[ ᭑᭕᭖ 156B]
᭑᭕᭖᭞
ᬦ᭄ᬢᭂᬦᬾᬗᬸᬭᬸᬕ᭄ᬢᬸᬓᬤ᭄᭞ᬫᬗ᭄ᬕᬮᬳᬶᬤᬦᬗ᭄ᬕᬮᬶᬦ᭄᭞ᬜᬶᬗ᭄ᬲᭂᬢ᭄ᬮᬜ᭄ᬘᬶᬗᬦ᭄᭞ᬫᬲ᭄ᬭᬸᬯᬾᬂᬗᬸᬦᬸᬲ᭄ᬓ᭄ᬭᬶᬲ᭄᭟ᬕᬾᬲᭀᬜ᭄ᬚᬕ᭄ᬚᬕ᭄ᬫᬧᬲ᭄ᬓ᭄ᬭ
ᬳᬾᬂᬚᬺᬦᬶᬓ᭞ᬫᬭᬸᬓᭂᬢ᭄ᬫᬧ᭄ᬭᬂᬢᬦ᭄ᬤᬶᬂ᭞ᬲᬮᬶᬂᬲᬸᬤᬢ᭄ᬥᬥ᭞ᬫᬓᬶᬍᬲ᭄ᬧᬲ᭄ᬮᬂᬘᬶᬤ᭄ᬭ᭞ᬲᬫᬶᬮᬕᬯᬘᬮᬶᬭᬶᬂ᭞ᬢᬺᬚᬓ᭄᭞ᬫᬧᬶᬜ᭄ᬚᭂᬃᬓᬤᬶᬕ
ᬗ᭄ᬲᬶᬂ᭟ᬬᬦᬸᬮᬢᬂᬲᬂᬓᬮᬶᬄᬲᬸᬡ᭄ᬥᬵᬧᬲᬸᬡ᭄ᬥᬵ᭞ᬫᬭᬸᬓᭂᬢ᭄ᬲᬮᬶᬂᬧᬦ᭄ᬢᬶᬂ᭞ᬲᬾᬩᭂᬢ᭄ᬫᬤᬤᬕᬦ᭄᭞ᬩᬸᬓ᭄ᬫᬲᭂᬧᬸᬓ᭄ᬍᬫᬸᬦᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬓᬲᭀᬭᬵ
ᬦ᭄ᬢᬦ᭄ᬤᬶᬂ᭞ᬲ᭄ᬯᬾᬘᬮᬶᬂᬘᬶᬤ᭄ᬭ᭞ᬳᬢᭂᬧ᭄ᬧᬮᬲ᭄ᬫᬭᬗ᭄ᬓᬶᬢ᭄᭟ᬳᬰ᭄ᬭᬸᬜ᭄ᬢᬕ᭄ᬢᬕ᭄ᬓ᭄ᬭᬳᬾᬂᬧᬫᬮᬶᬓᬦ᭄ᬯᬶᬭᬂ᭞ᬗᬕᭂᬦ᭄ᬧᬘᬂᬗᭂᬫ᭄ᬩᬸᬮᬶᬦ᭄᭞ᬦᬓᬕᬸᬂᬫᬬᬸᬥᬵ᭞
[ ᭑᭕᭗ 157A]
ᬲᬾᬗᭂᬄᬤᬶᬧᬢᬶᬂᬮᬕ᭞ᬫᬧ᭄ᬮᬂᬜ᭄ᬚᬕ᭄ᬚᬕᬶᬦ᭄ᬲᬶᬗᬶᬢ᭄᭞ᬫᬢᬂᬢᬂᬬᬸᬥ᭞ᬧᬢᬸᬗ᭄ᬕᬮᬦ᭄ᬧ᭄ᬭᬂᬢᬦ᭄ᬤᬶᬂ᭟ᬤᬸᬭᬸᬲ᭄ᬳᬗ᭄ᬓᬸᬧ᭄ᬲᬂᬓᬮᬶᬄᬲᭂᬫ᭄ᬧᬮ᭄ᬓᬲᭂᬫ᭄ᬧᬮ᭄᭞ᬧ᭄ᬥᬂᬢ
ᬫ᭄ᬬᬂᬫᬕᬢᬶᬓ᭄᭞ᬲ᭄ᬗᭂᬤ᭄ᬫᬓᬸᬬᭂᬗᬦ᭄᭞ᬫᬓᬶᬍᬲ᭄ᬲᬫᬶᬕᬜ᭄ᬘᬂ᭞ᬫᬢᬗ᭄ᬓᭂᬧ᭄ᬲᬂᬯᬶᬭᬓᬮᬶᬄ᭞ᬮ᭄ᬯᬶᬃᬧᬃᬣᬡ᭄ᬦ᭞ᬲᬫᬶᬩᭂᬢ᭄ᬘᬮᬶᬭᬶᬂ᭟ᬲᬮᬶᬂᬘᬶᬤ᭄ᬭᬲᬂᬓᬮᬶᬄ
ᬫᬲᬶᬗ᭄ᬳᬵᬦᬵᬤ᭄ᬥ᭞ᬢᬦ᭄ᬧᬾᬦ᭄ᬤᬄᬓᬮᬫᬸᬃᬢ᭄ᬢᬶ᭞ᬓᬮᬦᬶᬂᬬᬸᬰᬦ᭄ᬢᬵ᭞ᬧ᭄ᬭᬬᬾᬂᬢ᭄ᬭᬶᬫᬡ᭄ᬥᬮ᭞ᬓᬾ ᬫᭂᬗᬦ᭄ᬲᬂᬩᬮᬫᬦ᭄ᬢ᭄ᬭᬶ᭞ᬋᬲ᭄ᬋᬲ᭄ᬢᬸᬫᬶᬗ᭄ᬳᬮ᭄᭞ᬳᭀ
ᬕᬓ᭄ᬗᭂᬗᭀᬂᬫᬩᬮᬶᬄ᭟ᬲᬂᬫᬬᬸᬥᬫᬸᬭᬸᬓᭂᬢ᭄ᬓᬮᬶᬄᬳᭀᬭᭀᬗᬦ᭄᭞ᬢᬦ᭄ᬧᬭᬦ᭄ᬫᬦᬫ᭄ᬧᭂᬓᬶᬦ᭄᭞ᬓ᭄ᬭᬳᬾᬂᬚ᭄ᬭᬦᬶᬓᬵ᭞ᬓᬢᬦ᭄ᬤᭂᬲ᭄ᬫᬤ
Kaca:Bali-lontar-gaguritan-rarajonti-350ppi.pdf/157
Kaca puniki sampun kauji-wacén
