Kaca:Bali-lontar-gaguritan-rarajonti-350ppi.pdf/147

Saking Wikisource
Kaca puniki sampun kauji-wacén

[ ᭑᭔᭖ 146B]
᭑᭔᭖᭞
ᬲ᭄ᬓᬋᬗᬵᭂᬰᬩ᭄ᬥᬳ᭄ᬬᬂᬲᬹᬓ᭄ᬱ᭄ᬫ᭞ᬓᬫᭀᬲ᭄ᬢᬸᬚᬬᬾᬂᬚᬸᬭᬶᬢ᭄᭞ᬮᬳ᭄ᬬᬵᬳᬸᬫᬗ᭄ᬓᬢ᭞ᬯᬦ᭄ᬢᬄᬓᬤᬶᬧᬸᬦᬶᬓ᭞ᬧᬫᬸᬯᬸᬲ᭄ᬭᬶᬂᬧᬸᬭᬭᬩᬸᬓᬶᬢ᭄᭞ᬯ᭄ᬓᬲ᭄ᬕᬃᬚ᭄ᬚᬶᬢ
᭞ᬳᬶᬤᬦᬓᬕᬸᬂᬫ᭄ᬬᬵᬃᬱᬶ᭟ᬳᬕᬾᬫᬦ᭄ᬢᬸᬓ᭄ᬭᬶᬂᬧᬸᬭᬶᬫᬚᬬᬚᬬ᭞ᬤᬾᬥᬗ᭄ᬳ᭄ᬬᬂᬅᬱ᭄ᬝᬰᬾᬡᬶ᭞ᬯᬶᬧ᭄ᬭᬰᬶᬯᬩᬸᬤ᭄ᬥ᭞ᬲᬫᬗ᭄ᬤᬵᬤᬶᬃᬕ᭄ᬖᬵᬬᬸᬱ᭞ᬚᬬᬫᬗ᭄ᬕ
ᬮᬲᬫᬺᬢ᭄ᬢᬶ᭞ᬰᬢ᭄ᬭᬸᬯᬶᬦᬱ᭞ᬦᬫᭀᬲ᭄ᬢᬸᬳᬬᬸᬯᬺᬤ᭄ᬥᬶ᭟ᬲᬺᬕᭂᬧ᭄ᬲᬫ᭄ᬧᬸᬦ᭄ᬳᬸᬮᬳᬶᬂᬫᬚᬬᬚᬬ᭞ᬢᬶᬗ᭄ᬓᬳᬶᬂᬜᬾᬦᬧᬢᬶ᭞ᬲᬓ᭄ᬱᬡᬧ᭄ᬭᬡᬢᬫᬫ᭄ᬥᭂᬓ᭄ᬚᬵᭂᬂ
ᬭᬓᬡ᭄ᬥ᭞ᬲᬂᬓᬤᬶᬳ᭄ᬬᬂᬧᬰᬸᬧᬢᬶ᭞ᬫᬫᬶᬢᬂᬮᬸᬕ᭄ᬭ᭞ᬳᬃᬱᬗᬶᬘ᭄ᬙᬾᬦ᭄ᬧᬯᬶᬲᬶᬓ᭄᭟ᬲᬧ᭄ᬢᬵᬓᬺᬢ᭄ᬢᬶᬥᬃᬫ᭄ᬫᬰᬦ᭄ᬢᬳᬸᬧᬲᬫ᭞ᬉᬧᬾᬓ᭄ᬱᬤᬾᬃᬬ᭄ᬬᬵᬫᬾ
[ ᭑᭔᭗ 147A]
ᬢ᭄ᬭᬶ᭞ᬓᬮᬯᬦ᭄ᬓᬭᬸᬡ᭄ᬬ᭞ᬫᬓᬤᬶᬅᬱ᭄ᬝᬵᬩ᭄ᬭᬢ᭞ᬯᬶᬦ᭄ᬓᬲ᭄ᬳᬶᬤᬲᬂᬳᬭᬶ᭞ᬮᬫᬓᬦ᭄ᬲᬶᬤ᭄ᬥ᭞ᬲᬧᬜ᭄ᬚᬓ᭄ᬲᬲᬓ᭄ᬪᬓ᭄ᬢᬶ᭟ᬯᬸᬲ᭄ᬲᬶᬦᬸᬓ᭄ᬱ᭄ᬫᬵᬳᬦ᭄ᬢᬸᬓ᭄ᬳᬶᬤᬲᬂᬯᬶᬦ᭄ᬓ
ᬲ᭄᭞ᬲᬓᬢᬳᬶᬂᬧᬯᬶᬲᬶᬓ᭄᭞ᬭᬶᬂᬳᬦ᭄ᬢᬳᬺᬥᬬ᭞ᬫᬧᬫᬶᬢ᭄ᬭᬶᬂᬭᬓᬡ᭄ᬥ᭞ᬜᬓᬸᬧᬂᬢᬗᬦ᭄ᬗᬜ᭄ᬚᬮᬶ᭞ᬮᬄᬳᬸᬫᬗ᭄ᬓᬢ᭞ᬳᬤᬶᬳᬕᬸᬂᬦᬾᬫᬗ᭄ᬓᬶᬦ᭄᭟ᬬ
ᬦ᭄ᬲᬯᬗᬂᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬲᬹᬃᬬ᭄ᬬᬯᬶᬫ᭄ᬩᬵ᭞ᬲᬓᬾᬂᬳᬸᬥᬬᬕᬶᬭᬶ᭞sᬳᬫᬫ᭄ᬥᬮ᭄ᬳᬶᬤ᭞ᬲᬂᬫᬗ᭄ᬕᭂᬄᬰᬾᬦᬧᬢ᭄ᬬ᭞ᬭᬲ᭄ᬧᬢᬶᬫᬦᬦ᭄ᬤᬂᬍᬯᬶᬄ᭞ᬢᬾᬚᬕᬸᬫᬯᬂ᭞ᬭᬱᬵ
ᬗᬮᬗᬶᬦ᭄ᬮᬗᬶᬢ᭄᭟ᬧ᭄ᬭᬪᬰ᭄ᬯᬭᬫᬸᬦ᭄ᬢᬓ᭄‌ᬲᭀᬧᬘᬭᬾᬂᬦᬵᬣ᭞ᬢ᭄ᬥᬸᬂᬳᬕᬸᬂᬫᬭᬧᬶᬢ᭄᭞ᬫᬫᬲ᭄‌ᬫ᭄ᬯᬂᬩᬦ᭄ᬤ᭄ᬭᬗᬦ᭄᭞ᬢᬫ᭄ᬬᬂᬓᭀᬍᬫ᭄ᬭᬶᬂᬳᬃᬱ᭞ᬳᬫ᭄ᬩᭂᬓ᭄ᬲᬂ