[᭑᭙ 19B]
᭑᭙
ᬯᬾᬦ᭄ᬢᭂᬦ᭄ᬧᬗᬦ᭄ᬤᬶᬓᬦᬶᬤ᭞ᬲᬗ᭄ᬳ᭄ᬬᬂᬰᬶᬯᬤᬸᬓᬾᬗᬸᬦᬶ᭞ᬳᬶᬘ᭄ᬙᬫᬯᬭᬄᬭᬶᬂᬢᬶᬢ᭄ᬬᬂ᭞ᬳᬶᬤᬗᬮᬸᬕ᭄ᬭᬳᬶᬦ᭄ᬫᬃᬕ᭄ᬕᬶ᭞ᬓᭀᬘᬧ᭄ᬫᬕ᭄ᬦᬄᬳᬶᬭᬶᬓᬶ᭞ᬲᬫ᭄ᬧᬸᬦ᭄ᬤ
ᬤᭀᬲ᭄ᬮᬾᬕᭀᬂᬭᬢᬸ᭞ᬳᬦ᭄ᬢᬸᬓ᭄ᬳᬶᬤᬲᬗ᭄ᬳ᭄ᬬᬂᬇᬦ᭄ᬤ᭄ᬭ᭞ᬫᬧ᭄ᬯᬭᬢ᭄ᬯᬭᬦᬦ᭄ᬤᬂᬗᬶᬦ᭄᭞ᬲᬧᬸᬦᬶᬓ᭞ᬳᬯᬶᬦ᭄ᬭᬯᬸᬄᬫᬦᬸᬦᬲ᭄᭟ᬳᬶᬚᬧᬢ᭄ᬯᬦ᭄ᬫᬜᬸᬫ᭄ᬩᬂ᭞ᬢᬶᬢ᭄ᬬᬂ
ᬦᬯᭂᬕ᭄ᬫᬢᬸᬃᬲᬶᬲᬶᬧ᭄᭞ᬜᬤ᭄ᬬᬦᬸᬦᬲ᭄ᬩᬜᬸᬦ᭄ᬘᭀᬓᭀᬃ᭞ᬧᬡ᭄ᬤᬶᬢᬶᬸᬢᬗᬦ᭄ᬤᬶᬓᬳᬭᬶᬲ᭄᭞ᬦᬄᬫᬳᬶᬧᬳᭂᬓᬂᬘ᭄ᬦᬶᬂ᭞ᬤᬶᬦᬶᬫᬮᬸᬓᬢ᭄ᬦᬾᬫᬮᬸ᭞ᬯᬸ
ᬲᬦ᭄ᬫᬗ᭄ᬓᬶᬦ᭄ᬫᬢᬶᬃᬢ᭞ᬧᬡ᭄ᬥᬶᬢᬗᬦ᭄ᬤᬶᬓᬳᬭᬶᬲ᭄᭞ᬓ᭄ᬫᬫᬮᬸ᭞ᬓᬚᬓᬗᬶᬦ᭄ᬕᬫ᭄ᬩᬄᬫ᭄ᬮᬄ᭟ᬤᬶᬢᬸᬫᬮᬸᬤᬶᬧᬲ᭄ᬭᬫᬦ᭄᭞ᬭᬶᬂᬪᬕᬯᬦ᭄ᬰᬸᬓ᭄ᬭᬘ᭄ᬦᬶᬂ᭞ᬤᬶ
[᭒᭐ 20A]
ᬢᬸᬮᬳᬸᬢ᭄ᬦᬸᬦᬲ᭄ᬮᬸᬕ᭄ᬭ᭞ᬧᬗ᭄ᬤᬲᬗ᭄ᬓᬮᬤᬶᬫᬃᬕ᭄ᬕᬶ᭞ᬳᬶᬚᬧᬢ᭄ᬯᬦ᭄ᬫᬗᬶᬭᬶᬂ᭞ᬫᬧᬫᬶᬢ᭄ᬭᬭᬶᬲ᭄ᬮᬸᬫᬓᬸ᭞ᬲᬋᬂᬲᬶᬭᬕᬕᬓ᭄ᬢᬸᬭᬲ᭄᭞ᬧᬫᬃᬕ᭄ᬕᬶᬦᬾᬲᬤᬳᬭᬶᬲ᭄᭞ᬲᬂᬮᬸᬫ
ᬓᬸ᭞ᬲᬫ᭄ᬧᬸᬦ᭄ᬭᬯᬸᬄᬭᬶᬂᬧᬲ᭄ᬭᬫᬦ᭄᭟ᬧᬡ᭄ᬥᬶᬢᬳᬭᬶᬲ᭄ᬗᬦ᭄ᬤᬶᬓ᭞ᬳᬢ᭄ᬫᬧᬭᬦ᭄ᬓᬶᬢᬢᬾᬓᬶ᭞ᬳᬶᬚᬧᬢ᭄ᬯᬦ᭄ᬳᬗᬸᬘᬧ᭄᭞ᬩᭀᬬᬵᬳᬢ᭄ᬫᬢᬶᬢ᭄ᬬᬂᬫ᭄ᬭᬶᬓᬶ᭞
ᬢᬶᬢ᭄ᬬᬂᬯᬦ᭄ᬢᬄᬚᬢ᭄ᬫᬚᬢᬶ᭞ᬳᬯᬶᬦᬦ᭄ᬢᬶᬢ᭄ᬬᬗᬾᬭᬯᬸᬄ᭞ᬢᬶᬢ᭄ᬬᬂᬓᬩᭂᬮᬲᬶᬦ᭄ᬲᭀᬫᬄ᭞ᬩᬳᬸᬧᬗᬦ᭄ᬢᬾᬦᬦ᭄ᬫᬢᬶ᭞ᬓᭀᬘᬧᬶᬧᬸᬦ᭄
ᬤᬤᭀᬲ᭄ᬮᬾᬕᭀᬂᬭᬶᬂᬲ᭄ᬯᬃᬕᬦ᭄᭟ᬯᬦ᭄ᬢᬄᬳᬶᬤᬲᬗ᭄ᬳ᭄ᬬᬂᬰᬶᬯ᭞ᬳᬶᬘ᭄ᬙᬫᬗᬦ᭄ᬤᬶᬓᬗᬸᬦᬶ᭞ᬫᬧᬗᬭᬄᬦᬾᬭᬶᬂᬢᬶᬢ᭄ᬬᬂ᭞ᬳᬦ᭄ᬢᬸᬓ᭄ᬲᬗ᭄ᬳ᭄ᬬᬂ
Kaca:Bali-lontar-gaguritan-rangda-kasihan-02-450ppi.pdf/20
Kaca puniki sampun kauji-wacén
