Kaca:Bali-lontar-gaguritan-rarajonti-350ppi.pdf/13

Saking Wikisource
Kaca puniki sampun kauji-wacén

[ ᭑᭒ 12B]
᭑᭒᭞
ᬧᬸᬭᬶ᭞ᬭᬶᬂᬲᬂᬳᭀᬭᬪᬸ᭞ᬲᭀᬢᬦᬶᬂᬤᬾᬯᬾᬓ᭄ᬫᬫᬜ᭄ᬚᬓ᭄᭟ᬢ᭄ᬯᬭᬢᬸᬬᬸᬄᬓᬮᬾᬥᬗᬦ᭄᭞ᬬᬤᬶᬦ᭄ᬳᬶᬤᬲᬸᬩᬮᬶᬗ᭄ᬲᬶᬃ᭞ᬤᬾᬦᬶᬂᬳᭀᬦᭂᬂᬫᬮᬗ᭄ᬲᬶᬗ
ᬦ᭄᭞ᬚ᭄ᬦᭂᬂᬓᬶᬮᬶᬢᬦ᭄ᬜᬸᬲᬸᬧᬶᬦ᭄᭞ᬳᬯᬦᬦ᭄ᬳᬶᬤᬓᬾᬭᬶᬲ᭄᭞ᬗ᭄ᬳᬶᬂᬩᬸᬓᬲᬫ᭄ᬧᬢᬾᬢᬸᬤ᭄ᬢᬸᬤ᭄᭞ᬤᭀᬬᬦ᭄ᬲᬬᬦ᭄ᬗᭂᬓᭂᬳᬂ᭞ᬤᭀᬂᬗᬸᬤᬤᬤᬶᬜ
ᬫ᭄ᬧᬳᬶᬦ᭄᭞ᬬᬤᬶᬦ᭄ᬭᬸᬬᬸᬤ᭄᭞ᬦᬸᬓᬺᬂᬗᭂᬚᭂᬭᬢᬸᬫ᭄ᬩᬓ᭄᭟ᬓ᭄ᬤᬾᬓ᭄ᬦᬸᬦ᭄ᬤᬸᬦ᭄ᬲᬂᬫᬶᬭᬕ᭄ᬬᬂ᭞ᬕᬶᬕᬶᬲᬂᬓᬸᬤᬫᬫᬸᬜᬶ᭞ᬓᭀᬘᬧ᭄ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓ
ᬦ᭄ᬢᬸᬓ᭄ᬩᭂᬗᭀᬂᬫᭂᬲᬸᬓᬵᬮᬶᬲ᭄᭞ᬲᬕᬾᬢ᭄ᬭᬯᬸᬄᬫᬘ᭄ᬮᬶᬕ᭄᭞ᬩᬚᬂᬳᬦᭀᬫ᭄ᬳᬬᬸᬳᬬᬸ᭞ᬤᬾᬫ᭄ᬧᬾᬤᬾᬫ᭄ᬧᭀᬫᬭᬾᬭᭀᬤ᭄᭞ᬦᬫ᭄ᬧᬩᭀ
[ ᭑᭓ 13A]
ᬓᭀᬭᬦ᭄ᬫᬵᬲ᭄ᬲᬫᬶ᭞ᬧᬗᬶᬤ᭄ᬧᬗᬸᬲ᭄᭞ᬘᬾᬱ᭄ᬝᬓᬭᬢᬫᬾᬂᬭᬭᬲ᭄᭟ᬦᬾᬭᬶᬂᬳᬚᭂᬂᬚ᭄ᬕᬾᬕ᭄ᬗᬬᬂ᭞ᬓᬧᬶᬲᬭᬜᬚᬯᬦᬶᬦ᭄᭞ᬓᬤᬶᬢᬦ᭄ᬲᬫᬾᬂ
ᬫᬵᬦᬸᬱ᭞ᬯᬮᬸᬬᬤᬾᬯᬶᬅᬜ᭄ᬚᬦᬶ᭞ᬫᬢᬾᬕ᭄ᬢᬾᬕ᭄ᬦᬢ᭄ᬬᬫᬢᬶᬫ᭄ᬧᬸᬄ᭞ᬧ᭄ᬭᬦᬫ᭄ᬬᬫᬢᬗᬦᬦ᭄᭞ᬲᬭᬭᬲᬾᬫᬗᬾᬤᬦᬶᬦ᭄᭞ᬘᬮᬸᬄ
ᬫᬢᬸᬃ᭞ᬭᬶᬂᬲᬂᬓᬤᬶᬉᬫᬃᬫᬬ᭟ᬤᬸᬭᬸᬲᬂᬗᬸᬗ᭄ᬕᬳᬂᬘᬦᬂ᭞ᬳᬶᬢᬸᬭᬶᬦ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬫᬗ᭄ᬕᬸᬢ᭄ᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬤᬾᬮᬥᬂᬓᬬᬸᬦᬾᬢᬦ᭄ᬲᬶᬧᬶ᭞
ᬭᬶᬓᬱᬓᬤᬶᬗᬶᬧᬶ᭞ᬓᬯ᭄ᬬᬦ᭄ᬫᬗ᭄ᬕᬶᬄᬧᬸᬢ᭄ᬭᬶᬳᬬᬸ᭞ᬳᬃᬱᬗᬚᭂᬗᬂᬲ᭄ᬤᬄ᭞ᬲᬂᬤ᭄ᬬᬄᬫᬧᬫᬶᬢ᭄ᬗᬯᭀᬦᬶᬦ᭄᭞ᬲᬃᬯ᭄ᬯᬶᬗᬸᬦ᭄ᬢᬸᬮ᭄᭞ᬓᬩᬶᬮ᭄ᬩᬶᬮ᭄ᬫᬧᬧ