬶ᭞ᬧᬶᬤᬕᬶᬂᬢᬶᬢ᭄ᬬᬂᬲᬸᬫᬗ᭄ᬕᬸᬧ᭄᭞ᬧᬘᬂᬗᬢᭂᬄᬓᬧ᭄ᬭᬬᬵ᭞ᬳᬶᬧᬸᬦ᭄ᬫᬮᬶᬄᬲᬲᬫ᭄ᬧᬸᬦᬾᬧᬵᬮᬶᬄᬫᬫ᭄ᬓᬸᬮ᭄᭞ᬩᬸᬓ᭄
ᬧᬤᬦ᭄ᬘᭀᬓᭀᬃᬳᬶᬤᬾᬯ᭞ᬜᬶᬳ᭄ᬦᬬᬂᬤᬺᬤ᭄ᬥᬵᬲᬸᬪᬓ᭄ᬢᬶ᭟ᬭᬗ᭄ᬕᬵᬫᬲ᭄ᬢᬧᭀᬦ᭄ᬫᬢᬸᬢᬂ᭞ᬫᬦᬄᬢᬶᬢ᭄ᬬᬂᬓᬾᬯᬦ᭄ᬢᭂᬦ᭄ᬧᭀᬮᬶᬄᬦᬗ᭄ᬓᬶᬮ᭄᭞ᬫ
ᬓᬘᬶᬳ᭄ᬦᬲᬫ᭄ᬧᬸᬦ᭄ᬗᬬᬸᬄ᭞ᬲᬚᭂᬩᬕ᭄ᬚᬕᬢ᭄ᬧ᭄ᬭᬬ᭞ᬫᬶᬦᬓᬤᬶᬓ᭄ᬦᬶᬲᬫ᭄ᬧᬸᬦ᭄ᬤᬸᬭᬸᬲ᭄ᬫᬘᬸᬘᬸᬄ᭞ᬧᬜ᭄ᬚᬓᬾᬚᬦ᭄ᬢᭀᬲ᭄ᬫᬬᬸᬥ᭞ᬯᭀᬂᬧ᭄ᬭᬬᬫᬋ
ᬧ᭄‌ᬧᭀᬄᬚᭂᬗ᭄ᬕᬶ᭟ᬭᬸᬫᬲᬢ᭄ᬫᬓᬵᬧᬜᬧ᭄ᬲᬧ᭄᭞ᬭᬭᬚᭀᬦ᭄ᬢᬶᬲᬗ᭄ᬓᬦ᭄ᬜᬓᬶᬧᬸᬦ᭄ᬦᬗ᭄ᬓᬶᬮ᭄᭞ᬫᬫ᭄ᬥᭂᬓ᭄‌ᬓᬧᬸᬭᬶᬳᬕᬸᬂ᭞ᬲᬓᬾᬂᬧᬵ
[ ᭒᭓ 23A]
ᬗᬗ᭄ᬲᭀᬓ᭄ᬢᬶᬢ᭄ᬬᬂ᭞ᬫᬶᬓ᭄ᬤᭂᬳᬂᬮᬫᬓᬦ᭄ᬚᬕᬢᬾᬮᬦ᭄ᬥᬸᬄ᭞ᬧᬜ᭄ᬚᬓᬾᬢᬦ᭄ᬤᬸᬭᬸᬲ᭄ᬢᬸᬗ᭄ᬓᬲ᭄᭞ᬫᬋᬧ᭄ᬓᬤᬂᬩ᭄ᬭᬬᬵᬯᬃᬕ᭄ᬕᬶ᭟ᬭᬗ᭄ᬕᬵᬫᬲ᭄ᬢᬧᭀᬦ᭄ᬢᬦ᭄
ᬧᬜ᭄ᬚᬂ᭞ᬫᬶᬲᬭᬬᬂᬢᬶᬢ᭄ᬬᬂᬗᬃᬤ᭄ᬥᬶᬲᬸᬢᬺᬧ᭄ᬢᬶ᭞ᬗ᭄ᬳᬶᬂᬫᬗ᭄ᬤᬢᬦ᭄ᬓᬤᬶᬳᬧᬸᬲ᭄᭞ᬕᬸᬫᬶᬦ᭄ᬢᬶᬲᬓᬾᬂᬢᬗᬃ᭞ᬫᭂᬓ᭄ᬤᭂᬳᬂᬫᬗ᭄ᬤᬢᬶᬢ᭄ᬬᬂᬓᬯᬶᬦ᭄ᬕᬦ᭄ᬢᬸᬂ᭞ᬭᬶᬂᬯ᭄ᬯᬂᬚ᭄ᬭᭀ
ᬦ᭄ᬘᭀᬓᭀᬃᬳᬶᬤᬾᬯ᭞ᬓᬾᬗᬶᬦᬦ᭄ᬢᬶᬢ᭄ᬬᬂᬗᬤ᭄ᬬᬦᬶᬦ᭄᭟ᬲᬧᬸᬦᬶᬓᬧᬶᬤᬕᬶᬗᬦ᭄᭞ᬫᬦᬄᬢᬶᬢ᭄ᬬᬂᬦ᭄ᬤᬯᭂᬕᬂᬫᬢᬸᬃᬲᬶᬲᬶᬧ᭄᭞ᬓᬯ᭄ᬯᬢ᭄
ᬤᬾᬦᬶᬂᬳᬲᬶᬄᬮᬸᬮᬸᬢ᭄᭞ᬲ᭄ᬯᬾᬘ᭄ᬘᬘᭀᬓᭀᬃᬳᬶᬤᬾᬯ᭞ᬗᬮᬸᬕ᭄ᬭᬳᬶᬦ᭄‌ᬭᬭᬚᭀᬦ᭄ᬢᬶᬢᬶᬢ᭄ᬬᬂ᭞ᬗ᭄ᬮᬸᬗ᭄ᬲᬸᬃ᭞ᬧᬘᬂᬳᬗ᭄ᬕᬾᬦ᭄ᬢᬶᬢ᭄ᬬᬂᬲᭀᬫᬄ