[᭑ 1B]
᭑
ᬑᬁᬅᬯᬶᬖ᭄ᬦᬫᬲ᭄ᬢᬸ᭚ᬧᬸᬧᬸᬄᬤᬹᬃᬫ᭄ᬫ᭚ᬲᬧᬸᬦᬶᬓᬶᬯᬾᬦ᭄ᬢᭂᬦ᭄ᬓᬢᬸᬢᬸᬭᬦ᭄ᬲᬢ᭄ᬯ᭞ᬢᬍᬃᬫᬳᬸᬢᬫᬍᬯᬶᬄ᭞ᬫᬶᬚᬶᬮᬶᬂᬅᬓ᭄ᬱᬭ᭞ᬓᭀᬘᬧ᭄ᬳᬶᬭᬗ᭄ᬤᬓᬲᬶᬳᬦ᭄᭞
ᬫᬧ᭄ᬬᬦᬓ᭄ᬳᬶᬲ᭄ᬢ᭄ᬭᬶᬓᬓᬮᬶᬄ᭞ᬮᬶᬲ᭄ᬢᬸᬳᬬᬸᬳᬃᬚ᭄ᬚ᭞ᬢᬦ᭄ᬩᬶᬦᬓᬤᬶᬤᬤᬭᬶ᭟ᬓᬂᬧᬫᬬᬸᬦ᭄ᬧᭂᬲᬾᬗᬦᬶᬭᬦᬶᬲᭀᬓ᭞ᬳᬭᬶᬦᬶᬭᬦᬶᬚᭂᬫ᭄ᬧᬶᬭᬶᬂ᭞ᬧᬤᬯᬶ
ᬘᬓ᭄ᬱᬡ᭞ᬳᬲ᭄ᬢᬶᬢᬶᬭᬶᬂᬭᬕ᭞ᬧᬹᬃᬡ᭄ᬦᬫᬢᬶᬍᬫᬩᬺᬱᬶᬄ᭞ᬗᬢᬸᬭᬂᬘᬦᬂ᭞ᬗᬲ᭄ᬢᬯᬲᬗ᭄ᬳ᭄ᬬᬂᬯᬶᬤ᭄ᬥᬶ᭟ᬲᬧᬸᬦᬶᬓᬲᭀᬢᬦᬶᬂᬳᬶᬲ᭄ᬢ᭄ᬭᬶᬳᬸᬢᬫ᭞ᬢᬦ᭄ᬓᭂᬦᬶ
ᬘᬘᬤᬶᬦ᭄ᬫᬮᬶᬄ᭞ᬳᬦᬸᬢᬶᬂᬫᬜᬫ᭞ᬦᬸᬢ᭄ᬲᬾᬮᭀᬳᬦ᭄ᬧᬮᬓ᭄ᬯᬦ᭄᭞ᬫᬓᬤᬶᬪᬓ᭄ᬢᬶᬭᬶᬂᬩᬶᬩᬶ᭞ᬳᬲ᭄ᬢᬶᬢᬶᬭᬶᬂᬳ᭄ᬬᬂ᭞ᬯ᭄ᬬᬓ᭄ᬢᬶᬲᬤ᭄ᬬᭀᬢ᭄ᬓᬭᬦ᭄ᬢᬶ᭟
[᭒ 2A]
ᬓᬘᬭᬶᬢᬧ᭄ᬭᬬᬢᬗ᭄ᬓᬶᬮ᭄ᬭᬶᬗᬶᬩ᭄ᬬᬂ᭞ᬧᬸᬦᬶᬓᬲᬗᬬᬸᬍᬯᬶᬄ᭞ᬦ᭄ᬤᬦ᭄ᬲᬧ᭄ᬭᬧ᭄ᬢᬦᬶᬭ᭞ᬢᬸᬃᬳᬦᭂᬫ᭄ᬩᬳᬶᬂᬩ᭄ᬬᬂ᭞ᬲᬂᬲᬶᬦᭂᬫ᭄ᬩᬄᬳᬲ᭄ᬫᬸᬳᬲᬶᬄ᭞ᬳᬫ᭄ᬓᬸᬮ᭄ᬓᬦ᭄ᬢ
᭞ᬳᬸᬤᬸᬄᬦᬦᬓ᭄ᬲᬂᬓᬮᬶᬄ᭟ᬢᬦ᭄ᬲᬶᬧᬶᬭᬋᬦᬦ᭄ᬫᬾᬫᬾᬫᬗᬦ᭄ᬢᭂᬦᬂ᭞ᬲᬭᬯᬸᬄᬳᬶᬤᬾᬯᬓᬮᬶᬄ᭞ᬭᬲᬢᬦᬶᬂᬚᬕᬢ᭄᭞ᬮ᭄ᬯᬶᬃᬓᬤᬶᬭᬶᬂᬲ᭄ᬯᬧ᭄ᬦ᭞
ᬫᬗ᭄ᬕᬓ᭄ᬧᬳᭂᬓᬂᬤᬶᬦᬶ᭞ᬫᬮᬶᬄᬳᬦᭂᬫ᭄ᬩᬄᬧᬸᬦᬶᬓᬲᬗᬬᬸᬓᬮᬶᬄ᭟ᬲᬵᬫ᭄ᬧᬸᬦ᭄ᬩᬶᬩᬶᬲᬄᬲᬓᬶᬂᬧᬮᬶᬗ᭄ᬕᬳᬦ᭄᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬓᬮᬶᬄ
᭞ᬢᬸᬫᬸᬮᬶᬮᬸᬗ᭄ᬕᬸᬳ᭞ᬲᬵᬫ᭄ᬧᬸᬦ᭄ᬫᬸᬗ᭄ᬕ᭄ᬯᬶᬲᬬᬦ᭞ᬧᬸᬦᬶᬓᬲᬂᬢᬶᬕᬂᬲᬶᬓᬶ᭞ᬳᬶᬩ᭄ᬬᬂᬗᬦ᭄ᬤᬶᬓ᭞ᬤᬸᬄᬫᬲ᭄ᬓᬸᬓᬮᬶᬄᬤᬶᬭᬶ᭟ᬳᬫ᭄ᬧᬸᬭᬦᬧ
Kaca:Bali-lontar-gaguritan-rangda-kasihan-02-450ppi.pdf/2
Kaca puniki sampun kauji-wacén
