[ ᭑᭓᭕ 135B]
᭑᭓᭕᭞
ᬤᬸᬄᬚ᭄ᬭᭀᬢᬫ᭄ᬬᬸ᭞ᬓᬮᬸᬕ᭄ᬭᬲᬫ᭄ᬧᬸᬦ᭄ᬗᬧᬹᬃᬬ᭄ᬬᬂ᭟ᬭ᭄ᬤᬾᬦ᭄ᬓᬺᬢ᭄ᬢᬯᬓ᭄ᬱᬦᬫ᭄ᬩᬮ᭄᭞ᬳᬶᬗ᭄ᬕᬶᬄᬢᬶᬢ᭄ᬬᬂᬜᬥ᭄ᬬᬗᬶᬭᬶᬂ᭞ᬲᬃᬯ᭄ᬯᬶᬜᬭᬾᬩᬾᬢᬂᬤᭀᬤᭀ
ᬢ᭄᭞ᬚᬸᬫᬸᬚᬸᬕ᭄ᬓᬭᬚᬥᬦᬶ᭞ᬭᬶᬂᬦᬢᬭᬾᬫᬮᬶᬗ᭄ᬕᬶᬄ᭞ᬫᬰᬶᬮᬦᬧᬓ᭄ᬢᬮᬗ᭄ᬓᬸᬧ᭄᭞ᬦᬓᬾᬳᬕᬸᬂᬗᬦ᭄ᬤᬶᬓ᭞ᬫᬭᬭᬤᬾᬦ᭄ᬢᭂᬓᭂᬤ᭄ᬤᬶᬦᬶ᭞ᬳᬚᬵ
ᬓ᭄ᬮ᭄ᬬᬸ᭞ᬫᬶᬭᬶᬩ᭄ᬳᬤᬭᬯᭀᬲ᭄ᬩ᭄ᬯᬢ᭄᭟ᬢᬦ᭄ᬲᬶᬫ᭄ᬧᬂᬓᬤᬶᬯᬘᬡ᭞ᬲᬓᬾᬂᬲᬭᬢ᭄ᬭᬯᬸᬄᬢᬗ᭄ᬓᬶᬮ᭄᭞ᬳᬢᬸᬭᬤᬾᬦ᭄ᬓᬺᬢ᭄ᬢᬯᬓ᭄ᬱ᭞ᬲᬃᬯ᭄ᬯᬶᬗᬢᬸᬭᬂᬋᬋ
ᬧᬶ᭞ᬕᬶᬦᬗ᭄ᬲᬮ᭄ᬓᬯᬲᬾᬦᬶᬦ᭄᭞ᬓᬂᬭᬾᬓᬵᬳᬶᬭᬶᬓᬵᬫᬸᬗ᭄ᬕᬸᬄ᭞ᬳᬢᬸᬃᬤᬶᬧᬢᬶᬂᬮᬕ᭞ᬤᬸᬫᬤᬓ᭄ᬲᬸᬭᬢ᭄ᬧᬸᬦᬶᬓᬶ᭞ᬳᬕᬾᬓᬵᬢᬹᬃ᭞ᬭᬶᬂᬳᬶ
[ ᭑᭓᭖ 136A]
ᬤᬪᬝᬵᬭᬦ᭄ᬢᬶᬢ᭄ᬬᬂ᭟ᬦᬓᬕᬸᬂᬭᬶᬂᬓᬭᬗ᭄ᬳᬫ᭄ᬮ᭞ᬲᬂᬓᬤᬶᬳ᭄ᬬᬂᬢᬶᬕᬰkᬢᬶ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬕᬸᬲ᭄ᬢᬶᬕ᭄ᬢᬲ᭄᭞ᬲᬓᬾᬂᬢ᭄ᬬᬜᬃᬧ᭄ᬘᬓ᭄ᬓᬯᬶᬢ᭄᭞ᬫᬫᬜ᭄ᬚᬓ᭄ᬭᬶᬂ
ᬧᭀᬄᬚᭂᬗ᭄ᬕᬶ᭞ᬢᬦ᭄ᬫᬭᬶᬦᬦ᭄ᬤᬂᬧᬓᬾᬯᬸᬄ᭞ᬗᭂᬫ᭄ᬧᬶᬭᬶᬂᬰᬾᬮᬧᬭᬂ᭞ᬢᬍᬃᬓᬧᬧᬕ᭄ᬓᬧᬗ᭄ᬕᬶᬄ᭞ᬩᬭᬳᬾᬯᬸᬄ᭞ᬫᬗ᭄ᬓᬶᬦ᭄ᬚᬸᬫ᭄ᬦᭂᬓ᭄ᬭᬶᬂᬧ᭄ᬭᬬ᭟ᬢᬦ᭄ᬲᬸᬭᬸᬤ᭄ᬦ
ᬦ᭄ᬤᬂᬤᬸᬳ᭄ᬓᬶᬢ᭞ᬓᬰᬢ᭄ᬭᭀᬦᬦ᭄ᬭᬾᬄᬯᭀᬂᬩᬮᬶ᭞ᬦ᭄ᬤᬾᬯᬾᬓ᭄ᬫᬕ᭄ᬦᬄᬭᬶᬂᬲᬲᬓ᭄᭞ᬓᬤᬮᬶᬄᬫᬮᬶᬓᬂᬕᬸᬫᬶ᭞ᬳᬦ᭄ᬢᬸᬓ᭄ᬤᬢᬸᬅ᭄ᬧᭀᬄᬚᭂᬗ᭄ᬕᬶ᭞
ᬲᬓᬭᬶᬂᬫᬕᬢᬶᬰᬢ᭄ᬭᬸ᭞ᬳᭀᬦᭂᬂᬗᭂᬕᬵᬧᬶᬰᬸᬡ᭞ᬭᬸᬫᬲᬢ᭄ᬢᬶᬦ᭄ᬯᬸᬶᬢ᭄ᬬᬂᬦᬾᬫᬗ᭄ᬓᬶᬦ᭄᭞ᬓᬾᬗᬶᬦ᭄ᬘᬭᬸ᭞ᬓᬋᬩᬸᬢ᭄ᬭᬶᬂᬚᬕᬢ᭄ᬲᬲᬓ᭄᭟
Kaca:Bali-lontar-gaguritan-rarajonti-350ppi.pdf/136
Kaca puniki sampun kauji-wacén
