[ ᭑᭖᭐ 160B]
᭑᭖᭐᭞
ᬦᬶᬗᭂᬄᬲᬵᬭᬂᬕ᭄ᬢᬶᬄ᭞ᬢᬦ᭄ᬓᬲᬳᬸᬭᬦ᭄᭞ᬳᬦ᭄ᬢᬸᬓ᭄ᬲᬂᬗᭂᬦ᭄ᬤᭀᬦ᭄ᬢᬸᬭᬶᬢ᭄᭟ᬬᬢ᭄ᬦᬫᭂᬧᭂᬓ᭄ᬭᬶᬂᬧᬸᬗ᭄ᬓᬸᬃᬧᬦ᭄ᬤᬸᬓᬦ᭄ᬰᬯᬄ᭞ᬲᬃᬯ᭄ᬯᬶᬫᬢᬢᬂᬩ᭄ᬥᬶᬮ᭄᭞ᬫᬘ᭄ᬩᬾᬃᬫ
ᬲ᭄ᬥᬃ᭞ᬓᬯᬍᬲ᭄ᬯᬶᬦᬍᬲᬦ᭄᭞ᬳᬲᬶᬂᬫᬚᭀᬕ᭄ᬓᬧᬢᬶᬢᬶᬲ᭄᭞ᬧ᭄ᬚᬄᬜᬮᬾᬫ᭄ᬧᬂ᭞ᬢᬦ᭄ᬓᭀᬢᬶᬧᬥᭂᬫ᭄ᬓᬦᬶᬦ᭄᭟ᬓᬤᬶᬩᬸᬦ᭄ᬢᭂᬄᬲᬚ᭄ᬭᭀᬓᬸᬝᬵᬰᬾ
ᬮᬧᬭᬂ᭞ᬓᬾᬯᬦ᭄ᬢᭂᬦ᭄ᬫᬋᬧ᭄ᬓᬗᬶᬦ᭄᭞ᬓᬦ᭄ᬢᬸᬦ᭄ᬫᬩᬓ᭄ᬩᬓᬦ᭄᭞ᬫᬭᬸᬧᬵᬓᬤᬶᬤᬗᬦ᭄᭞ᬲᬶᬓᭂᬧ᭄ᬰᬾᬮᬧᬭᬂᬗᭂᬜ᭄ᬘᬶᬂ᭞ᬢ᭄ᬗᬳᬶᬂᬕ᭄ᬮᬃ᭞ᬓᬲᬤ᭄ᬓᬶᬲᬶᬤ᭄ᬫᬓ᭄ᬮᬶᬤ᭄
᭟ᬫᬋᬧ᭄ᬓᬮᬾᬃᬫᬋᬧ᭄ᬓᭂᬮᭀᬤ᭄ᬮᬶᬦ᭄ᬢᬂᬤᬸᬃᬕ᭄ᬕᬫ᭞ᬓᬯᬸᬄᬓᬪᬬᬧᬢᬶ᭞ᬲᬶᬓᭂᬧ᭄ᬩᬮᬶᬩᬥᬂ᭞ᬫᭂᬗ᭄ᬓᭂᬩ᭄ᬬᬢ᭄ᬦᬫᬮᬶᬗᬦ᭄᭞ᬢᬦ᭄ᬫᬋᬦ᭄ᬗᭂᬧ᭄ᬮᬸᬕᬂᬩ᭄ᬥᬶᬮ᭄᭞
[ ᭑᭖᭑ 161A]
᭑᭖᭑᭞
ᬲᬓᬾᬂᬤᭀᬄᬗᬜ᭄ᬚᬃ᭞ᬯᬮᬸᬬᬲᬩᭂᬄᬫᬶᬫᬶᬲ᭄᭟ᬓᬸᬤᬂᬤᬶᬦᬵᬬᬸᬥᬦᬾᬫᬸᬜ᭄ᬚᬃᬳᬸᬜ᭄ᬚᬭᬦ᭄᭞ᬧᬫᬢᬶᬂᬲᬶᬓᭂᬧ᭄ᬩᬮᬶ᭞ᬓᬦ᭄ᬢᬸᬦ᭄ᬫᬢᬗᬭᬦ᭄᭞ᬢᬸᬦ᭄ᬧᬸᬭᬸ
ᬦ᭄᭞ᬓᭂᬲᭂᬓ᭄ᬕᭂᬮᬃ᭞ᬫᭂᬲᭂᬳᬾᬘᬗ᭄ᬓᭂᬃᬦᬗ᭄ᬕᬮᬶᬦ᭄᭞ᬤᬶᬧᬢᬶᬂᬮᬕ᭞ᬜᬶᬮᬶᬩ᭄ᬓᬤᬗᬶᬦ᭄ᬤᬸᬭᬶᬂ᭟ᬓᬵᬮᬯ᭄ᬗᬶᬫᬢ᭄ᬫᬸᬭᬶᬂᬲᬦᬾᬲᬸᬫᬥ᭄ᬬ᭞ᬲᬋᬂᬘᭀᬗᬄᬗᬤ᭄ᬬᬦᬶ
ᬦ᭄᭞ᬭᬤᬾᬦ᭄ᬲᬶᬗ᭄ᬳᬵᬫ᭄ᬭᬢ᭄ᬢ᭞ᬫ᭄ᬯᬂᬭᬤᬾᬦ᭄ᬳᬗ᭄ᬕᬵᬭᬓ᭄ᬱ᭞ᬭᬶᬂᬭᬤᬾᬦᬃᬬ᭄ᬬᬧᬭᬶᬕᬶ᭞ᬅᬗ᭄ᬮᬸᬭᬄᬢᬶᬕ᭞ᬲᬫ᭄ᬧᬸᬦ᭄ᬫᬢᬓᬶᬢᬓᬶ᭟ᬧᬘᬂᬗᬾᬩᭀᬕ᭄ᬫᬲ᭄ᬪ
ᬝᬵᬭᬰᬾᬮᬧᬭᬂ᭞ᬲᭀᬓ᭄ᬓᬭᬶᬜᬦ᭄ᬢᭀᬲ᭄ᬯᬗ᭄ᬲᬶᬢ᭄᭞ᬲ᭄ᬥᭂᬓ᭄ᬫᬕᬸᬦᬶᬢ᭞ᬭᬯᬸᬄᬤᬶᬧᬢᬶᬂᬮᬕ᭞ᬗᭂᬦ᭄ᬢᭂᬦᬶᬦ᭄ᬲᬗ᭄ᬕᬸᬧᬾᬗᬸᬦᬶ᭞ᬲᬪᬬᬦ᭄ᬢᬓ᭞
Kaca:Bali-lontar-gaguritan-rarajonti-350ppi.pdf/161
Kaca puniki sampun kauji-wacén
