Kaca puniki sampun kauji-wacén
[ ᭑᭐᭘ 108B]
᭑᭐᭘᭞
ᬓᬬᬸᬦ᭄ᬲᬂᬧ᭄ᬭᬪᬸ᭟ᬩᬧᬲᬓᬶᬂᬗᬕᭂᬦ᭄ᬘᭂᬦᬶᬂᬫᬤᬤᬕᬦ᭄᭞ᬗᬶᬭᬶᬂᬳᬶᬤᬲᬂᬧ᭄ᬭᬪᬸ᭞ᬫᬗ᭄ᬤᭀᬄᬩᬧᬫᬸᬭᬸᬤ᭄᭞ᬗᭂᬢᭀᬳᬂᬲᬧᬢᬶᬳᬸᬭᬶᬧ᭄᭞ᬫᬸᬮ
ᬫᬯᬶᬢ᭄ᬢᬸᬗ᭄ᬓᬲ᭄᭞ᬳᬸᬮᬶᬮᬯᬲ᭄ᬫᬗ᭄ᬕᭂᬄᬰᬢ᭄ᬭᬸ᭞ᬦᬄᬚᬦᬶᬘᬸᬢᭂᬢᬂ᭞ᬧᬜ᭄ᬚᬓᬾᬚᬮᬦ᭄ᬢᬭᬶ᭞ᬢᬸᬃᬕ᭄ᬮᬭᬾᬜᬦ᭄ᬤᬂᬓᬸᬓᬸᬳᬂ᭞ᬬᬢ᭄ᬦᬵᬘ᭄ᬦᬶᬂᬦᬗ᭄ᬓᭂᬧᬶ
ᬦ᭄ᬰᬢ᭄ᬭᬸ᭟ᬳᬧᬂᬤᬓᬲᭀᬭᬦ᭄ᬢᬦ᭄ᬤᬶᬂᬫᬧᬕ᭄ᬬᬸᬥ᭞ᬤᬾᬦᬶᬂᬳᬶᬤᬲᬂᬧ᭄ᬭᬪᬸ᭞ᬫᬤ᭄ᬯᬾᬧᬜ᭄ᬚᬓ᭄ᬮ᭄ᬬᬸ᭞ᬳᬶᬮᬳᬶᬮᬳᬫ᭄ᬧᬄᬘ᭄ᬦᬶᬂ᭞ᬫᬧ᭄ᬯᬭᬓᬧᭂᬲᬦ᭄᭞
ᬬᬦᬶᬂᬕ᭄ᬮᬭᬾᬢ᭄ᬯᬭᬓᬸᬓᬸᬄ᭞ᬗᬧᬫᬓᬸᬲᬭ᭞ᬜᬭᬢᬂᬗᬮᬶᬄᬓᬦ᭄ᬢᬶ᭞ᬦᬸᬮ᭄ᬬᬢᬺᬱ᭄ᬡᬵᬭᬶᬂᬩᬧ᭞ᬲᬕᬾᬦ᭄ᬗᬕᭂᬦ᭄ᬮᬓᬃᬫᬢᬸᬮᬸᬂ᭟ᬤᬶᬧᬢᬶᬂᬮ
[ ᭑᭐᭙ 109A]
ᬕᬲᬳᬶᬭᬶᬂᬫᬬᬢ᭄ᬦᬬᬦ᭄᭞ᬫᬦᬗᬸᬦᬂᬕ᭄ᬮᬃᬓᬸᬓᬸᬄ᭞ᬲᭀᬢᬦᬶᬂᬫᬰᬢ᭄ᬭᬸ᭞ᬫᬋᬧ᭄ᬭᬶᬂᬲᬂᬗ᭄ᬭᬓ᭄ᬱᬕᬸᬫᬶ᭞ᬓᬯᬶᬢ᭄ᬤᬸᬓ᭄ᬧᬸᬦᬶᬓᬵ᭞ᬚᬕᬢᬾᬭᬶᬂ
ᬲᬲᬓ᭄ᬩ᭄ᬬᬃ᭞ᬫᬫᭂᬲᭂᬄᬭᬶᬂᬓᬤᬂ᭞ᬧᬗᬢᬕ᭄ᬓᬮᬶᬓᬮᬶ᭞ᬧᬚᬦ᭄ᬢᭀᬲᬦ᭄ᬧᬘᬂᬭᬸᬲᬓ᭄᭞ᬧᬦᬕᬭᬦ᭄ᬳᬶᬤᬲᬂᬧ᭄ᬭᬪᬸ᭟ᬲ᭄ᬗᬶᬢ᭄ᬫᬋᬧ᭄ᬓᬧᭀᬄᬚᭂ
nᬕ᭄ᬕᬶ᭞ᬫᬶᬲᬦ᭄ᬫᬶᬦ᭄ᬥᭀᬦ᭄ᬫᬘᬸᬘᬸᬄ᭞ᬲᬂᬧ᭄ᬭᬪᬸᬓᬧᬶᬮᬸᬕ᭄᭞ᬢᬦ᭄ᬲᬄᬗᭀᬥᬭᬭᬚᭀᬦ᭄ᬢᬶ᭞ᬓᬩᬢᭂᬓᬶᬦ᭄ᬤ᭄ᬭᬶᬬ᭞ᬮᬶᬧ᭄ᬬᬭᬶᬂᬰᬰᬡᬦ᭄ᬭᬢᬸ᭞
ᬗᬦ᭄ᬤᭂᬮᬂᬓᬕᬸᬗᬦ᭄᭞ᬧᬜ᭄ᬚᬓᬾᬓᬤᬶᬳᬸᬮᬶᬕ᭄᭞ᬤᬸᬭᬸᬲ᭄ᬫᬢᬾᬫ᭄ᬧᬾᬓ᭄ᬢᬾᬫ᭄ᬧᬾᬓᬦ᭄᭟ᬫᬤᬸᬃᬕ᭄ᬕᬫᬵᬫᬕᬢᬶᬰᬢ᭄ᬭᬸ᭟᭐᭟
