Kaca puniki sampun kauji-wacén
[ ᭑᭖᭑ 161B]
᭑᭖᭑᭞
ᬧ᭄ᬭᬬᬵᬫᬮᬶᬓᬂᬕ᭄ᬫᬶ᭟ᬬᬦ᭄ᬲᬯᬗᬂᬅᬗ᭄ᬮᬸᬭᬄᬢᬶᬕᬵᬳᬶᬦᬸᬘᬧ᭄᭞ᬓᬤᬶᬩᬳᬦᬾᬳᬸᬧᬶᬦ᭄᭞ᬗᭂᬦ᭄ᬤᬶᬄᬫᬓᭀᬩᬭᬦ᭄᭞ᬲᬓ᭄ᬱᬡᬫᬢᬶᬓᬲ
ᬦ᭄᭞ᬫᬕᬾᬩ᭄ᬭᬲ᭄ᬫᬩᬸᬍᬢ᭄ᬜᭂᬮᬶᬢ᭄᭞ᬜᬥ᭄ᬬᬵᬦᬸᬮᬸᬤᬂ᭞ᬲᬂᬓᬤᬶᬧᬸᬜᬦ᭄ᬗᬶᬗᬶᬦ᭄᭟ᬲᬫ᭄ᬧᬸᬦ᭄ᬲᭀᬦ᭄ᬤᬾᬄᬫᬲ᭄ᬪᬝᬵᬭᬰᬾᬮᬧᬭᬂ᭞ᬦᭀᬮᬾ
ᬓ᭄ᬧᬜ᭄ᬚᬓ᭄ᬧ᭄ᬭᬫᬗ᭄ᬓᬶᬦ᭄᭞ᬤᬸᬭᬸᬲ᭄ᬫᬕᬩᬦᬦ᭄᭞ᬓᬧ᭄ᬭᬪᬾᬦ᭄ᬰᬾᬮᬵᬧᬭᬂ᭞ᬩᭀᬬᬵᬓ᭄ᬦᬶᬳᬦ᭄ᬢᬸᬓ᭄ᬗᬾᬮᬶᬗᬶᬦ᭄᭞ᬫᬸᬲᬸᬄᬮᬦ᭄ᬭᭀᬯᬂ᭞ᬳᬕᭀᬃ
ᬫᬩᬸᬮᬸᬲᬸᬫᬶ᭟ᬲᬕᬾᬢ᭄ᬭᬫᭂᬲ᭄ᬬᬸᬥᬦᬾᬤᬶᬩᬜ᭄ᬘᬶᬗᬄ᭞ᬫᬤᬸᬓᬦ᭄ᬗᬮᬵᬫᬦ᭄ᬢ᭄ᬭᬶ᭞ᬫᬳᭀᬲᭀᬕ᭄ᬫᬤᬾᬕ᭄ᬥᬕ᭄᭞ᬫᬋᬧ᭄ᬭᬶᬂᬓᬥᬂᬯᬃᬕ᭄ᬕ᭞ᬲᬮᬶᬂ
[ ᭑᭖᭒ 162A]
ᬤᭂᬤᭂᬲ᭄ᬯᬢᬂᬕᬢᬶᬓ᭄᭞ᬢᬸᬫ᭄ᬩᬓᬢᬸᬫ᭄ᬩᬓ᭄᭞ᬢᬦ᭄ᬧᬾᬗᬦ᭄ᬧᬥᭂᬫ᭄ᬓᬦᬶᬦ᭄᭟ᬫᬕᬸᬮᬸᬗᬦ᭄ᬓᬤᬶᬳᭀᬫ᭄ᬩᬓ᭄ᬦᭂᬫ᭄ᬧᬸᬄᬧᬭᬂ᭞ᬯᬮᬸᬬᬵᬫᬚᬧᬳᬶᬢ᭄᭞ᬲ
ᬤᬸᬓ᭄ᬭᬶᬂᬧ᭄ᬭᬮᬬ᭞ᬧᬗᬢᬕ᭄ᬓᬮᬶᬬᬸᬕ᭞ᬓᬭᬗ᭄ᬲᬸᬓᬦ᭄ᬓᬵᬮᬓᬮᬶ᭞ᬮᬗ᭄ᬓᬸᬂᬭᬶᬂᬲᬢᬓ᭄᭞ᬰᬯᬦᬾᬧᬕᬸᬮᬶᬦ᭄ᬢᬶᬓ᭄᭟ᬲᬾᬗᭂᬄᬳᬶᬤᬫᬲ᭄ᬪᬝᬵᬭᬰᬾ
ᬮᬧᬭᬂ᭞ᬭᬶᬂᬧᬜ᭄ᬚᬓ᭄ᬓᬾᬄᬢᬦ᭄ᬤᬓ᭄ᬢᬶ᭞ᬲᬸᬫ᭄ᬮᬾᬂᬧᬦᬯᬶᬢᬦ᭄᭞ᬲᬬᬦ᭄ᬓᬢᬄᬳᬦ᭄ᬤᬕ᭞ᬅᬗ᭄ᬮᬸᬭᬄᬢᬶᬕᬤᬸᬃᬩᬸᬤ᭄ᬥᬶ᭞ᬫᬮᬶᬓᬂᬯᬤ᭄ᬯᬵ᭞ᬲᬳᬲ
ᬦᬸᬜ᭄ᬚᬸᬮ᭄ᬧᬸᬭᬶ᭟ᬕᭂᬲᭂᬂᬪᬱ᭄ᬫᬶ᭞ᬢᬾᬫ᭄ᬩᭀᬓ᭄ᬧᬜᭂᬗ᭄ᬓᭂᬭᬾᬩᬮ᭄ᬩᬮ᭄᭞ᬳᭀᬲᭂᬓ᭄ᬳᬶᬤᬰ᭄ᬭᬶᬳᬚᬶ᭞ᬢᬦ᭄ᬫᬭᬶᬲᬗ᭄ᬰᬬᬵ᭞ᬭᬶᬂᬧᬘᬂᬓᬧᬶᬘᬸᬦ᭄ᬤᬂ᭞ᬲᬵ
