[ ᭙ 9B]
᭙᭞ᬓᬾᬂᬲᬥᬸᬳᬸᬮᬢᬂᬭᬶᬂᬲᬲ᭄ᬩᭂᬗᬦ᭄᭞ᬲᬗ᭄ᬓᬦᬶᬂᬢᭂᬃᬱ᭄ᬡᬳᬲᬶᬄ᭞ᬓᬬᬸᬦᬾᬜᬶᬫ᭄ᬧᬗᬂ᭞ᬭᬹᬧᬢᬦ᭄ᬲᬸᬫᭂᬦ᭄ᬤᬾᬬ᭞ᬤ᭄ᬯᬦᬶᬂᬭᬤᬾᬦ᭄ᬩᬜ᭄ᬚᬃᬲᬭᬶ᭞ᬗᬤ᭄ᬬ
ᬦᬶᬦ᭄ᬲᬶᬫ᭄ᬧᬂ᭞ᬓᬧᬸᬭᬶᬦ᭄ᬭᬓ᭄ᬭ᭄ᬬᬦ᭄ᬧᬢᬶᬄ᭟ᬫᬓᭂᬫ᭄ᬩᬭᬦ᭄ᬫᬫᬃᬕ᭄ᬕᬫᬤᬦ᭄ᬤᬦ᭄ᬢᬗᬦ᭄᭞ᬲᬂᬲᬶᬫ᭄ᬧᬂᬓᬲᬶᬫ᭄ᬧᬗᬶᬦ᭄᭞ᬢᬦ᭄ᬤᬸᬭᬸᬲ᭄ᬫᬬᬸᬥ᭞ᬲᬶᬓᭂᬧᬾᬩᭂ
ᬗᭀᬂᬩᭀᬧᬓ᭄᭞ᬢᬹᬃᬓᭂᬦ᭄ᬤᭂᬮ᭄ᬢᬦ᭄ᬤᬸᬭᬸᬲ᭄ᬫᬢᬶ᭞ᬗ᭄ᬢᭀᬦ᭄ᬲᬂᬓᬃᬯ᭄ᬯ᭞ᬲᬶᬦᭀᬫᬦ᭄ᬤᬾᬰᬗᬶᬭᬶᬂ᭟᭐᭟ᬲᬶᬦᭀᬫ᭄᭟ᬚᬸᬫᬸᬚᬸᬕ᭄ᬓᬤᬾᬰᬧ᭄ᬭᬬ᭞
ᬫᬤᬦ᭄ᬳᬦ᭄ᬢᬗᬦ᭄ᬲᬂᬓᬵᬮᬶᬄ᭞ᬓᬸᬤᬸᬳᬦᬓ᭄ᬫᬲᬫᭂᬢᭀᬦ᭄᭞ᬧᬜ᭄ᬚᬓᬾᬲᬸᬫᬸᬬᬸᬕ᭄ᬗᬶᬭᬶᬂ᭞ᬲᬶᬓᭂᬧ᭄ᬧ᭄ᬭᬬᬵᬧᭀᬄᬚᭂᬗ᭄ᬕᬶ᭞ᬫᬤᬸᬓᬦ᭄ᬲᬋᬂᬮᬸᬫᬵ
[ ᭑᭐ 10A]
ᬓᬸ᭞ᬫᬕᭀᬜ᭄ᬚᬓ᭄ᬧᬭᬲ᭄ᬧᬭᭀᬲ᭄᭞ᬢᬦ᭄ᬓᬦ᭄ᬢᬸᬦ᭄ᬫᬦᬄᬲ᭄ᬗᬶᬢ᭄᭞ᬯᬦᭀᬦ᭄ᬘᬮᬸᬄ᭞ᬲᭀᬢᬦᬶᬂᬫᬓᬥᬂᬯᬃᬕ᭄ᬕ᭟ᬫᬓ᭄ᬭᬶᬫᬶᬓ᭄ᬳᬶᬧᬸᬦ᭄ᬫᬚᬮᬦ᭄᭞
ᬤᬲ᭄ᬧᬬᬸᬗ᭄ᬘᭀᬭᬂᬕ᭄ᬢᬶᬄ᭞ᬫᬋᬧ᭄ᬢᭂᬓᬾᬦ᭄ᬫᬶᬲᬦ᭄ᬫᬶᬦ᭄ᬤᭀᬦ᭄᭞ᬗᬭᬂᬩᬮᬸᬂᬢᬦ᭄ᬧᬳᬶᬲᬶ᭞ᬤᬾᬯᬾᬓᬾᬧᬬᬸᬫᬢᬶ᭞ᬫᬾᬮᬦᬶᬦᬾᬢ᭄ᬯᬭᬧᬢᬸᬢ᭄᭞
ᬮᬕᬸᬢᬾᬫᬫᬋᬓᬦ᭄᭞ᬫᬲᬶᬄᬓᬾᬯᬮᬫᬶᬦᭂᬳᬶᬦ᭄᭞ᬲᬕᬾᬢ᭄ᬭᬯᬸᬄ᭞ᬭᬶᬂᬧᬸᬭᬶᬓᬭᬂᬓᬧᬢ᭄ᬬᬦ᭄᭟ᬳᬶᬭᬶᬓᬵᬭᬶᬂᬤᬾᬰᬧ᭄ᬭᬬᬵ᭞ᬲᬂᬓᬮᬶᬄᬲᬫ᭄ᬧᬸ
ᬦ᭄ᬫᬜ᭄ᬚᬶᬂ᭞ᬧ᭄ᬭᬱᬫ᭄ᬬᬭᬗ᭄ᬕᬫᬲ᭄ᬢᬧᭀᬦ᭄᭞ᬗᬢᬸᬭᬶᬦ᭄ᬲᬂᬯᬳᬸᬧ᭄ᬭᬧ᭄ᬢᬶ᭞ᬫᬗ᭄ᬳᬮᬾᬥᬂᬫᬮᬶᬗ᭄ᬕᬶᬄ᭞ᬭᬶᬂᬳᬫ᭄ᬩᬾᬓ᭄ᬕᭂᬥᭀᬗᬾᬲᬫ᭄ᬧᬸᬦ᭄᭞ᬧ᭄ᬭᬫᬤᬫᬶᬫ
Kaca:Bali-lontar-gaguritan-rarajonti-350ppi.pdf/10
Kaca puniki sampun kauji-wacén
