Kaca:Bali-lontar-gaguritan-rarajonti-350ppi.pdf/108

Saking Wikisource
Kaca puniki sampun kauji-wacén

[ ᭑᭐᭗ 107B]
᭑᭐᭗᭞
ᬯᬶᬭᬂ᭞ᬤᬧᭂᬲᬜ᭄ᬘᭂᬦᬶᬂᬗᬫ᭄ᬩᬸᬮ᭄᭞ᬫᬰᬩᬧᬫᬸᬭᬸᬤ᭄᭞ᬗᬋᬧᬶᬦ᭄ᬤᬢᬸᬅ᭄ᬧᭀᬄᬚᭂᬗ᭄ᬕᬶ᭞ᬦᬶᬦ᭄ᬤᬶᬄᬢ᭄ᬓᬾᬦᬸᬫᬄ᭞ᬫᬾᬮᬦᬶᬦ᭄ᬧᬦ
ᬓ᭄‌ᬫ᭄ᬯᬂᬫᬦ᭄ᬢᬸ᭞ᬤᭀᬂᬗᬸᬤᬦᬦ᭄ᬤ᭄ᬭᬸᬳᬂ᭞ᬳᬫ᭄ᬩᭂᬓ᭄ᬩᬧᬵᬦᬾᬗᬸᬦᬶ᭞ᬬᬦ᭄ᬢᬦ᭄ᬘᭂᬦᬶᬂᬢ᭄ᬓᬜᬧ᭄ᬲᬧ᭄᭞ᬲᬶᬦᬄᬤᬸᬕᬲ᭄‌ᬦ᭄ᬢᭀᬩᬧᬧᬬᬸ᭟ᬫᬵ
ᬲ᭄ᬬᬢ᭄ᬗᭂᬢᭀᬳᬂᬳᬸᬭᬶᬧ᭄‌ᬫ᭄ᬢ᭄ᬮᬲᬦ᭄᭞ᬓᬩᬢᭂᬓ᭄ᬚᭂᬗᬄᬗᬦ᭄ᬢᬸᬕ᭄᭞ᬭᬶᬂᬳᬶᬤᬲᬂᬧ᭄ᬭᬪᬸ᭞ᬯᬾᬄᬢᬦ᭄ᬲᬸᬭᬸᬤ᭄ᬗᬯᬾᬯᬾᬘᬶ᭞ᬦᬄᬚᬦᬶᬧᬶᬲᬦᬂ᭞
ᬳᬶᬤᭂᬧ᭄ᬘᭂᬦᬶᬗᬾᬫᬫᬬᬸ᭞ᬩᬧᬵᬧᬶᬘᬕᭂᬭᬂ᭞ᬫᬗ᭄ᬤᭀᬄᬩᬧᬫᬓᬶᬭᬶᬕ᭄᭞ᬤᬶᬧᬢᬶᬂᬮᬕᬵᬕᬃᬚ᭄ᬚᬶᬢ᭞ᬲ᭄ᬥᭂᬂᬩᬶᬗᬃᬧ᭄ᬭᬡᬫ᭄ᬬᬫᬢᬸᬃ᭟ᬬ
[ ᭑᭐᭘ 108A]
ᬦᬶᬂᬲᬧᬸᬦᬶᬓᬵᬳᬚᬶᬍᬕᬢᬶᬢ᭄ᬬᬂ᭞ᬤ᭄ᬬᬲ᭄ᬢᬸᬦ᭄ᬧᬾᬢ᭄ᬧᬘᬂᬍᬩᬸᬃ᭞ᬢᬶᬢ᭄ᬬᬂᬤᬤᭀᬲ᭄ᬘᬭᬸ᭞ᬍᬓ᭄ᬚᭂᬗᬄᬢᬶᬢ᭄ᬬᬂᬫᬶᬭᬕᬶ᭞ᬯᬘᬡᬦ᭄ᬲᬂᬦᬵ
ᬣ᭞ᬤᬸᬓ᭄ᬭᬶᬂᬳᬮᬲᬾᬫᬩᬸᬭᬸ᭞ᬭᬸᬫᬲᬢ᭄ᬫᬢᬂᬢᬂ᭞ᬗᬮᬾᬓᬂᬢᬶᬢ᭄ᬬᬂᬫ᭄ᬜᬶᬢ᭄᭞ᬢᬦ᭄ᬲᬸᬭᬸᬦ᭄ᬫᬾᬮᬦᬶᬦ᭄ᬲᭀᬫᬄ᭞ᬩᭀᬬᬋᬓᬾᬲᬓᬾᬂ
ᬧᬧᬤᬸ᭟ᬧᬶᬲᬦᬾᬫᬗ᭄ᬓᬶᬦ᭄ᬤᬤᬭᬶᬦ᭄ᬫᬦᬄᬢᬶᬢ᭄ᬬᬂ᭞ᬭᬶᬗᬶᬭᬶᬗᬵᬂᬳ᭄ᬬᬸᬦ᭄ᬲᬂᬧ᭄ᬭᬪᬸ᭞ᬜᬥ᭄ᬬᬫᬮᬳᬬᬸ᭞ᬭᬶᬂᬭᬡᬗ᭄ᬕᬫᬓᬶᬃᬢ᭄ᬢᬶ᭞ᬦᬸᬦᬲ᭄ᬧᬜᬸ
ᬧᬢᬦ᭄᭞ᬭᬗ᭄ᬕᬵᬫᬲ᭄ᬢᬧᭀᬦ᭄ᬫᬲᬳᬸᬃ᭞ᬦᬄᬚᬮᬦ᭄ᬫᬓᬶᬦ᭄ᬓᬶᬦᬦ᭄᭞ᬳᬧᬂᬤᬓᬲᬾᬧ᭄ᬢᬗ᭄ᬓᬶᬲ᭄᭞ᬳᬶᬤᭂᬧ᭄ᬘᭂᬦᬶᬂᬦᬗᬸᬦ᭄ᬬᬸᬥ᭞ᬦᬢᬓ᭄ᬲᬧ