Kaca puniki sampun kauji-wacén
[ ᭑᭐᭒ 102B]
᭑᭐᭒᭞
ᬧᬂᬩ᭄ᬮᬶᬲᬓᬶᬢ᭄ᬳᬢᬶ᭞ᬜᭂᬩᭂᬢᬂᬤᭀᬂᬧᬕ᭄ᬮᬳᬦ᭄᭞ᬦᬗ᭄ᬳᬶᬂᬫᬰᬩ᭄ᬮᬶᬲᬶᬧᭀᬓ᭄᭞ᬢ᭄ᬯᬭᬫᬢᬶᬍᬲᬂᬳᬯᬓ᭄᭞ᬩᬦ᭄ᬮᬘᬸᬭᬾᬓᬮᬶᬦ᭄ᬢᬂ᭞ᬲᬢ᭄ᬫ
ᬓᬵᬩ᭄ᬮᬶᬫᬢᬸᬗ᭄ᬕᬸ᭞ᬤᬶᬦᬶᬜᬢᬦᬤᬶᬧ᭄ᬭᬬᬵ᭟ᬢᬦ᭄ᬯᭂᬦᬂᬲᬩᬸᬤ᭄ᬥᬶᬩᬸᬤ᭄ᬥᬶ᭞ᬲᭀᬢᬦᬶᬂᬤᬤᬶᬲᬦ᭄ᬢᬦ᭞ᬫᬘᬢᬸᬦᬲᬶᬳᬢᬾᬓᭀᬃ᭞ᬤ᭄ᬯ
ᬦᬶᬂᬳᬤᬶᬳᬮᬸᬄᬳᬾᬮᬄ᭞ᬳᬶᬥᭂᬧᬾᬫ᭄ᬗᬶᬲᬾᬓᬬᬂ᭞ᬧᬶᬧᬶᬲᬗ᭄ᬕᭀᬦ᭄ᬗᬸᬮᬄᬦᬸᬦ᭄ᬤᬸᬂ᭞ᬫᬓᬵᬯᬢᬂᬫᭂᬤ᭄ᬫᬲᭀᬫᬄ᭟ᬤᬸᬄᬬᬦ᭄ᬲᬸᬩᬲᬓᬾᬂ
ᬳᬤᬶ᭞ᬫᬓᬶᬢᬗᬸᬢᬂᬓᬸᬋᬡᬦ᭄᭞ᬫᬰᬩ᭄ᬮᬶᬮᬓᬃᬧᬺᬤ᭄ᬥᭀ᭞ᬫᬩᬸᬤ᭄ᬥᬶᬦᬕᬶᬄᬲᬬᬗᬂ᭞ᬩ᭄ᬮᬶᬦᬯᬂᬍᬓ᭄ᬚᭂᬗᬄ᭞ᬚᭀᬄᬧᬭᬩ᭄ᬮᬶᬫᬫ᭄ᬭᬸᬤ᭄
[ ᭑᭐᭓ 103A]
᭞ᬲᬭᬳᬶᬤᭂᬧᬾᬜᬾᬧᬓᬂ᭟ᬦᬄᬧᬶᬲᬦ᭄ᬗᭂᬮᬶᬫᬧᬫᬶᬢ᭄᭞ᬳᬧᬂᬳᬤᬶᬳᬮᬸᬄᬳᬾᬮᬄ᭞ᬗᬸᬮᬸᬭᬶᬦ᭄ᬳᬶᬤᭂᬧᬾᬫᭀᬫᭀ᭞ᬢ᭄ᬯᬭᬳ
ᬤᬜᬫ᭄ᬩᬢ᭄ᬲᬭ᭞ᬲᬩᬸᬤ᭄ᬥᬶᬢᬦ᭄ᬓᬯᬭ᭞ᬮᬫᬓᬦ᭄ᬢ᭄ᬯᬭᬚᬵᬮᬦ᭄ᬢᬸᬤ᭄᭞ᬓᬧᭀᬄᬚᭂᬗ᭄ᬕᬶᬫᬢᬶᬦ᭄ᬤᬓᬦ᭄᭟ᬓᬩᭂᬮ᭄ᬩᭂᬮᬦ᭄ᬭᬭᬚᭀᬦ᭄ᬢᬶ᭞ᬗ
ᬭᬸᬗᬸᬤᬶᬧᬢᬶᬂᬮᬕ᭞ᬧᬢᬶᬓᬘᬸᬄᬗᬫ᭄ᬩᬸᬮ᭄ᬗᬫ᭄ᬩ᭄ᬭᬾᬲ᭄᭞ᬓᬩᬗᬦ᭄ᬮᬶᬯᬢ᭄ᬤᬸᬳ᭄ᬓᬶᬢ᭞ᬓᬸᬤ᭄ᬬᬂᬚᬦᬶᬓᬾᬦ᭄ᬓᬾᬦᬂ᭞ᬮᬫᬓᬦ᭄ᬢᬦ᭄ᬤᬸᬭᬸᬲ᭄ᬗᬫ᭄ᬩᬸᬮ᭄᭞ᬓ
ᬲᬼᬓ᭄ᬢᬦ᭄ᬫᭂᬥᬮ᭄ᬓᬦ᭄ᬤ᭟ᬲᬯᬶᬭᬾᬄᬲᬫ᭄ᬧᬸᬦ᭄ᬫᬪᬸᬓ᭄ᬢᬶ᭞ᬓᬾᬜ᭄ᬘ᭄ᬭᬶᬓᬾᬓᬾᬗᬶᬪ᭄ᬯᬢᬂ᭞ᬤᬸᬭᬸᬲ᭄ᬦᬗᬶᬲ᭄ᬳᬗ᭄ᬕᭀᬃᬳᬗ᭄ᬕᭀᬃ᭞ᬦ᭄ᬤᬯᭂᬕᬂᬦᬸᬦᬲᬵᬫ᭄ᬧᬸᬭᬵ᭞
