Kaca:Bali-lontar-gaguritan-rarajonti-350ppi.pdf/14

[ ᭑᭓ 13B]
᭑᭓᭞
ᬲ᭄ᬢᬶᬗ᭄ᬳᬮ᭄᭟ᬩ᭄ᬗᭀᬂᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓᬤᬶᬩ᭄ᬤᬓᬾᬲᬸᬕᬶᬦᬶᬦ᭄᭞ᬦᬸᬫᭀᬦᬂᬲᬂᬳᬬᬸᬳᬦᭀᬫ᭄᭞ᬓᬤᬶᬩᬸᬮᬦᬾᬦᬤᬭᬶᬦ᭄᭞ᬧᬫᬸᬮᬸᬦᬾ
ᬗᬾᬤᬦᬶᬦ᭄᭞ᬧᬸᬢᬶᬄᬕᬥᬶᬂᬫ᭄ᬮᭀᬓ᭄ᬮᬸᬫ᭄ᬮᬸᬫ᭄᭞ᬲᬾᬗᭂᬄᬭᬗ᭄ᬕᬵᬫᬲ᭄ᬢᬧᭀᬦ᭄᭞ᬫᬕᬶᬲᭂᬄᬫ᭄ᬘᬶᬓ᭄ᬮᬶᬗ᭄ᬕᬶᬄ᭞ᬲᬳᬵᬳᬢᬸᬃ᭞ᬫᬶᬦᬗ᭄ᬳᬶᬕᬸᬲ᭄ᬢᬶᬢᬦ᭄ᬯᬶᬓ
ᬦ᭄᭟ᬭᬶᬂᬧ᭄ᬬᬦᬓ᭄ᬢᬶᬢ᭄ᬬᬂᬧᬸᬦᬶᬓᬵ᭞ᬦᬾ ᬫᬯᬲ᭄ᬢᬭᭀᬭᭀᬚᭀᬦ᭄ᬢᬶ᭞ᬧᬗᬢᬸᬗᬦᬸᬭᬶᬧ᭄ᬢᬶᬢ᭄ᬬᬂ᭞ᬲᬦᬾᬤᬤᭀᬲ᭄ᬩᬦ᭄ᬢᬂᬓᬮᬶ᭞ᬤᬾᬦᬶᬂᬢᬶᬢ᭄ᬬᬂᬢᬦ᭄ᬗᬶᬭᬶᬂ
ᬧᬓᬵᬃᬱᬦ᭄ᬳᬶᬤᬲᬂᬧ᭄ᬭᬪᬸ᭞ᬗᬢᬸᬭᬂᬳᬶᬧᬸᬦ᭄ᬓᬚ᭄ᬭᭀ᭞ᬓ᭄ᬜᬶᬂᬭᬤᬾᬦ᭄ᬩᬜ᭄ᬚᬃᬲᬭᬶ᭞ᬜ᭄ᬮᬕ᭄ᬫᬢᬸᬃ᭞ᬳᬶᬗ᭄ᬕᬶᬄᬢᬦ᭄ᬲᬦ᭄ᬤᬂᬧᬜ᭄ᬚᬗᬂ᭟ᬬᬦ᭄ᬯᬦ᭄ᬢᬄᬕᬸᬫᬦ᭄ᬢᬶᬲ᭄ᬯᬾ

[ ᭑᭔ 14A]
ᬘ᭄ᬙ᭞ᬲᬫ᭄ᬧᬸᬦᬂᬫᬮᬶᬄᬫᬕᬸᬲ᭄ᬢᬶ᭞ᬗᬦ᭄ᬤᬶᬓᬵᬭᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬩ᭄ᬘᬶᬓᬦ᭄ᬲᬫ᭄ᬧᬸᬦ᭄ᬫᬘ᭄ᬦᬶᬂ᭞ᬍᬕᬢᬶᬢ᭄ᬬᬂᬦᬫ᭄ᬧᬾᬦᬶᬦ᭄᭞ᬲᭀᬢᬦᬶᬂᬲᬸᬰ᭄ᬭᬸᬱᬵ
ᬦᬸᬮᬸᬲ᭄᭞ᬗᬗ᭄ᬓᭂᬦᬶᬦ᭄ᬢᬶᬢ᭄ᬬᬂᬳᭀᬓᬵ᭞ᬩᭀᬬᬜᬦ᭄ᬤᬂᬲᬺᬓᬾᬦ᭄ᬫᬫᬮᬶᬄ᭞ᬓᬶᬭᬂᬘᬸᬮᬸᬄ᭞ᬫᬧᬶᬦ᭄ᬤᬵᬜᬶᬗ᭄ᬕᬶᬳᬂᬭᬕ᭟ᬓᬤᬶᬓᬲᬶᬭᬢᬦ᭄ᬫᬺᬢ᭄ᬢ᭞
ᬲᬜ᭄ᬚᬶᬯᬦᬶᬬᬦᬸᬧᬫᬶ᭞ᬧᬓᬬᬸᬦᬦ᭄ᬭᬗ᭄ᬕᬵᬫᬲ᭄ᬢᬧᭀᬦ᭄᭞ᬲᬓ᭄ᬱᬡᬭᬭᬶᬲ᭄ᬫᬘ᭄ᬦᬶᬂ᭞ᬭᬶᬂᬭᬤᬾᬦ᭄ᬗᬜ᭄ᬚᬃᬲᬭᬶ᭞ᬦᬩᬸᬳᬂᬩᬩᬯᭀᬲ᭄ᬘᬮᬸᬄ᭞ᬲᭀᬢ
ᬦᬶᬂᬲᬫᬶᬯᬦᭀᬦ᭄᭞ᬫᬕᭂᬦ᭄ᬢᭀᬲ᭄ᬗᬱᬵᬧ᭄ᬭᬫᬫᬗ᭄ᬓᬶᬦ᭄᭞ᬦᬾᬬᬓᬦ᭄ᬢᬸᬦ᭄᭞ᬲᬓᬤᬶᬗᬗᬲᬶᬦ᭄ᬭᬕ᭟ᬭᬗ᭄ᬕᬵᬫᬲ᭄ᬢᬧᭀᬦ᭄ᬥᬃᬱᬡ᭞ᬳᬶᬗ᭄ᬕᬶᬄᬲᬭᬮᬾ