Kaca puniki sampun kauji-wacén
[ ᭑᭑᭑ 111B]
᭑᭑᭑᭞
᭟ᬢ᭄ᬯᬭᬢᬳᬸᬢ᭄ᬓᬾᬦ᭄ᬤᬾᬯᬾᬓ᭄ᬧᬭᬭᬸᬤᬦ᭄᭞ᬳᬸᬮᬶᬤᬶᬩᬜ᭄ᬚᬃᬲᬭᬶ᭞ᬢᭀᬂᬲᬚᬗᬶᬗᭂᬢᬂ᭞ᬲᬗ᭄ᬓᬦ᭄ᬬᬗᭂᬮᬄᬲᭀᬫᬄ᭞ᬬᬦ᭄ᬢᬦᬶ
ᬭᬗᬮᬸᬕ᭄ᬭᬳᬶᬦ᭄᭞ᬗᬢᬾᬦ᭄ᬤᬶᬧ᭄ᬭᬬᬵ᭞ᬫᬲᬜᬓ᭄ᬭᬭᬚᭀᬦ᭄ᬢᬶ᭟ᬫᬲᬓᬧᬦ᭄ᬳᬚᬓ᭄ᬚᬮ᭄ᬫᬵᬫᬗᬼᬦ᭄ᬢᬶᬭᬦ᭄᭞ᬢᭀᬂᬗᭂᬦᬄᬓᬤᬂᬯᭂᬃᬕ᭄ᬕᬶ᭞
ᬤᬶᬦᬶᬫᬫᬋᬓᬦ᭄᭞ᬲᬲᬳᬶᬦᬸᬦᬲ᭄ᬧᬶᬘ᭄ᬘ᭞ᬲᬸᬩᬵᬩ᭄ᬢᭂᬓᬦ᭄ᬗᭂᬦ᭄ᬤᬶᬕᬶᬦ᭄᭞ᬢ᭄ᬯᬭᬗᬶᬗᭂᬢᬂ᭞ᬤᬾᬯᬾᬓ᭄ᬫᬳᬸᬢᬂᬳᬸᬭᬶᬧ᭄᭟ᬲᬗ᭄ᬓᬦ᭄ᬭᬭᬸᬤ᭄ᬳᬶᬧᬸᬦ᭄ᬳᬸᬮᬶ
ᬰᬾᬮᬧᬭᬂ᭞ᬫᬫᬜ᭄ᬚᬓ᭄ᬤᬶᬧᭀᬄᬚᭂᬗ᭄ᬕᬶ᭞ᬳᬧᬂᬩᬸᬳᬸᬂᬩᬗ᭄ᬓᬵ᭞ᬤᬶᬦᬶᬳᬗ᭄ᬕᭀᬦ᭄ᬧᬋᬓᬦ᭄᭞ᬧᬤᬍᬫ᭄ᬭᬾᬄᬗᬲᬶᬄᬳᬲᬶᬄ᭞ᬤᭀᬂᬢᭀᬂᬫ
[ ᭑᭑᭒ 112B]
ᬥᬬ᭞ᬳᭂᬗ᭄ᬲᬧ᭄ᬢᭂᬓᬾᬦ᭄ᬯᭂᬮᬲᬶᬦ᭄᭟ᬓ᭄ᬫᭀᬚᬦᬶᬳᬾᬗ᭄ᬕᬮᬂᬓᭂᬕ᭄ᬢᭂᬕ᭄ᬓᬧ᭄ᬭᬬᬵ᭞ᬬᬦ᭄ᬬᬢ᭄ᬯᬭᬜᬓ᭄ᬦᬗ᭄ᬓᬶᬮ᭄᭞ᬳᭀᬭᭀᬲ᭄ᬢᬶᬕ᭄ᬢᬶᬕ᭄ᬘᬓ᭄ᬘᬓ᭄,
ᬢ᭄ᬕᬸᬮ᭄ᬳᬗ᭄ᬕᭀᬦ᭄ᬗᬩᬡ᭄ᬥᬦ᭄᭞ᬓᬬᬂᬲᭀᬫᬄᬜᬦᬾᬧᬳᬶᬤ᭄᭞ᬳᬶᬭᬍᬓ᭄ᬚᭂᬗᬄ᭞ᬢ᭄ᬓᬾᬦ᭄ᬫᬵᬦᬸᬱᬚᬤᬶᬕ᭄᭟ᬲᬳᬸᬃᬫᬦᬸᬓ᭄ᬲᬂᬓᬶᬘ᭄ᬘᬾᬦ᭄ᬯ
ᬘᬡ᭞ᬢᬶᬢ᭄ᬬᬂᬧᬶᬢ᭄ᬮᬲ᭄ᬗᬶᬭᬶᬂ᭞ᬫᬓᬸᬯᬸᬕ᭄ᬫᬲᬸᬃᬬ᭄ᬬᬓ᭄᭞ᬓᬤᬶᬳᭀᬫ᭄ᬩᬓ᭄ᬗᬮᬜ᭄ᬘᬄ᭞ᬦᭂᬫ᭄ᬧᬸᬄᬧᬭᬗᬦᬸᬧᬫᬶ᭞ᬲᬓ᭄ᬱᬡᬫᬗ᭄ᬓᬢ᭄᭞ᬳᬸᬫᬸᬂᬲ᭄ᬯᬭ
ᬦ᭄ᬕᭀᬂᬩᬾᬭᬶ᭟ᬳᬦ᭄ᬤᭂᬮ᭄ᬳᬶᬤᬲᬂᬧ᭄ᬭᬪᬸᬢᬸᬫᭀᬦᬶᬂᬯᬤ᭄ᬯ᭞ᬧᬕ᭄ᬭᬤᭂᬕ᭄ᬗᭂᬦ᭄ᬤᭀᬦ᭄ᬚᬸᬭᬶᬢ᭄᭞ᬫᬕ᭄ᬩᬸᬕ᭄ᬓᬧ᭄ᬭᬬᬵ᭞ᬜᬥ᭄ᬬᬗᭂᬚᬸᬓᬓ᭄ᬩᬩᬡ᭄ᬥᬦ᭄᭞ᬫᬦ᭄ᬢᬸ
