Kaca puniki sampun kauji-wacén
[ ᭑᭓᭖ 136B]
᭑᭓᭖᭞
ᬲᭀᬢᬦᬶᬂᬲᬶᬗ᭄ᬳᬵᬧᬸᬭᬸᬱ᭞ᬓᬾᬗᬶᬦᬦ᭄ᬢᬦ᭄ᬧᬧᬓᬾᬭᬶᬂ᭞ᬳᬦ᭄ᬤᭂᬮ᭄ᬭᬶᬂᬘᭀᬓᭀᬃᬳᬶᬤᬾᬯ᭞ᬲᬂᬓᬤᬶᬳ᭄ᬬᬂᬯᬶᬱ᭄ᬡᬸᬫᬹᬃᬢ᭄ᬢᬶ᭞ᬗᭂᬲᭂᬂᬲᬃᬯ᭄ᬯᬤᬸᬲ᭄ᬓᬺᬢᬶ᭞
ᬘᭀᬓᭀᬃᬳᬶᬤᬾᬯᬓᬯᬸᬯᬸᬲ᭄᭞ᬭᬯᬸᬄᬓᬚᬕᬢ᭄ᬲᬲᬓ᭄᭞ᬰᬹᬭᬥᬶᬭᬚᬬᬾᬂᬚᬸᬭᬶᬢ᭄᭞ᬫᬧᬕ᭄ᬰᬢ᭄ᬭᬸ᭞ᬧᬗᭂᬩᬦ᭄ᬲᬂᬳᬶᬦᬰ᭄ᬭᬬ᭟ᬫᬶᬦ
ᬩ᭄ᬲᬫ᭄ᬧᬸᬦ᭄ᬧᬦᬫᬬ᭞ᬘᭀᬓᭀᬃᬳᬶᬤᬾᬯᬦᬾᬫᬗ᭄ᬓᬶᬦ᭄᭞ᬗᭀᬤᬕ᭄ᬚᬕᬢᬾᬭᬶᬂᬲᬲᬓ᭄᭞ᬫᬮᬶᬄᬫᬫᬜ᭄ᬚᬓ᭄ᬓᬩᬮᬶ᭞ᬤᬾᬦᬶᬂᬤᬢᬸᬅ᭄ᬧᭀᬄ
ᬚᭂᬗ᭄ᬕᬶ᭞ᬲᭂᬗᬶᬢ᭄ᬓᬜ᭄ᬚᭂᬓᬦ᭄ᬫᬰᬢ᭄ᬭᬸ᭞ᬫᬋᬦ᭄ᬓᬰᬾᬮᬧᬭᬂ᭞ᬧᬜ᭄ᬚᬓᬾᬲᬓᬤᬶᬳᬸᬮᬶᬕ᭄᭞ᬤᭂᬓ᭄ᬤᭂᬓ᭄ᬋᬫᬸᬓ᭄᭞ᬢᬦ᭄ᬲᬸᬭᬸᬤ᭄ᬓᬢᬶᬩᬦ᭄ᬪᬬᬵ᭟
[ ᭑᭓᭗ 137A]
ᬲᬢᬢᬵᬦᬗ᭄ᬤᬂᬲᬗ᭄ᬰᬭ᭞ᬢᬦ᭄ᬤᬸᬭᬸᬲ᭄ᬳᬶᬧᬸᬦ᭄ᬫᬺᬢᬶᬯᬶ᭞ᬓᬢᬸᬗ᭄ᬓᬸᬮ᭄ᬜᬩ᭄ᬭᬦ᭄ᬫᬬᬸᬥ᭞ᬜᬦ᭄ᬤᬂᬦᬾᬫᬗ᭄ᬓᬶᬦ᭄ᬍᬩᭀᬦᬶᬦ᭄᭞ᬓᬲᬲᬓ᭄ᬗᭂᬦ᭄ᬤᭀᬦ᭄ᬚᬸᬭᬶ
ᬢ᭄᭞ᬮᬫᬓᬦ᭄ᬲᬶᬤ᭄ᬥᬭᬳᬬᬸ᭞ᬲᬸᬪᬶᬓ᭄ᬱᬢᬦ᭄ᬓᬲᬗᭀᬦ᭄᭞ᬧᬜ᭄ᬚᬓᬾᬭᬶᬂᬲᬲᬓ᭄ᬲᬓᬶᬢ᭄᭞ᬳᬶᬘᬾᬦ᭄ᬤᬬᬸᬄ᭞ᬭᬸᬫᬲᬢ᭄ᬫᬓᬶᬃᬢ᭄ᬢᬶᬬᬰ᭟
ᬩᭀᬬᬜᬦ᭄ᬤᬂᬲᬸᬫᬗ᭄ᬰᬬ᭞ᬘᭀᬓᭀᬃᬳᬶᬤᬾᬯᬦ᭄ᬤᬸᬦᬶᬦ᭄᭞ᬗᬗ᭄ᬓᬢᬂᬬᬸᬥᬓᬲᬲᬓ᭄᭞ᬢᬶᬢ᭄ᬬᬂᬲᬸᬫᬓᬸᬢᬗᬶᬭᬶᬂ᭞ᬗᭂᬢᭀᬳᬂᬧᬢᬶᬳᬸ
ᬭᬶᬧ᭄᭞ᬳᬢᬫ᭄ᬧᬓ᭄ᬢᬶᬢ᭄ᬬᬂᬢᬦ᭄ᬫᬸᬭᬸᬤ᭄᭞ᬭᬶᬂᬢ᭄ᬗᬳᬶᬂᬧᬮᬸᬕᭀᬦ᭄᭞ᬲᭀᬢᬦᬶᬂᬢᭀᬢᭀᬲ᭄ᬧ᭄ᬭᬚᬸᬭᬶᬢ᭄᭞ᬜᬥ᭄ᬬᬍᬩᬸᬃ᭞ᬦᬶᬦ᭄ᬤᬶᬳᬶᬦ᭄ᬘᭀ
