Kaca:Bali-lontar-gaguritan-rarajonti-350ppi.pdf/116

Saking Wikisource
Kaca puniki sampun kauji-wacén

[ ᭑᭑᭕ 115B]
᭑᭑᭕᭞
ᬦ᭄᭞ᬲᬮᬶᬢᬃᬱᬫᬓᬤᬶ᭞ᬫᭂᬗ᭄ᬕᬄᬧᬫᬶᬤᬸᬓ᭞ᬭᬶᬂᬳᬶᬧᬸᬦ᭄‌ᬜᬫᬦ᭄ᬢᬶᬢ᭄ᬬᬂ᭞ᬓᬘᬯᬶᬲ?ᬢᬸᬦᬲᬸᬪᬓ᭄ᬢᬶ᭞ᬗᬢᬸᬭᬂᬳᬬᬄ᭞ᬫᬭᬸᬧᬯ᭄ᬬᬓ᭄ᬢᬶ
ᬲᬶᬲᬶᬧ᭄᭟ᬢᬸᬦᬯᬶᬭᬂᬫᬧ᭄ᬯᬭᬵᬢᬦ᭄ᬲᬶᬤ᭄ᬥᬓᬃᬬ᭄ᬬ᭞ᬓᬳᬸᬢᬸᬲ᭄ᬗᬍᬩᭀᬦᬶᬦ᭄᭞ᬚᬕᬢᬾᬭᬶᬂᬧ᭄ᬭᬬ᭞ᬗᭂᬚᬸᬓ᭄ᬤᬶᬧᬢᬶᬂᬮᬕ᭞ᬭᬾᬄᬓᬦ᭄ᬢᭂ
ᬦ᭄ᬳᬗᭂᬦ᭄ᬭᬶᬂᬳᬸᬭᬶᬧ᭄᭞ᬢᬦ᭄ᬲᬯᬦ᭄ᬬᬸᬥ᭞ᬧᬩᬼᬲᬢᬶᬧᬸᬦ᭄ᬮᬶᬮᬶᬄ᭟ᬦᬗ᭄ᬳᬶᬂᬍᬃᬧᬶᬓᬬᬸᬦᬶᬦ᭄ᬯᬶᬮᬄᬯᬶᬮᬄ᭞ᬩᭀᬬᬢᬶᬢ᭄ᬬᬂᬗᬶᬮᭀᬦᬶᬦ᭄᭞
ᬜᬫᬦ᭄ᬢᬶᬢ᭄ᬬᬂᬕ᭄ᬢᬧ᭄᭞ᬲᬓᬾᬂᬫᬥᬧᬶᬥᭂᬧᬦ᭄᭞ᬫᬶᬦᬩ᭄ᬓᬦ᭄ᬢᬸᬦᬶᬧᬸᬦ᭄ᬳᬾᬮᬶᬂ᭞ᬲᬋᬂᬫᬬᬸᬥᬵ᭞ᬲ᭄ᬥᬸᬓ᭄ᬭᬶᬂᬩᬜ᭄ᬚᬃᬲᬭᬶ᭟ᬤᬸᬓ᭄ᬓᬩᬸᬦ᭄ᬢᭂᬄᬳᬦ᭄ᬢᬸ
[ ᭑᭑᭖ 116A]
ᬓ᭄ᬱᬶᬓᭂᬧ᭄‌ᬰᬾᬮᬧᬭᬂ᭞ᬓᬢᬄᬲᬶᬓᭂᬧ᭄‌ᬧᭀᬄᬚᭂᬗ᭄ᬕᬶ᭞ᬜᬋᬗᬶᬦ᭄ᬫᬢᬗ᭄ᬕᬮ᭄᭞ᬦᬫ᭄ᬧᬶᬄᬤᬶᬧᬢᬶᬂᬮᬕ᭞ᬚᬦ᭄ᬢᭀᬲ᭄‌ᬰᬾᬮᬧᬭᬂ
ᬮᬶᬮᬶᬄ᭞ᬓᬾᬄᬓᬩᬜ᭄ᬚᬭᬦ᭄᭞ᬢᬦ᭄ᬧᬾᬗᬦ᭄ᬧᬥᭂᬫ᭄ᬓᬦᬶᬦ᭄᭟ᬓᬦ᭄ᬢᭀᬲ᭄ᬦᭂᬫ᭄ᬦᭂᬫ᭄‌ᬯᬢᭂᬓ᭄ᬯᬶᬭᬰᬾᬮᬧᬭᬂ᭞ᬤᬸᬓ᭄ᬧᬸᬦᬶᬓᬵᬗ᭄ᬫᬲᬶᬦ᭄᭟
ᬜᬍᬫ᭄ᬧᬄᬓᬲᭂᬫ᭄ᬧᬮ᭄᭞ᬳᬦ᭄ᬢᬸᬓ᭄ᬤᬶᬧᬢᬶᬂᬮᬕ᭞ᬬᬦ᭄ᬢᬦ᭄ᬲᬶᬓᭂᬧ᭄ᬩᬜ᭄ᬚᬃᬫᬲᬶᬦ᭄᭞ᬭᬯᬸᬄᬫᬢᬗ᭄ᬕᬮ᭄᭞ᬗᬮᬸᬭᬸᬕ᭄ᬩᬜ᭄ᬚᬃᬲᬭᬶ᭟ᬫᬦ᭄ᬤᭀᬄ
ᬲᬶᬤ᭄ᬥᬵᬲᬶᬓᭂᬧ᭄ᬩᬜ᭄ᬚᬃᬲᬭᬶᬓᬮᬄ᭞ᬓᬲᭀᬃᬫᬤᬤᬕᬦ᭄᭞ᬚᬦ᭄ᬢᭂᬦ᭄ᬲᬫ᭄ᬧᬸᬦ᭄ᬧᬶᬂᬢᬶᬕ᭞ᬲᬶᬓᭂᬧ᭄ᬰᬾᬮᬧᬭᬂᬮᬶᬮᬶᬄ᭞ᬤᬶᬧᬢᬶᬂᬮᬕ᭞ᬰᬹᬭ